پاک، امریکہ شراکتداری عالمی امن اور معاشی تعاون کیلئے مثبت، رضوان شیخ
اشاعت کی تاریخ: 30th, January 2026 GMT
واشنگٹن:(نیوزڈیسک) سفیر پاکستان رضوان سعید شیخ نے امریکہ کے معروف تھنک ٹینک ممبران سے ملاقات کی، جس میں امریکہ کے فکری حلقوں کے اہم نمائندے بھی موجود تھے۔ ملاقات کے دوران پاک امریکہ دوطرفہ تعلقات، عالمی اور علاقائی صورتحال پر تفصیلی تبادلہ خیال کیا گیا۔
سفیر پاکستان نے اہم علاقائی اور بین الاقوامی امور کے حوالے سے پاکستان کا نکتہ نظر امریکی اہل فکر کے سامنے پیش کیا اور کہا کہ 2025 پاک امریکہ تعلقات کے حوالے سے کلیدی تبدیلیوں کا سال تھا۔ انہوں نے واضح کیا کہ پاکستان اور امریکہ کے درمیان بہتر تعلقات کی نوعیت محض وقتی یا اختیاری نہیں بلکہ تعلقات کی پائیداری مستقبل کی اہم ضرورت ہے۔
رضوان سعید شیخ نے کہا کہ پاکستان نے ہمیشہ عالمی اور علاقائی امن و استحکام کے لیے اہم کردار ادا کیا ہے اور دونوں ممالک کی شراکت داری نہ صرف باہمی مفادات بلکہ عالمی امن کے لیے بھی نتیجہ خیز رہی ہے۔ انہوں نے مزید کہا کہ حالیہ مثبت رجحانات کا سہرا دونوں ممالک کی اعلیٰ قیادت کے سر ہے۔
پاکستانی سفیر نے خطے میں اقتصادی اور تجارتی تعاون پر بھی زور دیا، اور کہا کہ پاکستان جغرافیائی اہمیت کے ساتھ منافع بخش معاشی روابط قائم کرنے کی بھرپور اور طویل مدتی صلاحیت رکھتا ہے۔ انہوں نے معدنیات، توانائی اور آئی ٹی جیسے شعبہ جات میں تعاون کے فروغ کے عزم کو اجاگر کیا۔
رضوان سعید شیخ نے پاکستان کی نوجوان آبادی اور انسانی وسائل کی صلاحیت، کم لاگت اور بہتر معیار کے حوالے سے پاکستان کی مسابقتی برتری کا ذکر کرتے ہوئے امریکی سرمایہ کاروں کو بھرپور استفادہ کرنے کی دعوت دی۔
افغانستان سے پیدا ہونے والی دہشت گردی اور اس کے اثرات پر بات کرتے ہوئے انہوں نے کہا کہ پاکستانی قیادت اور عوام دہشت گردی کے عفریت کے مکمل خاتمے کے لیے پرعزم ہیں، اور عوام کی جان و مال کا تحفظ حکومت پاکستان کی اولین ترجیح ہے۔
سفیر پاکستان نے مئی 2025 کے واقعات، بھارتی جارحیت، مسئلہ کشمیر اور سندھ طاس معاہدے کی یکطرفہ معطلی پر پاکستان کے موقف کو واضح کرتے ہوئے عالمی برادری سے پانی کو ہتھیار کے طور پر استعمال کرنے کی غیر قانونی اور خطرناک روش کا نوٹس لینے کی اپیل کی۔
امریکی اہل فکر نے پاکستان کی خارجہ حکمت عملی، عالمی سیاست میں مثبت کردار اور پختہ اور کامیاب سفارت کاری کو سراہا۔
.
ذریعہ
ذریعہ: Daily Mumtaz
پڑھیں:
پاکستان کے روشن مستقبل کیلئے قومی اتحاد، استقامت اور مشترکہ کوششیں ناگزیر ہیں: فیلڈ مارشل سید عاصم منیر
سٹی 42 : فیلڈ مارشل سید عاصم منیر نے کہا ہے کہ پاکستان کے روشن مستقبل کے لیے قومی اتحاد، استقامت اور مشترکہ کوششیں ناگزیر ہیں ۔
آئی ایس پی آر کے مطابق فیلڈ مارشل سید عاصم منیر سے جی ایچ کیو میں 20ویں نیشنل ورکشاپ بلوچستان کے شرکاء کی ملاقات ہوئی ۔ فیلڈ مارشل عاصم منیر نے کہا کہ سیکیورٹی فورسز، قانون نافذ کرنے والے اداروں اور عوام کی مشترکہ کوششوں سے بلوچستان میں پائیدار امن قائم ہوگا۔ فتنہ الخوارج اور فتنہ الہندوستان کے خلاف ہدفی کارروائیاں مکمل عزم کے ساتھ جاری رہیں گی۔ انہوں نے کہا کہ دہشت گردی اور اس کے سہولت کاروں کے مکمل خاتمے تک کارروائیاں جاری رہیں گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
فیلڈ مارشل سید عاصم منیر نے کہا کہ پاکستان اور عوام کے لیے خطرہ بننے والے دہشت گرد نیٹ ورک کا ہر صورت خاتمہ کیا جائے گا، بیرونی سرپرستی میں چلنے والے پراکسی عناصر مسلسل بلوچستان میں بدامنی اور عدم استحکام پھیلانے کی کوشش کر رہے ہیں۔ دشمن کے مذموم عزائم کو مسلح افواج اور پاکستانی عوام کے اتحاد و استقامت سے ناکام بنایا جائے گا۔ انہوں نے کہا کہ بلوچستان پاکستان کا فخر اور قدرتی وسائل سے مالا مال صوبہ ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
فیلڈ مارشل سید عاصم منیر نے کہا کہ بلوچستان کے محب وطن، باصلاحیت اور ثابت قدم عوام صوبے کی سب سے بڑی طاقت ہیں، وفاقی اور صوبائی حکومتوں کے ترقیاتی منصوبے بلوچستان کی سماجی و معاشی ترقی کے لیے عوامی اور جامع حکمت عملی کے تحت جاری ہیں۔
فیلڈ مارشل سید عاصم منیر نے قومی یکجہتی کے فروغ میں سول سوسائٹی، جامعات، میڈیا اور نوجوانوں کے مثبت کردار کو سراہا۔ انہوں نے کہا کہ پاکستان کے روشن مستقبل کے لیے قومی اتحاد، استقامت اور مشترکہ کوششیں ناگزیر ہیں۔
بارشی پانی کی نکاسی نہ ہونے سے گاڑیاں اور موٹرسائیکلیں بند، شہری شدید مشکلات کا شکار
اجلاس کے اختتام پر شرکاء نے پاکستان کے استحکام، ترقی اور خودمختاری کے لیے اپنے مشترکہ عزم کا اعادہ کیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار