پال اسٹرلنگ سب سے زیادہ ٹی ٹوئنٹی انٹرنیشنل میچز کھیلنے والے کھلاڑی بن گئے
اشاعت کی تاریخ: 30th, January 2026 GMT
data-id="863a0a8" data-element_type="widget" data-widget_type="theme-post-content.default">
آئرلینڈ کے کپتان پال اسٹرلنگ نے ٹی ٹوئنٹی انٹرنیشنل کرکٹ میں ایک نیا تاریخی سنگِ میل عبور کر لیا ہے اور وہ مختصر ترین فارمیٹ میں سب سے زیادہ میچز کھیلنے والے کھلاڑی بن گئے ہیں۔
یہ اعزاز آئرلینڈ کے کپتان پال اسٹرلنگ نے متحدہ عرب امارات کے خلاف کھیلے گئے میچ کے ساتھ حاصل کیا، جو ان کے کیریئر کا 160 واں ٹی ٹوئنٹی انٹرنیشنل مقابلہ تھا۔
اس کامیابی کے ساتھ ہی 35 سالہ پال اسٹرلنگ نے بھارت کے سابق کپتان روہت شرما کو پیچھے چھوڑ دیا، جن کے نام 159 ٹی ٹوئنٹی انٹرنیشنل میچز کا ریکارڈ تھا، روہت شرما 2024 میں اس فارمیٹ سے ریٹائر ہو چکے ہیں، جس کے بعد یہ ریکارڈ اسٹرلنگ کے لیے حاصل کرنا ممکن ہوا۔
پال اسٹرلنگ نے اپنے ٹی ٹوئنٹی انٹرنیشنل کیریئر کا آغاز 2009 میں پاکستان کے خلاف کیا تھا۔ وقت کے ساتھ وہ نہ صرف آئرلینڈ کرکٹ کے اہم ستون بنے بلکہ عالمی سطح پر بھی مختصر فارمیٹ کے سب سے تجربہ کار کھلاڑیوں میں شمار ہونے لگے۔ ان کی مستقل مزاجی اور فٹنس نے انہیں طویل عرصے تک بین الاقوامی کرکٹ میں نمایاں مقام دلایا۔
اعداد و شمار پر نظر ڈالیں تو پال اسٹرلنگ ٹی ٹوئنٹی انٹرنیشنل کرکٹ کے آل ٹائم رن اسکوررز کی فہرست میں چوتھے نمبر پر موجود ہیں۔ وہ اب تک 3 ہزار 874 رنز اسکور کر چکے ہیں، جن میں ایک شاندار سنچری اور 24 نصف سنچریاں شامل ہیں، جو ان کی جارحانہ بیٹنگ اور میچ وننگ صلاحیت کا واضح ثبوت ہیں۔
پال اسٹرلنگ کا یہ سنگِ میل نہ صرف آئرلینڈ کرکٹ کے لیے باعثِ فخر ہے بلکہ ٹی ٹوئنٹی انٹرنیشنل کی تاریخ میں بھی ایک اہم اضافہ قرار دیا جا رہا ہے، جو ان کی طویل وابستگی، کارکردگی اور عالمی کرکٹ میں مقام کو مزید مضبوط کرتا ہے۔
ذریعہ
ذریعہ: Jasarat News
کلیدی لفظ: ٹی ٹوئنٹی انٹرنیشنل پال اسٹرلنگ نے
پڑھیں:
کوہستان اسکینڈل منظر عام پر لانے والے صحافی کو اعزاز سے نواز دیا گیا
فائل فوٹوچیئرمین قومی احتساب بیورو (نیب) لیفٹیننٹ جنرل (ر) نذیر احمد نے کوہستان اسکینڈل منظر عام پر لانے والے صحافی کو اعزاز سے نواز دیا۔
کوہستان مالیاتی کرپشن کیس میں قومی احتساب بیورو (نیب) نے 6 ارب روپے کے اثاثے ریکور کرکے خیبرپختونخوا حکومت کے حوالے کردیے جبکہ مزید ریکوری کا عمل جاری ہے۔
پشاور میں ایک خصوصی تقریب کے دوران لیفٹیننٹ جنرل (ر) نذیر احمد نے جنگ اور جیو گروپ کے سینئر صحافی ارشد عزیز ملک کو خصوصی شیلڈ اور سرٹیفکیٹ دیا۔
جنگ اور جیو نے 30 اپریل 2025ء کو کوہستان میں سرکاری بینک اکاؤنٹس سے 40 ارب روپے کی خرد برد کی خبر بریک کی تھی، کوہستان اسکینڈل ملکی تاریخ کا بڑا مالیاتی اسکینڈل تھا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ