بلوچستان میں سیکیورٹی فورسز کی کارروائیاں: 108 دہشتگرد ہلاک، 10 جوان شہید
اشاعت کی تاریخ: 31st, January 2026 GMT
تازہ اطلاعات کے مطابق، فتنہ الہندوستان کے دہشتگردوں کے بلوچستان میں 12 مقامات پر حملے ناکام بنا دیے گئے۔ سیکیورٹی فورسز نے مجموعی طور پر 108 دہشتگردوں کو ہلاک کیا، تاہم پولیس اور دیگر سیکیورٹی اہلکاروں کے 10 جوان اس کارروائی میں شہید ہوگئے۔
سیکیورٹی ذرائع کے مطابق دہشتگردوں کا تعاقب جاری ہے اور گزشتہ دو دن میں پنجگور اور شعبان میں 41 دہشتگرد مارے جا چکے ہیں۔ فورسز اور قانون نافذ کرنے والے اداروں نے بروقت اور مؤثر کارروائی کرتے ہوئے فتنہ الہندوستان کے 58 دہشتگردوں کو ہلاک کیا۔
ذرائع نے بتایا کہ رات گئے دہشتگردوں نے بلوچستان کے متعدد علاقوں میں بزدلانہ حملے کیے، جن میں سیکیورٹی اہلکار اور پولیس کے 10 جوان شہید ہوئے۔ دہشتگردوں نے گوادر میں ایک بلوچ مزدور خاندان کے 5 افراد کو بھی شہید کر دیا، جن میں ایک خاتون اور تین بچے شامل تھے۔
سیکیورٹی ذرائع نے بتایا کہ فورسز نے تمام حملے ناکام بنا دیے اور دہشتگردوں کا مختلف مقامات پر تعاقب جاری ہے، جبکہ مزید ہلاکتوں اور نقصان کی اطلاعات بھی موصول ہو رہی ہیں۔
وزیرِ اعظم شہباز شریف نے کوئٹہ، نوشکی، دالبندین، پسنی اور گوادر میں دہشتگردانہ کارروائیاں ناکام بنانے پر سیکیورٹی فورسز کی پذیرائی کی اور شہداء کے بلند درجات اور ان کے اہل خانہ کے لیے صبر کی دعا کی۔ وزیرِ اعظم نے کہا کہ پوری قوم اپنے شہداء پر فخر محسوس کرتی ہے اور دہشتگردی کے خاتمے تک جنگ جاری رہے گی، پاکستان کی حفاظت کے عزم میں پوری قوم افواجِ پاکستان کے شانہ بشانہ ہے۔
وزیرِ داخلہ کی مذمت اور خراجِ تحسین
وزیر داخلہ محسن نقوی نے بلوچستان میں دہشتگردوں کے حملوں کی شدید مذمت کی اور حملے ناکام بنانے پر سیکیورٹی فورسز اور قانون نافذ کرنے والے اداروں کو خراجِ تحسین پیش کیا۔
انہوں نے کہا کہ بہادر سپوتوں نے بروقت کارروائی کرتے ہوئے دہشتگردوں کے ناپاک عزائم کو ناکام بنایا اور جان دے کر بھارتی اسپانسرڈ دہشتگردوں کے مذموم منصوبے ناکام کیے۔ وزیرِ داخلہ نے جامِ شہادت نوش کرنے والے جوانوں کو خراجِ عقیدت پیش کرتے ہوئے کہا کہ قوم اپنے بہادر بیٹوں پر فخر کرتی ہے اور شہداء کی قربانیاں ہمیشہ یاد رکھی جائیں گی۔
ذریعہ
ذریعہ: Daily Mumtaz
کلیدی لفظ: سیکیورٹی فورسز دہشتگردوں کے
پڑھیں:
شہباز شریف کا کامیاب انسدادِ دہشت گردی کارروائیوں پر سکیورٹی فورسز کو خراجِ تحسین
بھارتی سرپرستی میں سرگرم 17 فتنہ الہندوستان کے دہشت گردوں کو ہلاک کرنے پر سکیورٹی فورسز کو خراج تحسین پیش کرتے ہوے وزیراعظم کا کہنا تھا کہ قوم اپنی بہادر افواج اور قانون نافذ کرنے والے اداروں کی قربانیوں اور خدمات کو قدر کی نگاہ سے دیکھتی ہے۔ اسلام ٹائمز۔ وزیراعظم محمد شہباز شریف نے بلوچستان میں کامیاب انسدادِ دہشت گردی کارروائیوں پر سکیورٹی فورسز کو خراجِ تحسین پیش کیا، انہوں نے بلوچستان کے مختلف اضلاع میں کامیاب انٹیلی جنس بیسڈ آپریشنز پر سکیورٹی فورسز کی پیشہ ورانہ صلاحیتوں اور بہادری کو سراہا۔ شہباز شریف نے بھارتی سرپرستی میں سرگرم 17 فتنہ الہندوستان کے دہشت گردوں کو ہلاک کرنے پر سکیورٹی فورسز کو خراج تحسین پیش کیا۔ وزیراعظم نے کہا کہ قوم اپنی بہادر افواج اور قانون نافذ کرنے والے اداروں کی قربانیوں اور خدمات کو قدر کی نگاہ سے دیکھتی ہے، دہشت گردی کے خلاف جنگ میں سکیورٹی فورسز کی کامیابیاں پوری قوم کے عزم اور اتحاد کی عکاس ہیں۔
شہباز شریف نے کہا کہ بھارتی سرپرستی میں سرگرم دہشت گرد عناصر کے ناپاک عزائم کو ہر قیمت پر ناکام بنایا جائے گا، پاکستان سے دہشت گردی کے مکمل خاتمے تک انسدادِ دہشت گردی کی کارروائیاں جاری رہیں گی۔ وزیراعظم نے کہا کہ دہشت گردی کے ناسور کے مکمل خاتمے کے لیے حکومت سکیورٹی فورسز اور قانون نافذ کرنے والے اداروں کے شانہ بشانہ کھڑی ہے، پاکستان کے امن، استحکام اور ترقی کے خلاف ہر سازش کو ناکام بنایا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ