ڈی این اے تحقیق میں انقلاب کی کوشش، گوگل ڈیپ مائنڈ نے نیا اے آئی ماڈل بنالیا
اشاعت کی تاریخ: 30th, January 2026 GMT
گوگل کی ڈیپ مائنڈ نے مصنوعی ذہانت کا ایک نیا ماڈل تیار کیا ہے جو انسانی ڈی این اے یعنی جسم کے مکمل نسخے کو سمجھنے اور بیماریوں کی تحقیق میں انقلاب لا سکتا ہے۔
یہ بھی پڑھیں: قدرتی آفات سے بچاؤ کے لیے گوگل ڈیپ مائنڈ مددگار، جانیں کیسے؟
اس ماڈل کا نام الفا جینوم رکھا گیا ہے اور یہ محققین کے مطابق جینیاتی بیماریوں، کینسر اور دیگر پیچیدہ مسائل کی تشخیص اور علاج کے نئے مواقع پیدا کر سکتا ہے۔
الفا جینوم انسانی جینوم کے ’ڈارک جینوم‘ کو سمجھنے میں مدد دیتا ہے جو جینوم کا وہ حصہ ہے جسے اب تک مکمل طور پر سمجھا نہیں گیا اور جو بیماریوں سے جڑی تبدیلیوں کا مرکز ہے۔
ماڈل ایک وقت میں ایک لاکھ جینیاتی حرف کا تجزیہ کر سکتا ہے اور یہ پیشگوئی کر سکتا ہے کہ کسی حرف میں تبدیلی کا انسانی جسم پر کیا اثر پڑے گا۔
ڈیپ مائنڈ کی محقق نتاشا لیٹیشیوا نے کہا کہ الفا جینوم کو جینوم کے فنکشنل عناصر کو سمجھنے کے لیے ایک ٹول کے طور پر دیکھتے ہیں جو زندگی کے کوڈ کو سمجھنے میں ہماری بنیادی تحقیق کو تیز کرے گا۔
الفا جینوم کا استعمال اب تک 3,000 سائنسدانوں نے غیر تجارتی بنیادوں پر کیا ہے۔ یونیورسٹی آف ایکسیٹر کے ڈاکٹر گیرتھ ہاکس اسے استعمال کرتے ہوئے یہ سمجھنے کی کوشش کر رہے ہیں کہ کس طرح جینیاتی تبدیلیاں موٹاپا اور ذیابیطس کے خطرے کو متاثر کر سکتی ہیں۔
اس ماڈل کے ذریعے محققین تیزی سے جان سکتے ہیں کہ ڈارک جینوم میں پائی جانے والی جینیاتی تبدیلیاں کس حیاتیاتی عمل کو متاثر کر رہی ہیں اور یہ معلومات نئے علاج اور دوائیوں کی دریافت میں مددگار ثابت ہو سکتی ہیں۔
مزید پڑھیے: گوگل کا نیا سنگ میل، ’جیمنی 2.
کینسر کی تحقیق میں بھی الفا جینوم ایک اہم کردار ادا کر سکتا ہے۔ اس کے ذریعے محققین یہ پیش گوئی کر سکتے ہیں کہ کونسی جینیاتی تبدیلیاں کینسر کو بڑھا رہی ہیں اور کونسی محض غیر اہم ہیں، جس سے ممکنہ علاج کے اہداف متعین کیے جا سکتے ہیں۔
فراسِس کرک انسٹیٹیوٹ کے ڈاکٹر رابرٹ گولڈ اسٹون نے کہا کہ یہ ماڈل جینومک اے آئی میں ایک سنگ میل ہے اور جینیاتی ترتیب سے جین اظہار کی پیش گوئی کرنے کی صلاحیت حیرت انگیز تکنیکی کامیابی ہے۔
ماہرین کا کہنا ہے کہ یہ ماڈل مکمل طور پر مکمل نہیں ہے اور ابھی اسے بہتر بنانے کی ضرورت ہے خاص طور پر طویل فاصلے پر جین کے کنٹرول اور مختلف ٹشوز میں اس کی کارکردگی کو بہتر بنانے کے لیے۔
ڈیپ مائنڈ کی ٹیم نے پہلے الفا فولڈ کے لیے کیمسٹری میں نوبل انعام بھی جیتا تھا جو پروٹین کی 3 جہتی ساخت کی پیشگوئی کرتا ہے۔
مزید پڑھیں: گوگل کا کروم بُک کے لیے اسٹیم سپورٹ ختم کرنے کا اعلان
گوگل ڈیپ مائنڈ کے پشمیت کوہلی کا کہنا ہے کہ ہم سائنسی ترقی کے ایک نئے دور کے آغاز پر ہیں اور مصنوعی ذہانت کئی نئی دریافتوں کو ممکن بنائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الفا جینوم ڈارک جینوم گوگل گوگل ڈیپ مائنڈ گوگل ڈیپ مائنڈ اور ڈی این اے تحقیق
ذریعہ
ذریعہ: WE News
کلیدی لفظ: الفا جینوم ڈارک جینوم گوگل گوگل ڈیپ مائنڈ الفا جینوم کر سکتا ہے کو سمجھنے کے لیے ہے اور
پڑھیں:
امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی
امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی WhatsAppFacebookX 0 23 July, 2026 سب نیوز
لندن (آئی پی ایس )امریکا کی جانب سے ایران پر بمباری کے لیے برطانوی ائیربیس کے استعمال پر ایرانی پاسداران انقلاب نے برطانیہ کو سخت ردعمل کی دھمکی دی ہے۔برطانوی میڈیا کے مطابق نئے وزیراعظم اینڈی برنہم کے عہدہ سنبھالنیکے بعد امریکی فوج نے گلوسیسٹرشائر میں واقع رائل ائیر فورس کے آر اے ایف فیئرفورڈ فضائی اڈے سے ایران کے خلاف B-1 اسٹریٹجک بمبار طیاروں سے بمباری کی۔
ایرانی میڈیا کے مطابق اس حملے میں امریکی طیاروں نے ایران عراق سرحدی علاقے شلمچہ بارڈرکراسنگ کو نشانہ بنایا جس میں 2 افراد شہید اور 11 زخمی ہوئے۔ ایران نے اس کے جواب میں آنکھ کے بدلے آنکھ کی بنیاد پر جوابی کارروائیوں کی دھمکی دی۔
ایرانی وزیر خارجہ عباس عراقچی نیکہا کہ ہماری دفاعی پالیسی واضح ہے، آنکھ کے بدلے آنکھ۔ جو لوگ کسی بھی قسم کی مدد کے ذریعے ایران کیخلاف جارحیت میں شریک ہوں گے، انہیں بھی جائز ہدف سمجھا جائیگا۔اب ایرانی پاسداران انقلاب نے امریکی طیاروں کے برطانوی فضائی اڈوں کے استعمال پر برطانیہ کو خبردار کیا ہے۔
پاسداران انقلاب کا کہنا ہیکہ حالیہ کارروائیوں میں امریکی افواج نے ابتدا میں بحر ہند میں موجود بحری جہازوں سے کروز میزائل داغے اور جب ان کے ذخائر کم ہوگئے تو برطانیہ کے آر اے ایف فیئرفورڈ فضائی اڈے سے اڑنے والے B-1 بمبار طیاروں کا استعمال کیا۔پاسداران انقلاب نے خبردار کیا ہیکہ ایران کے خلاف کسی بھی جارحیت میں استعمال ہونے والا ہر فوجی اڈہ ایک جائز فوجی ہدف سمجھا جائے گا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرجدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیا اگلی خبرآزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع جدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیاCopyright © 2026, All Rights Reserved
رابطہ کریں ہماری ٹیم
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار