کیلے ہونے کی صورت میں دل کا دورہ پڑ جائے تو کیا کرنا چاہیے؟
اشاعت کی تاریخ: 31st, January 2026 GMT
data-id="863a0a8" data-element_type="widget" data-widget_type="theme-post-content.default">
گزشتہ کچھ عرصے کے دوران دل کے دورے کے واقعات میں تشویشناک حد تک اضافہ دیکھنے میں آیا ہے، خاص طور پر 40 برس کے لگ بھگ عمر کے افراد اس خطرناک مرض کی زد میں زیادہ آ رہے ہیں۔
ماہرین کے مطابق کئی صورتوں میں دل کا دورہ اچانک پڑتا ہے اور اگر اس وقت متاثرہ شخص گھر میں اکیلا ہو تو بروقت طبی امداد نہ ملنے کی وجہ سے جان کو شدید خطرات لاحق ہو سکتے ہیں۔
ایسے حالات میں یہ جاننا نہایت ضروری ہو جاتا ہے کہ اگر کوئی فرد تنہا ہو اور دل کے دورے کی ابتدائی علامات محسوس کرے تو فوری طور پر کون سے اقدامات اس کی جان بچانے میں مددگار ثابت ہو سکتے ہیں۔ اکثر افراد دل کے دورے سے پہلے جسم کی جانب سے ملنے والے انتباہی اشاروں کو سنجیدگی سے نہیں لیتے، جو بعد ازاں مہلک ثابت ہو سکتے ہیں۔
طبی ماہرین کے مطابق دل کے دورے کی سب سے عام علامت سینے میں دباؤ، بوجھل پن یا جکڑن کا احساس ہے، جسے بعض افراد جلنے یا سختی کی صورت میں محسوس کرتے ہیں۔ یہ درد صرف سینے تک محدود نہیں رہتا بلکہ جبڑے، گردن، کندھوں، بازوؤں اور بعض اوقات پیٹھ تک بھی پھیل سکتا ہے۔ اس کے علاوہ سانس لینے میں دشواری، متلی، چکر آنا اور ٹھنڈا پسینہ آنا بھی دل کے دورے کی نمایاں علامات میں شامل ہیں۔
خواتین اور ذیابیطس کے مریضوں میں دل کے دورے کی علامات روایتی علامات سے مختلف بھی ہو سکتی ہیں۔ ان میں غیر معمولی تھکن، بدہضمی، بے چینی یا پیٹھ کے اوپری حصے میں درد شامل ہو سکتا ہے، جس کی وجہ سے اکثر لوگ خطرے کی سنگینی کو سمجھ نہیں پاتے، ان ابتدائی علامات کی بروقت پہچان اور فوری مدد طلب کرنا سب سے اہم مرحلہ ہے۔
امریکا کے معروف کارڈیو ویسکولر سرجن ڈاکٹر جرمی لندن نے سوشل میڈیا پر جاری ایک ویڈیو پیغام میں ایسی صورتحال میں جان بچانے سے متعلق اہم نکات بیان کیے ہیں۔ ان کے مطابق جیسے ہی سینے میں شدید درد، سانس کی دقت، پسینہ یا غیر معمولی بے چینی محسوس ہو، فوراً ایمرجنسی نمبر پر کال کی جائے اور اپنی کیفیت واضح انداز میں بتائی جائے، کیونکہ چند منٹ کی تاخیر بھی جان لیوا ثابت ہو سکتی ہے۔
ڈاکٹر جرمی لندن کا کہنا ہے کہ اگر متاثرہ شخص اکیلا ہو تو فون کو اپنے قریب رکھے اور فوری طور پر کسی پڑوسی یا قریبی رشتہ دار کو اپنی حالت سے آگاہ کرے۔ اگر بولنے میں دشواری ہو تو فون کو اسپیکر پر رکھ کر ایمرجنسی ہیلپ لائن یا کسی قریبی فرد سے رابطہ کیا جائے تاکہ مدد جلد از جلد پہنچ سکے۔
ماہرین کے مطابق اگر اسپرین دستیاب ہو تو اسے نگلنے کے بجائے آہستہ آہستہ چبا کر کھانا مفید ثابت ہو سکتا ہے۔ اسپرین خون کو پتلا کرنے میں مدد دیتی ہے اور دل کی شریانوں میں خون کے لوتھڑے بننے کے عمل کو سست کر سکتی ہے، جس سے دل کے دورے کی شدت کسی حد تک کم ہو سکتی ہے۔
تاہم یہ بات واضح کی جاتی ہے کہ یہ مکمل علاج نہیں بلکہ ابتدائی امداد کا ایک ذریعہ ہے، اور یہ صرف ان افراد کے لیے موزوں ہے جنہیں اسپرین سے الرجی نہ ہو یا خون بہنے کی کوئی بیماری لاحق نہ ہو۔ کسی بھی شبہ کی صورت میں اسپرین صرف ایمرجنسی آپریٹر یا ڈاکٹر کی ہدایت پر ہی استعمال کی جانی چاہیے۔
ڈاکٹرز یہ بھی مشورہ دیتے ہیں کہ اگر کوئی فرد گھر میں اکیلا ہو اور دل کے دورے کی علامات محسوس کرے تو فوری طور پر گھر کے دروازے ان لاک کر دے اور لائٹس آن کر دے، تاکہ ایمبولینس یا مدد کے لیے آنے والوں کو اندر داخل ہونے میں کوئی مشکل پیش نہ آئے۔ بہتر یہ ہے کہ داخلی دروازہ کھلا رکھا جائے۔
دل کے دورے کے دوران بے ہوشی کا خطرہ بھی لاحق ہوتا ہے، اس لیے فوری طور پر کسی محفوظ جگہ پر بیٹھ جانا یا لیٹ جانا ضروری ہے تاکہ اچانک گرنے سے سر یا جسم کو شدید چوٹ نہ لگے، جو صورتحال کو مزید پیچیدہ بنا سکتی ہے۔
ماہرین کا کہنا ہے کہ جب تک ہوش برقرار ہو، کسی قریبی دوست یا رشتہ دار سے فون پر رابطہ قائم رکھا جائے تاکہ وہ نہ صرف جلد پہنچ سکیں بلکہ آپ کی حالت سے باخبر رہتے ہوئے بروقت طبی امداد کا بندوبست بھی کر سکیں۔
دل کا دورہ بلاشبہ ایک نہایت نازک اور خطرناک کیفیت ہے، تاہم درست معلومات، حوصلے اور بروقت فیصلوں کے ذریعے قیمتی جان کو بچایا جا سکتا ہے۔ ان بنیادی احتیاطی اقدامات پر عمل کر کے ایمبولینس یا ڈاکٹر کے پہنچنے تک خود کو محفوظ رکھا جا سکتا ہے، جو زندگی اور موت کے درمیان فرق ثابت ہو سکتے ہیں۔
ذریعہ
ذریعہ: Jasarat News
کلیدی لفظ: دل کے دورے کی فوری طور پر ہو سکتے ہیں کے مطابق ثابت ہو سکتا ہے سکتی ہے
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار