حیدرآباد، میڈیکل سپرنٹنڈنٹ کا سول اسپتال کا دورہ، فارمیسی کا معائنہ
اشاعت کی تاریخ: 31st, January 2026 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)لیاقت یونیورسٹی اسپتال حیدرآبادجامشورو کے میڈیکل سپرنٹنڈنٹ ڈاکٹر سید ارشاد حسین کاظمی نے کہا ہے کہ ہمارے ڈاکٹرز، نرسسز، پیرا میڈیکل اسٹاف مریضوں کو بہتر سہولیات کی فراہمی اور ان کی دیکھ بھال کیلئے شب و رز محنت کر رہے ہیں جبکہ ہمار ی اولین ترجیح ہے کہ مریضوں کو بہتر سے بہتر علاج و معالجے کی سہولیات مہیا کریں تاکہ مریض جلد سے جلد صحتیاب ہو کر اپنے گھروں کو جا سکیں۔ان خیالات کا اظہار انہوں نے سول اسپتال حیدرآباد میں زیرِ تعمیر ایم آر آئی ،سٹی اسکین شعبہ میں نئے کمروں اور پلمونولوجی (امراضِ سینہ)ڈپارٹمنٹ میں نئے تعمیراتی کاموں کاجائزہ لینے کیلئے تفصیلی دورے کے موقع پر ایڈمنسٹریشن افسران سے گفتگو کرتے ہوئے کیا۔ایم ایس ڈاکٹر سید ارشاد حسین کاظمی کے ہمراہ ورکس اینڈ سروسز ڈپارٹمنٹ سندھ کے افسران بھی موجود تھے۔اس موقع پرمیڈیکل سپرنٹنڈنٹ ڈاکٹر سید ارشاد حسین کاظمی نے سول اسپتال حیدرآباد میں زیرِ تکمیل 24گھنٹے فعال فارمیسی کا بھی معائنہ کیا، جہاں انہوں نے جاری کاموں، آلات کی تنصیب اور انتظامی تیاریوں کا جائزہ لیا۔میڈیکل سپرنٹنڈنٹ ڈاکٹر سید ارشاد حسین کاظمی نے مزید کہا کہ سول اسپتال حیدرآباد میں سندھ بھر سے مریض علاج و معالجے کیلئے آتے ہیںاس لئے ہماری شب و روزکوشش ہے کہ مریضوں کے لیے مزید زیر تعمیر نئے وارڈز کی تعمیر کا کام جلد از جلد پایہ تکمیل کو پہنچ جائیں ۔ انہوں نے کہا کہ فارمیسی کے کام آخری مراحل میں داخل ہوچکے ہیں اور اسے جلد عوام کے لیے فعال کر دیا جائے گا۔ ڈاکٹر سید ارشاد حسین کاظمی نے متعلقہ افسران اور کنٹریکٹرز کو ہدایت دی کہ پلمونولوجی ڈپارٹمنٹ ،فارمیسی اور ایم آر آئی ،سٹی اسکین میں زیر تعمیر نئے کمروں سمیت تمام ترقیاتی منصوبوں کو مقررہ مدت کے اندر، اعلی معیار اور شفافیت کے ساتھ مکمل کیا جائے تاکہ مریضوں کو بروقت اور بہتر طبی سہولیات میسر آسکیں۔ انہوں نے کہا کہ عوامی مفاد کے منصوبوں میں کسی قسم کی غفلت یا تاخیر ناقابلِ برداشت ہے اور اسپتال انتظامیہ ترقیاتی کاموں کی براہِ راست خود نگرانی کررہی ہے۔
ذریعہ
ذریعہ: Jasarat News
کلیدی لفظ: ڈاکٹر سید ارشاد حسین کاظمی نے میڈیکل سپرنٹنڈنٹ سول اسپتال انہوں نے
پڑھیں:
اوباڑو : تیز آندھی اور بارش کے باعث مختلف حادثات میں 50 کے قریب افراد زخمی
سٹی 42 : اوباڑو اور گردونواح میں تیز آندھی اور بارش کے باعث مختلف حادثات میں 50 کے قریب افراد زخمی ہوگئے ۔
پولیس کے مطابق زخمیوں میں مرد، خواتین اور بچے شامل ہیں، تعلقہ اسپتال میں ایمرجنسی نافذ کردی گئی ہے۔ اسسٹنٹ کمشنر اوباڑو کی ہدایت پر اسپتال کے تمام عملے کو الرٹ کر دیا گیا۔
اسپتال ذرائع کے مطابق بعض زخمیوں کی حالت تشویشناک بتائی جا رہی ہے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
اسسٹنٹ کمشنر صحیب الاہی کا کہنا ہےکہ شدید آندھی کے باعث مختلف علاقوں میں حادثات پیش آئے، زخمیوں کو فوری طبی امداد فراہم کی جا رہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ