وزیراعلیٰ بلوچستان کے معاون شاہد رند کی تقرری عدالت میں چیلنج
اشاعت کی تاریخ: 30th, January 2026 GMT
بلوچستان ہائیکورٹ میں شاہد رند کی بطور وزیراعلیٰ بلوچستان معاون (سیاسی و میڈیا امور) تقرری کو چیلنج کر دیا گیا۔
یہ بھی پڑھیں: وفاق اور گزشتہ صوبائی حکومتوں کے درمیان کمیونیکیشن گیپ بلوچستان میں بغاوت کی وجہ ہے، ترجمان بلوچستان حکومت شاہد رند
اس حوالے سے ایڈووکیٹ عبدالصادق خلجی کی جانب سے دائر آئینی درخواست سماعت کے لیے منظور کر لی گئی۔
درخواست پر سماعت بلوچستان ہائیکورٹ کے معزز جج جسٹس نجم الدین مینگل نے کی۔
درخواست گزار کے مطابق شاہد رند کی بطور وزیراعلیٰ معاون تعیناتی قانون اور آئین کے خلاف ہے اور وزیراعلیٰ بلوچستان کو اس نوعیت کی تقرری کا اختیار حاصل نہیں۔
مزید پڑھیے: بلوچستان حکومت کا مذہبی امور کے بعد محکمہ خوراک بھی ختم کرنے کا فیصلہ
ایڈووکیٹ عبدالصادق خلجی نے عدالت کو آگاہ کیا کہ سپریم کورٹ اور مختلف ہائیکورٹس اس طرح کی تعیناتیوں کے خلاف ماضی میں واضح فیصلے دے چکی ہیں اس کے باوجود غیر قانونی تقرریاں کی جا رہی ہیں۔
عدالت نے فریقین کے ابتدائی دلائل سننے کے بعد وزیراعلیٰ بلوچستان، چیف سیکرٹری بلوچستان اور شاہد رند کو نوٹسز جاری کرتے ہوئے جواب طلب کر لیا۔ عدالت نے مزید سماعت عدالتی تعطیلات کے بعد تک ملتوی کر دی۔
مزید پڑھیں: بلوچستان حکومت نے محکمہ مذہبی امور ختم کرنے کی منظوری دیدی
واضح رہے کہ ایڈووکیٹ عبدالصادق خلجی اس سے قبل بھی ترجمانوں اور کوآرڈینیٹرز کی تقرریوں کو متعدد بار عدالت میں چیلنج کر چکے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: شاہد رند
پڑھیں:
افغانوں کو شناختی کارڈ اجراء، دہشتگردوں سے مبینہ روابط، ملزموں کا ریمانڈ
کراچی (سٹاف رپورٹر) جوڈیشل مجسٹریٹ شرقی کی عدالت میں افغان شہریوں کے لیے مبینہ طور پر جعلی شناختی دستاویزات تیار کرنے کے مقدمے کی سماعت ہوئی۔ ایف آئی اے نے مقدمے میں گرفتار چار ملزم انعام الحق، فیاض احمد سانگی، جنید اور محمد عمر کو عدالت میں پیش کیا۔ تفتیشی افسر نے عدالت کو بتایا کہ ملزم افغان شہریوں کے لیے جعلی شناختی دستاویزات بنانے کی غرض سے سرکاری ریکارڈ میں رد و بدل کرتے تھے۔ عدالت نے ملزموںکو دو روزہ جسمانی ریمانڈ پر ایف آئی اے کے حوالے کر دیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار