13 فروری کے بعد کسی بھتا خور اور کرپشن کے چمپئن کو نہیں چھوڑا جائیگا,جماعت اسلامی بنگلا دیش
اشاعت کی تاریخ: 31st, January 2026 GMT
data-id="863a0a8" data-element_type="widget" data-widget_type="theme-post-content.default">
260131-08-23
ڈھاکا (صباح نیوز)جماعت اسلامی کے امیر شفیق الرحمن نے ملک بھر کے تاجروں سے بھتا خوری کے خلاف اٹھ کھڑے ہونے کی اپیل کرتے ہوئے کہا ہے کہ 13 فروری کے بعد کسی بھتا خور اور کرپشن کے چمپئن کو نہیں چھوڑا جائے گا۔ان خیالات کا اظہار شفیق الرحمن نے دارالحکومت ڈھاکا کے کاروان بازار میں 11 جماعتی انتخابی اتحاد برائے ڈھاکا 12 کے امیدوار سیف عالم خان کے انتخابی جلسے سے بطور مہمان خصوصی خطاب کرتے ہوئے کیا۔امیر جماعت نے کہا کہ کسان، ٹرانسپورٹ مالکان، ہول سیل اور ریٹیل تاجر بھتا خوری سے متاثر ہیں۔ انہوں نے ملک بھر کے تاجروں سے بھتا خوری کے خلاف اٹھ کھڑے ہونے کی اپیل کی۔شفیق الرحمن نے کہا کہ جماعت اسلامی سمیت 11 جماعتوں کا انتخابی اتحاد اقتدار میں آیا تو الیکشن کے اگلے دن 13 فروری سے ملک کی تصویر بدل جائے گی۔ 90 فیصد بھتا خور مفلوج ہو جائیں گے۔ بقیہ 10 فیصد کو پہلے بھتا نہ لینے کی تاکید کی جائے گی، اگر وہ پھر بھی نہ سمجھے تو جو کچھ کرنا ہوگا وہ کیا جائے گا، یہ نہیں دیکھا جائے گا کہ کس کا باپ، کس کا بھائی، کس کا بیٹا ہے، اس معاملے میں بے رحم، ظالمانہ اور سخت سلوک کیا جائے گا۔جماعت کے امیر نے تبصرہ کیا کہ انتخابات کے ارد گرد کے آثار اچھے نہیں ہیں۔ انہوں نے کہاکہ ہر طرف طرح طرح کے برے آثار ابھر رہے ہیں۔ ماؤں بہنوں پر حملے ہو رہے ہیں، لوگوں کو حملوں سے مارا جا رہا ہے، دفاتر کو جلایا جا رہا ہے، انتخابی مہم میں رکاوٹیں ڈالی جا رہی ہیں، اور لوگوں پر حملے کر کے لڑائی کو بھڑکانے کی کوشش کی جا رہی ہے۔شفیق الرحمن نے حکومت اور الیکشن کمیشن پر زور دیا کہ وہ عوام کا اعتماد حاصل کرنے کے لیے مناسب اقدامات کریں۔ انہوں نے کہا کہ اگر وہ ایسا کرنے میں ناکام رہے تو انہیں اپنی ناکامی کی ذمے داری قبول کرنی ہوگی۔امیر جماعت اسلامی شفیق الرحمن نے مخالفین کو مخاطب کرتے ہوئے کہا کہ دوسروں کی عزت کریں، جمہوریت کی بات کرنے والوں کو اس جمہوریت کے راستے پر چلنا چاہیے۔امیر جماعت اسلامی نے عوام پر زور دیا کہ وہ ترازو کے نشان کے ساتھ اور ریفرنڈم میں’’ہاں‘‘ میں ووٹ دیں۔
ڈھاکا: امیر جماعت اسلامی بنگلا دیش شفیق الرحمن کاروان بازار میں انتخابی جلسے سے خطاب کررہے ہیں
ذریعہ
ذریعہ: Jasarat News
کلیدی لفظ: شفیق الرحمن نے جماعت اسلامی جائے گا
پڑھیں:
آزاد کشمیر الیکشن کے حوالے سے میڈیا کیلیے ضابطہ اخلاق جاری
الیکشن کمیشن آزاد کشمیر نے انتخابات 2026 کے لیے نیا میڈیا ضابطہ اخلاق جاری کر دیا، پالیسی کا مقصد انتخابی عمل میں شفافیت، غیرجانبداری اور ذمہ دارانہ صحافتی روایات کو یقینی بنانا ہے۔
الیکشن کمیشن کے مطابق تمام میڈیا اداروں کو ہدایت کی گئی ہے کہ وہ انتخابی کوریج کے دوران مکمل غیرجانبداری کا مظاہرہ کریں اور ضابطہ اخلاق پر سختی سے عمل درآمد کریں۔
اعلامیے میں کہا گیا ہے کہ پولنگ اسٹیشن کے اندر صرف مجاز میڈیا نمائندوں کو کوریج کی اجازت ہوگی تاہم پولنگ بوتھ کے اندر ووٹنگ کی خفیہ کارروائی کی کسی بھی قسم کی ریکارڈنگ یا فوٹوگرافی سختی سے ممنوع ہوگی۔
الیکشن کمیشن نے پولنگ ختم ہونے سے قبل کسی بھی قسم کے ایگزٹ پول، نتائج یا رجحانات نشر کرنے پر مکمل پابندی عائد کر دی ہے۔ نفرت انگیز، اشتعال انگیز یا فرقہ وارانہ مواد نشر کرنے سے گریز کرنے کی تاکید کی ہے۔
اسی طرح غلط، غیر مصدقہ یا گمراہ کن معلومات نشر کرنا بھی ممنوع قرار دیا گیا۔تمام امیدواروں کو انتخابی کوریج میں مساوی اور منصفانہ نمائندگی دینے کی ہدایت کی گئی ہے۔
الیکشن کمیشن نے واضح کیا ہے کہ ضابطہ اخلاق کی خلاف ورزی پر متعلقہ میڈیا ادارے کی ایکریڈیٹیشن منسوخ کی جا سکتی ہے اور قانونی کارروائی بھی عمل میں لائی جائے گی۔
کمیشن نے تمام میڈیا اداروں سے اپیل کی ہے کہ وہ انتخابی ضابطہ اخلاق پر مکمل عمل درآمد یقینی بنائیں تاکہ انتخابی عمل کے اعتماد اور شفافیت کو برقرار رکھا جا سکے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی