سپریم کورٹ کے باہر پی ٹی آئی کا دھرنا، سُہیل آفریدی کی آمد، بانی پی ٹی آئی کی صحت اور رہائی کا مطالبہ
اشاعت کی تاریخ: 30th, January 2026 GMT
data-id="863a0a8" data-element_type="widget" data-widget_type="theme-post-content.default">
اسلام آباد:تحریک انصاف کی قیادت نے بانی پی ٹی آئی کی صحت، علاج اور رہائی کے مطالبات کے لیے سپریم کورٹ کے باہر دھرنا دے دیا، جس میں وزیراعلیٰ خیبر پختونخوا سہیل آفریدی سمیت پارٹی کے اہم رہنما شریک ہوئے، دھرنے کے دوران پی ٹی آئی کارکنوں اور رہنماؤں کی جانب سے نعرے بازی بھی کی گئی جبکہ سپریم کورٹ کے اندر اور باہر سیکیورٹی کے سخت انتظامات کیے گئے۔
میڈیا رپورٹس کے مطابق تحریک انصاف کی قیادت چیف جسٹس پاکستان یحییٰ آفریدی سے ملاقات کے لیے سپریم کورٹ پہنچی۔ اس موقع پر پی ٹی آئی کے سینئر رہنما سلمان اکرم راجا اور لطیف کھوسہ کی رجسٹرار سپریم کورٹ سے ملاقات ہوئی جو تقریباً دس منٹ تک جاری رہی۔ اس کے بعد دونوں رہنماؤں نے اٹارنی جنرل سے بھی ملاقات کی، جس میں بانی پی ٹی آئی سے متعلق قانونی اور طبی امور پر گفتگو کی گئی۔
کچھ دیر بعد وزیراعلیٰ خیبر پختونخوا بھی سپریم کورٹ کے باہر پہنچ گئے۔ اس موقع پر پی ٹی آئی رہنما شفیع جان نے میڈیا سے گفتگو کرتے ہوئے کہا کہ وہ چیف جسٹس پاکستان سے ملاقات کے لیے آئے ہیں اور اگر آئینی عدالت جانا پڑا تو وہاں بھی جائیں گے، بانی پی ٹی آئی کی صحت پر کوئی سمجھوتہ قبول نہیں کیا جائے گا۔
سپریم کورٹ کے باہر اور اندر سیکیورٹی اہلکاروں کی اضافی نفری تعینات کی گئی جبکہ سیکیورٹی خدشات کے پیش نظر مزید قیدی وینز بھی سپریم کورٹ کے باہر پہنچا دی گئیں، دھرنے میں سینیٹ میں اپوزیشن لیڈر علامہ راجہ ناصر عباس بھی شریک ہوئے، جن کی آمد پر کارکنوں نے نعرے بازی کی۔
ذرائع کے مطابق حکومت نے بانی پی ٹی آئی کے ذاتی معالج کو اڈیالہ جیل بھیجنے سے انکار کر دیا ہے، تحریک انصاف کی جانب سے نجی اسپتال کے دو ڈاکٹرز کے نام فراہم کیے گئے ہیں، پی ٹی آئی کا مطالبہ ہے کہ ان نجی ڈاکٹروں کو بانی پی ٹی آئی کے طبی معائنے کے لیے اڈیالہ جیل بھیجا جائے۔ ذرائع کا کہنا ہے کہ حکومت اس معاملے پر غور کر رہی ہے۔
اسی دوران ذرائع نے بتایا کہ تحریک انصاف کے رہنما سلمان اکرم راجا کی چیف جسٹس پاکستان یحییٰ آفریدی سے ملاقات ہوئی جو تیس منٹ سے زائد جاری رہی۔ ملاقات میں سلمان اکرم راجا نے پارٹی کے تحفظات، بانی پی ٹی آئی کی صحت اور عدالتی و انتظامی معاملات سے متعلق تفصیلی بریفنگ دی۔
ملاقات کے بعد میڈیا سے گفتگو میں سلمان اکرم راجا نے کہا کہ وہ صبح سے سپریم کورٹ کے باہر موجود ہیں اور گزشتہ رات بھی تین بجے تک اڈیالہ جیل کے باہر رہے، بانی پی ٹی آئی کی صحت سے بڑھ کر ان کے لیے کچھ بھی قابل قبول نہیں اور یہ کہ فسطائی نظام کے تحت بانی پی ٹی آئی کو جیل سے اسپتال لے جایا گیا اور پانچ دن تک حقائق چھپائے گئے۔
سلمان اکرم راجا کے مطابق چیف جسٹس اور اٹارنی جنرل سے ملاقات میں یقین دہانی کرائی گئی ہے کہ پمز اسپتال اور جیل میں ہونے والے تمام واقعات کی مکمل رپورٹس بانی پی ٹی آئی کو فراہم کی جائیں گی، جب یہ رپورٹس سامنے آئیں گی تو خاندان فیصلہ کرے گا کہ آیا وہ تسلی بخش ہیں یا نہیں۔
پی ٹی آئی رہنما نے مطالبہ کیا کہ بانی پی ٹی آئی کو ناحق قید سے رہا کیا جائے، اور جب تک مقدمات ختم نہیں ہوتے انہیں اہل خانہ اور رفقا تک مکمل رسائی دی جائے،آئندہ کے لائحہ عمل کے لیے آج سیاسی کمیٹی کا اجلاس ہوگا، جس کی سربراہی علامہ راجہ ناصر عباس اور محمود خان اچکزئی کریں گے، اور پارٹی اپنی تحریک جاری رکھنے کے فیصلے پر قائم ہے۔
ذریعہ
ذریعہ: Jasarat News
کلیدی لفظ: بانی پی ٹی آئی کی صحت سپریم کورٹ کے باہر سلمان اکرم راجا تحریک انصاف سے ملاقات چیف جسٹس کے لیے
پڑھیں:
آزاد کشمیر انتخابات: استحکام پاکستان پارٹی اور مسلم کانفرنس میں انتخابی اتحاد، سیٹ ایڈجسٹمنٹ پر اتفاق
آزاد کشمیر قانون ساز اسمبلی کے انتخابات سے قبل اہم سیاسی پیشرفت سامنے آئی ہے جہاں استحکام پاکستان پارٹی (آئی پی پی) اور آل جموں و کشمیر مسلم کانفرنس نے انتخابی اتحاد اور مختلف حلقوں میں سیٹ ایڈجسٹمنٹ کے اصولی فارمولے پر اتفاق کر لیا ہے۔
یہ بھی پڑھیں: آزاد کشمیر میں انتخابی عمل سبوتاژ کرنے کی کوششیں ناکام بنائیں گے، چیف الیکشن کمشنر کا واضح پیغام
یہ اتفاق رائے استحکام پاکستان پارٹی آزاد کشمیر کے صدر اور سابق وزیراعظم سردار تنویر الیاس خان اور آل جموں و کشمیر مسلم کانفرنس کے صدر و سابق وزیراعظم سردار عتیق احمد خان کے درمیان ملاقات کے دوران ہوا۔
ملاقات میں آزاد کشمیر کی مجموعی سیاسی صورتحال، آئندہ قانون ساز اسمبلی کے انتخابات اور دونوں جماعتوں کے درمیان انتخابی تعاون پر تفصیلی تبادلہ خیال کیا گیا۔
دونوں رہنماؤں نے مختلف انتخابی حلقوں میں سیٹ ایڈجسٹمنٹ کے اصولی فارمولے کی منظوری دے دی جبکہ انتخابات کے بعد بھی مشترکہ حکمت عملی کے تحت آگے بڑھنے پر اتفاق کیا گیا۔
مزید پڑھیے: تنویر الیاس کے قافلے پر حملہ، وزیراعظم آزاد کشمیر فیصل ممتاز راٹھور کی شدید مذمت
ملاقات میں فیصلہ کیا گیا کہ دونوں جماعتوں کی مشترکہ رابطہ کمیٹی جلد مختلف حلقوں میں امیدواروں کی حمایت اور سیٹ ایڈجسٹمنٹ سے متعلق حتمی اعلان کرے گی۔
سیاسی مبصرین کے مطابق اس اتحاد کو آزاد کشمیر کے انتخابات میں ایک اہم پیشرفت قرار دیا جا رہا ہے کیونکہ دونوں جماعتیں مشترکہ حکمت عملی کے ذریعے انتخابی میدان میں اپنا اثر و رسوخ بڑھانے کی کوشش کر رہی ہیں۔
مزید پڑھیں: آزاد کشمیر میں آئندہ حکومت استحکام پاکستان پارٹی کی ہوگی، تنویر الیاس کا دعویٰ
ملاقات کے موقع پر سابق معاون خصوصی سردار امتیاز شاہین، مسلم کانفرنس یوتھ ونگ کے چیئرمین سردار عثمان عتیق، کھائیگلہ پونچھ سے مسلم کانفرنس کے نامزد امیدوار ڈاکٹر عرفان اشرف، سابق امیدوار اسمبلی سردار منظور ایڈووکیٹ، سابق ڈی جی ہیلتھ سردار محمود خان، پولیٹیکل ایڈوائزر سردار افتخار رشید، ممبر میونسپل کارپوریشن باغ سردار شجاع منگول ایڈووکیٹ، سابق پولیٹیکل سیکرٹری سردار شبریز صابر، پیر عبدالقادر، سردار عفان عتیق، راجہ عبدالجبار اور اسٹاف آفیسر سردار حفیظ خان بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آل جموں و کشمیر مسلم کانفرنس کے صدر و سابق وزیراعظم سردار عتیق احمد خان استحکام پاکستان پارٹی آزاد کشمیر تنویر الیاس اور سرادر عتیق احمد کی ملاقات سابق وزیراعظم سردار تنویر الیاس خان
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار