بابائے اردو اسکول میں استقبالِ رمضان و شبِ معراج کی پُروقار تقریب
اشاعت کی تاریخ: 31st, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) لیاقت آباد ٹاؤن کے بابائے اردو مولوی عبدالحق ایلیمنٹری اسکول میں رمضان المبارک کے استقبال اور شب معراج کی مناسبت سے پروگرام کا انعقاد کیا گیا۔ یہ تقریب تنظیم اساتذہ پاکستان کی فعال معاون حبیبہ شاہد کے تعاون سے منعقد ہوئی جس کی صدارت تنظیم اساتذہ پاکستان کی نائب صدر شائستہ مدنی نے کی۔ پروگرام میں بچوں‘ اساتذہ اور معزز مہمانوں نے بڑی تعداد میں شرکت کر کے محفل کو رونق بخشی۔ شائستہ مدنی نے اپنے صدارتی خطاب میں کہا کہ رمضان المبارک برکتوں اور مغفرت کا مہینہ ہے جبکہ شب معراج ہمیں سنت رسول ؐ کی پیروی کا درس دیتی ہے۔ انہوں نے بچوں کو اچھے اعمال اور عبادت کی تلقین کرتے ہوئے اسکول انتظامیہ کی مذہبی و اخلاقی تربیت کی کوششوں کو سراہا۔ تقریب کے دوران بچوں نے حمد‘ نعت اور قصائد پیش کیے جبکہ طلبہ نے شبِ معراج کے واقعات پر مبنی سبق آموز ڈراما بھی پیش کیا۔ پروگرام کے اختتام پر شائستہ مدنی نے بچوں میں انعامات تقسیم کیے اور اجتماعی دعا کے ساتھ مشعلوں کی رونمائی کی گئی۔
ذریعہ
ذریعہ: Jasarat News
پڑھیں:
ٹیسلا نے بچوں کے لیے نئی بیلنس بائیک متعارف کرا دی، قیمت کتنی ہے؟
اسلام آباد: معروف امریکی الیکٹرک گاڑیاں بنانے والی کمپنی ٹیسلا نے 2 سے 5 سال عمر کے بچوں کے لیے نئی بیلنس بائیک متعارف کرا دی ہے، جسے جدید ڈیزائن اور ہلکے وزن کے ساتھ تیار کیا گیا ہے۔
کمپنی کے مطابق یہ ٹیسلا بچوں کی بیلنس بائیک مضبوط مگر ہلکے میگنیشیم فریم پر مشتمل ہے، جبکہ اس میں بچوں کی سہولت کے لیے ایڈجسٹ ہونے والی نشست بھی دی گئی ہے۔ بائیک کے سائیڈ پر ٹیسلا کا نام اور سامنے نمایاں T لوگو بھی موجود ہے۔
یہ بائیک روایتی سائیکل سے مختلف ہے کیونکہ اس میں نہ پیڈل موجود ہیں، نہ موٹر اور نہ ہی بریک۔ بچے اپنے پیروں کی مدد سے اسے چلاتے ہیں، جس سے ان میں توازن برقرار رکھنے اور سائیکل چلانے کی بنیادی مہارت پیدا کرنے میں مدد ملتی ہے۔
کمپنی نے اس منفرد بائیک کی قیمت 225 امریکی ڈالر مقرر کی ہے، جو عام بیلنس بائیکس کے مقابلے میں زیادہ ہے، کیونکہ مارکیٹ میں ایسی بیشتر بائیکس تقریباً 100 ڈالر میں دستیاب ہوتی ہیں۔
قیمت نسبتاً زیادہ ہونے کے باوجود یہ بائیک فروخت کے آغاز کے فوراً بعد آؤٹ آف اسٹاک ہو گئی، جس سے صارفین کی غیر معمولی دلچسپی ظاہر ہوتی ہے۔
ٹیسلا کے مطابق نئی کھیپ کے لیے 31 جولائی سے پری آرڈر دوبارہ شروع کیے جائیں گے۔
کمپنی کا کہنا ہے کہ یہ بائیک 2 سے 5 سال عمر کے بچوں کے لیے موزوں ہے۔ اس کے استعمال کے لیے بچے کی ٹانگ کی کم از کم لمبائی 13.7 انچ (35 سینٹی میٹر) ہونی چاہیے، جبکہ تجویز کردہ زیادہ سے زیادہ وزن 30 کلوگرام اور قابل برداشت زیادہ سے زیادہ وزن 35 کلوگرام رکھا گیا ہے۔
ٹیسلا نے یہ بھی بتایا کہ بائیک کی اسمبلنگ کے لیے درکار تمام ضروری اوزار پیکج میں شامل ہوں گے، جبکہ صارفین کو مکمل ہدایات پر مشتمل استعمال کا کتابچہ بھی فراہم کیا جائے گا۔
ماہرین کے مطابق بچوں کی مصنوعات کی مارکیٹ میں ٹیسلا کی یہ نئی پیشکش کمپنی کی برانڈ توسیع کی حکمت عملی کا حصہ ہے، جس کے ذریعے وہ گاڑیوں کے علاوہ دیگر صارفین کی مصنوعات میں بھی اپنی موجودگی مضبوط بنا رہی ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا