گوگل میپس میں ہینڈز فری نیوی گیشن اب پیدل اور سائیکل سوار صارفین کے لیے بھی دستیاب
اشاعت کی تاریخ: 30th, January 2026 GMT
data-id="863a0a8" data-element_type="widget" data-widget_type="theme-post-content.default">
ٹیکنالوجی کے عالمی ادارے گوگل نے اپنی مقبول ترین نیوی گیشن سروس میپس میں طاقتور آرٹیفیشل انٹیلیجنس (اے آئی) فیچر متعارف کروا کر صارفین کے تجربے کو مزید جدید بنایا ہے، نومبر 2025 میں متعارف کرائے جانے والے جیمنائی پر مبنی اس فیچر کا مقصد ابتدائی طور پر ڈرائیونگ کے دوران ہینڈز فری نیوی گیشن فراہم کرنا تھا، لیکن اب یہ پیدل چلنے والے اور سائیکل سوار صارفین کے لیے بھی دستیاب ہو گیا ہے۔
گوگل کی بلاگ پوسٹ کے مطابق نئی اپڈیٹ صارفین کو ہر قسم کے سفر کے دوران فوری اور موثر ہدایات فراہم کرے گی۔ اب اگر کوئی شخص کسی نئے علاقے میں پیدل چل رہا ہو یا سائیکل چلا رہا ہو، تو وہ بس اوکے گوگل کہہ کر سوال کر سکتا ہے اور جیمنائی فوری طور پر ضروری معلومات اور ہینڈز فری جوابات فراہم کرے گا۔
یہ فیچر صرف اینڈرائیڈ اور آئی او ایس ڈیوائسز پر دستیاب ہوگا، جبکہ ویب ورژن میں صارفین اسے استعمال نہیں کر سکیں گے۔ اس کے علاوہ، جیمنائی کو ہدایات دے کر ٹیکسٹ بھی بھیجنا ممکن ہے، البتہ اس کے لیے صارف کی جانب سے AI ماڈل کو پرمیشن دینا لازمی ہے۔
گوگل کا کہنا ہے کہ یہ فیچر دنیا بھر میں دستیاب ہو رہا ہے، جہاں بھی جیمنائی AI ماڈل فعال ہوگا، وہاں میپس صارفین نئی اپڈیٹ سے فائدہ اٹھا سکیں گے۔
کمپنی کے مطابق آنے والے ہفتوں میں یہ سہولت عالمی سطح پر صارفین کے لیے فعال ہو جائے گی، جس سے نیوی گیشن کا تجربہ نہ صرف زیادہ آسان بلکہ زیادہ انٹرایکٹو اور محفوظ بھی ہو جائے گا۔
یہ اپڈیٹ گوگل میپس کو صرف ڈرائیورز کے لیے نہیں بلکہ پیدل چلنے والے اور سائیکل سوار شہریوں کے لیے بھی ایک جدید اور قابل اعتماد نیوی گیشن ٹول بنا دے گی، جو صارفین کو نئے علاقوں میں راستہ تلاش کرنے اور فوری فیصلے کرنے میں مددگار ثابت ہو گا۔
ذریعہ
ذریعہ: Jasarat News
کلیدی لفظ: نیوی گیشن صارفین کے کے لیے
پڑھیں:
جاپان نے شدید گرمی سے بچاؤ کے لیے ‘انسانی ریفریجریٹر’ تیار کرلیا
جاپان نے شدید گرمی میں کام کرنے والے افراد کے لیے ایک منفرد ٹھنڈا کرنے والا کیبن متعارف کرا دیا ہے جسے ‘انسانی ریفریجریٹر’ کہا جا رہا ہے۔
یہ آلہ چند منٹ میں جسم کا درجہ حرارت کم کرنے میں مدد دیتا ہے اور خاص طور پر تعمیراتی شعبے، فیکٹریوں اور کھلے مقامات پر کام کرنے والے افراد کے لیے تیار کیا گیا ہے۔
یہ بھی پڑھیں: موسمیاتی تبدیلی کے نتیجے میں بڑھتی گرمی انسانی دماغ پر کیا اثر ڈال رہی ہے؟
جاپانی کمپنیوں کی تیار کردہ اس مشین کو ‘دو ہائیمون باکس’ کا نام دیا گیا ہے۔ یہ ایک چھوٹے کمرے یا کیبن کی طرح ہے جس میں ایک شخص داخل ہوکر گرمی سے فوری راحت حاصل کرسکتا ہے۔ اس کے اندر درجہ حرارت تقریباً 15 ڈگری سینٹی گریڈ رکھا جاتا ہے جبکہ ٹھنڈی ہوا سر، گردن، کندھوں اور کمر کی جانب پھینکی جاتی ہے۔
کمپنی کے مطابق چند منٹ کے استعمال سے جسم کو ٹھنڈک کا احساس ہونا شروع ہوجاتا ہے، جبکہ تقریباً 10 منٹ تک اس میں رہنے سے شدید گرمی کے اثرات کم کرنے میں مدد مل سکتی ہے۔ یہ نظام پورے کمرے کو ٹھنڈا کرنے کے بجائے صرف انسان کے جسم کو ٹھنڈا کرنے پر توجہ دیتا ہے، جس سے توانائی کی بچت بھی ہوتی ہے۔
یہ بھی پڑھیں: ریفریجریٹر سے پہلے پانی ٹھنڈا کرنے کی سعودی صحرائی ایجاد کیا تھی؟
یہ ایجاد ایسے وقت میں سامنے آئی ہے جب جاپان سمیت دنیا کے کئی ممالک میں شدید گرمی کی لہریں بڑھ رہی ہیں اور بیرونی کام کرنے والے افراد کو گرمی سے متعلق مسائل کا سامنا ہے۔
‘دو ہائیمون باکس’ کو کاروباری اداروں کے لیے فروخت کیا جا رہا ہے اور اسے فیکٹریوں، تعمیراتی مقامات اور دیگر گرم ماحول والی جگہوں پر استعمال کے لیے تیار کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news انسانی فریج جاپان گرمی
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار