ایلون مسک اور جیفری ایپسٹین کے درمیان دوستانہ رابطوں کے شواہد منظرعام پر آگئے
اشاعت کی تاریخ: 31st, January 2026 GMT
امریکی محکمہ انصاف کی جانب سے جمعے کو جاری کیے گئے نئے عدالتی دستاویزات میں انکشاف ہوا ہے کہ ٹیسلا اور اسپیس ایکس کے سربراہ ایلون مسک کے بدنام زمانہ فنانسر اور جنسی جرائم میں سزا یافتہ مجرم جیفری ایپسٹین کے ساتھ تعلقات پہلے سمجھے جانے سے کہیں زیادہ اور خوشگوار نوعیت کے تھے۔
ان دستاویزات میں شامل ای میلز کے مطابق 2012 اور 2013 کے دوران دونوں کے درمیان رابطہ رہا اور مسک کی ایپسٹین کے نجی جزیرے لِٹل سینٹ جیمز پر ممکنہ آمد کے حوالے سے بات چیت ہوئی۔
یہ بھی پڑھیے: بدنام زمانہ جیفری ایپسٹین کی لیکڈ ای میلز: 2018 میں عمران خان ’امن کے لیے بڑا خطرہ‘ قرار
ای میل ریکارڈ کے مطابق دسمبر 2013 میں ایلون مسک نے ایپسٹین کو لکھا کہ وہ تعطیلات کے دوران برٹش ورجن آئی لینڈز اور سینٹ بارٹس کے علاقے میں ہوں گے اور جزیرے پر آنے کے لیے مناسب وقت کے بارے میں پوچھا۔ جواب میں ایپسٹین نے کسی بھی دن آنے کی پیشکش کی۔ بعد ازاں دونوں نے 2 جنوری کی تاریخ طے کی، تاہم ایپسٹین کی مصروفیات کے باعث ملاقات نہ ہو سکی۔
نومبر 2012 کی ایک اور ای میل میں ایپسٹین نے مسک سے پوچھا کہ وہ ہیلی کاپٹر کے ذریعے جزیرے پر کتنے افراد کے ساتھ آئیں گے، جس پر مسک نے اپنی سابقہ اہلیہ تلولا رائلی کے ساتھ آنے کا ذکر کیا اور جزیرے پر پارٹیوں کے بارے میں سوال کیا۔ بعد کی ای میلز سے ظاہر ہوتا ہے کہ مسک پارٹی ماحول کے خواہاں تھے، جبکہ ایپسٹین نے جزیرے کے ماحول پر تبصرہ کیا۔
یہ بھی پڑھیے: ایپسٹین فائلز کی مزید کھیپ جاری: یہ کونسی معلومات ہیں، اہم شخصیات کے اوسان کیوں خطا ہیں؟
یہ ای میلز ایلون مسک کے ان سابق بیانات سے متصادم دکھائی دیتی ہیں جن میں انہوں نے 2019 میں دعویٰ کیا تھا کہ انہوں نے ایپسٹین کی جزیرے پر آنے کی تمام دعوتیں مسترد کر دی تھیں اور اسے ‘واضح طور پر ایک کریپ’ قرار دیا تھا۔ دستاویزات میں اسپیس ایکس میں ممکنہ ملاقات اور راکٹ لانچ پر مبارکباد کے پیغامات کا بھی ذکر ہے، تاہم ان ملاقاتوں کی تصدیق نہیں ہو سکی۔
محکمہ انصاف کی جانب سے جاری کردہ یہ 30 لاکھ دستاویزات ایپسٹین کے عالمی بااثر شخصیات سے تعلقات پر نئی بحث چھیڑ رہی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: ایپسٹین کے ایلون مسک
پڑھیں:
اسحاق ڈار کویتی وزیر خارجہ کے درمیان ٹیلیفونک رابطہ، بدلتی عالمی صورتحال پر تبادلہ خیال
نائب وزیراعظم و وزیر خارجہ سینیٹر اسحاق ڈار اور کویت کے وزیر خارجہ شیخ جراح جابر الاحمد الصباح کے درمیان ٹیلیفونک رابطہ ہوا ہے، جس میں خطے اور عالمی سطح پر تیزی سے بدلتی ہوئی صورتحال پر تبادلہ خیال کیا گیا۔
ترجمان دفتر خارجہ کے مطابق گفتگو کے دوران کویت کے وزیر خارجہ شیخ جراح جابر الاحمد الصباح نے امریکا اور ایران کے درمیان رابطوں اور بات چیت کے فروغ کے لیے پاکستان کے مسلسل ثالثی کردار اور سہولت کاری کی کوششوں کو سراہا۔
Deputy Prime Minister/Foreign Minister Senator Mohammad Ishaq Dar @MIshaqDar50 spoke today with Kuwait’s Foreign Minister Sheikh Jarrah Jaber Al-Ahmad Al-Sabah to discuss evolving regional and international developments.
FM Sheikh Jarrah appreciated Pakistan’s continued… pic.twitter.com/CBnvw1REKc
— Ministry of Foreign Affairs – Pakistan (@ForeignOfficePk) June 2, 2026
انہوں نے علاقائی امن و سلامتی کے فروغ میں پاکستان کے تعمیری کردار کی بھی تعریف کی۔
اس موقع پر نائب وزیراعظم و وزیر خارجہ اسحاق ڈار نے اس عزم کا اعادہ کیاکہ پاکستان خطے میں پائیدار امن اور استحکام کے قیام کے لیے سفارت کاری اور مسلسل مذاکرات کو ہی بہترین راستہ سمجھتا ہے اور اس کی حمایت جاری رکھے گا۔
دونوں رہنماؤں نے اس امید کا اظہار کیاکہ جاری سفارتی کوششیں مثبت نتائج دیں گی اور مستقبل قریب میں خطے میں دیرپا امن کے قیام کی راہ ہموار ہوگی۔
گفتگو کے دوران پاکستان اور کویت کے درمیان موجود مضبوط برادرانہ تعلقات کا بھی اعادہ کیا گیا، جبکہ دونوں فریقوں نے مستقبل میں قریبی رابطے برقرار رکھنے پر اتفاق کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسحاق ڈار ٹیلیفونک رابطہ عالمی صورتحال کویتی وزیر خارجہ نائب وزیراعظم وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ