بھارت خطرناک عالمی وبا کا مرکز ،مسافروں کی اسکریننگ شروع
اشاعت کی تاریخ: 30th, January 2026 GMT
نئی دلی (نیوزڈیسک) بھارت میں احتیاطی تدابیر اور اقدامات نہ ہونے کے برابر۔بھارت میں خطرناک وائرس نپاہ کے پھیلاؤ کے باعث عالمی سطح پر وبائی صورتحال بن گئی۔ 6 ممالک نے ہنگامی بنیادوں پر بھارت سے آنے والے مسافروں کی اسکریننگ شروع کردی۔
بھارتی ریاست مغربی بنگال میں نپاہ وائرس کے کیسز سامنے آنے پربین الاقوامی ادارے اور ہمسایہ ممالک ہائی الرٹ ہوگئے۔ تھائی لینڈ، سنگاپور، ہانگ کانگ، ملائیشیا، انڈونیشیا اور ویتنام کے ایئرپورٹس پر بھارتی مسافروں کی کڑی نگرانی کی جاتی ہے۔
عالمی ادارہ صحت کے مطابق 25 برس میں ساتویں بار بھارت میں نپاہ وائرس بے قابوہورہا ہے لیکن خود بھارت میں احتیاطی تدابیر اور اقدامات نہ ہونے کے برابر ہیں۔ جس پر عالمی ماہرین صحت شدید تشویش کا اظہار کر رہے ہیں۔
عالمی ادارہ صحت کے مطابق فی الحال بھارت کے علاوہ کسی اور ملک میں نپاہ وائرس کا کوئی کیس رپورٹ نہیں ہوا، مغربی بنگال میں وائرس سے متاثرہ خاتون کی حالت تشویشناک بتائی جا رہی ہے۔
نپاہ وائرس کا پہلا کیس 2001 میں بھارت کے شہر سِلی گوری میں سامنے آیا تھا، اس کے بعد اب تک سات مرتبہ یہ وائرس شدت اختیار کر چکا ہے۔ ماہرین کا کہنا ہے کہ اگر بروقت اور مؤثر اقدامات نہ کیے گئے تو نپاہ وائرس عالمی وبا کی شکل اختیار کرکے سنگین خطرہ بن سکتا ہے۔
.
ذریعہ
ذریعہ: Daily Mumtaz
کلیدی لفظ: نپاہ وائرس بھارت میں
پڑھیں:
ایران کے شہید سپریم لیڈر علی خامنہ ای کی تدفین مشہد میں ہوگی، تیاریاں شروع
ایران کے شہید سپریم لیڈر آیت اللہ سید علی خامنہ ای کی تدفین تین بڑے شہروں ایران، قم اور مشہد میں نماز جنازہ کے بعد مشہد میں امام رضا کے مزار میں ہوگی، جس کے لیے حکام کی جانب سے تیاریاں شروع کی گئی ہیں۔
ایرانی میڈیا کی رپورٹ کے مطابق ایران کے دارالحکومت تہران کے سماجی و ثقافتی امور کے نائب محمد امین توکلی زادہ نے بتایا کہ شہید سپریم لیڈر آیت اللہ علی خامنہ کی تدفین کے لیے تیاریاں جاری ہیں اور صرف دارالحکومت تہران میں ڈیڑھ سےدو کروڑ (15 سے 20 ملین) لوگوں کے لیے تیاریاں جاری ہیں۔
انہوں نے کہا کہ ہم دنیا کے انتہائی استکبار مخالف رہنما، امریکا اور اسرائیل کے خلاف جنگ کے عظیم کمانڈر اور ایران کے عظیم قابل تقلید رہنما کے جنازے میں شریک ہو رہے ہیں۔
امین توکلی زادہ نے کہا کہ مختلف صوبوں کی جانب سے جنازے کی میزبانی کے لیے درخواستیں کی گئی ہیں اور تدفین ممکنہ طور پر ذوالحج کے اختتام اور محرم کے شروع میں ہوگی۔
انہوں نے کہا کہ تہران میں نماز جنازے کا پروگرام تقریباً 24 گھنٹوں تک جاری رہے گا، ہم شیعہ مسلمانوں کا ایک بہت بڑا اجتماع دیکھیں گے اور یہاں تک کہ تمام مسلمانوں کا ایک عظیم اجتماع ہوگا۔
رپورٹ میں بتایا گیا کہ آیت اللہ علی خامنہ ای کی نماز جنازے میں ہمسایہ ممالک بشمول پاکستان، افغانستان، بھارت، بنگلہ دیش اور کشمیر سے بڑی تعداد میں سوگواروں کی شرکت کا امکان ہے۔
یاد رہے کہ ایران کے سابق سپریم لیڈر آیت اللہ علی خامنہ ای 28 فروری کو امریکا اور اسرائیل کے حملے میں شہید ہوگئے تھے جب ایران پر اچانک حملہ کیا گیا تھا اور بم باری کے نتیجے میں آیت اللہ علی خامنہ ای کے علاوہ ان کے خاندان کے چند انتہائی قریبی ارکان سمیت پاسداران انقلاب کے اعلیٰ کمانڈرز بھی شہید ہوگئے تھے۔
امریکا اور اسرائیل کے اس حملے میں مناب میں لڑکیوں کے ایک اسکول پربھی بم باری کی گئی تھی، جس کے نتیجے میں اسکول کی بچیوں سمیت 165 افراد شہید ہوگئے تھے، جبکہ ایران نے جواب میں اسرائیل اور خطے کے ممالک میں قائم امریکی اڈوں پر حملے شروع کیے تھے۔
پاکستان کی ثالثی میں اپریل میں امریکا اور ایران نے جنگ بندی پر اتفاق کیا اور دونوں اطراف سے حملے روک دیے گئے تاہم ایران نے آبنائے ہرمز کا کنٹرول اپنے پاس رکھا جبکہ امریکا نے ناکہ بندی کی جو تاحال جاری ہے لیکن مخصوص جہازوں کو گزرنے کی اجازت دی جاتی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ