ایپل کی آئی فون لانچ حکمتِ عملی میں بڑی تبدیلی، 2026 میں مہنگے ماڈلز کو ترجیع
اشاعت کی تاریخ: 31st, January 2026 GMT
ایپل 2026 میں آئی فون لانچ کرنے کی حکمتِ عملی میں بڑی تبدیلی کی تیاری کر رہی ہے، جس کے تحت کمپنی اپنے سب سے مہنگے اور پریمیم ماڈلز کو ترجیح دے گی۔ یہ فیصلہ ہائی اینڈ آئی فونز کی بڑھتی ہوئی طلب اور مینوفیکچرنگ سے جڑے دباؤ کے باعث کیا جارہا ہے۔
یہ بھی پڑھیں: آئی فون کی فروخت نے تاریخ کی بلند ترین سطح حاصل کر لی
رپورٹ کے مطابق ایپل 2026 میں 3 پریمیم آئی فون ماڈلز کی پیداوار اور ترسیل کو ترجیح دے گی، جبکہ اسٹینڈرڈ ماڈل کی لانچ مؤخر کر دی جائے گی۔ عام آئی فون 18 کی ترسیل اب 2026 کے بجائے 2027 کے پہلے نصف میں متوقع ہے۔
فولڈایبل آئی فون اور نئے فلیگ شپ ماڈلز
ایپل 2026 کے دوسرے نصف میں ایک فولڈایبل آئی فون متعارف کرانے کا ارادہ رکھتی ہے، جس کے ساتھ 2 دیگر نان فولڈنگ پریمیم ماڈلز بھی پیش کیے جائیں گے، ان ماڈلز میں بڑے ڈسپلے اور جدید کیمرا فیچرز شامل ہوں گے۔
یہ تبدیلی ایپل کی مارکیٹنگ ترجیحات میں واضح شفٹ اور پروڈکشن کے بڑھتے ہوئے مسائل کی عکاسی کرتی ہے، جن میں میموری کی قیمتوں میں اضافہ اور پیچیدہ مینوفیکچرنگ عمل شامل ہیں۔
سپلائی چین دباؤ اور لاگت میں اضافہ
ایپل کی نئی حکمتِ عملی کا مقصد زیادہ منافع حاصل کرنا اور مہنگے خام مال اور جدید ٹیکنالوجی سے جڑے خطرات کو کم کرنا ہے۔ فولڈایبل ڈیوائسز کے لیے پیچیدہ پرزہ جات اور اسمبلنگ درکار ہوتی ہے، جس سے سپلائی چین میں رکاوٹوں کا خدشہ بڑھ جاتا ہے۔
پریمیم آئی فونز پر فوکس، ریکارڈ آمدن
ایپل کی یہ حکمتِ عملی ایسے وقت سامنے آئی ہے جب کمپنی نے شاندار سہ ماہی مالی نتائج حاصل کیے ہیں۔ حالیہ سہ ماہی میں آئی فونز کی مضبوط فروخت کے باعث کمپنی کی آمدن میں نمایاں اضافہ ہوا۔
یہ بھی پڑھیں: آئی فون 17 پاکستان میں اب بغیر سود کے قسطوں پر بھی ممکن، مگر کیسے؟
ایپل نے مالی سال کی پہلی سہ ماہی میں آئی فونز سے 85.
کمپنی نے بتایا کہ آئی فونز کی فروخت نے دنیا کے تمام خطوں میں نئے ریکارڈ قائم کیے، جبکہ مہنگی میموری اور دیگر اشیا کی قیمتوں کے باوجود مجموعی منافع 48.2 فیصد رہا۔
چین اور بھارت میں مضبوط واپسی
ایپل کی کارکردگی میں سب سے نمایاں بہتری چین میں دیکھی گئی، جہاں آمدن میں 38 فیصد اضافہ ہوا اور یہ 25.53 ارب ڈالر تک پہنچ گئی۔ کمپنی کے مطابق اس خطے میں آئی فونز کی فروخت نے نیا ریکارڈ قائم کیا۔
بھارت میں بھی ایپل نے ڈبل ڈیجٹ گروتھ ریکارڈ کی، جہاں آئی فون، میک اور دیگر مصنوعات کی فروخت میں اضافہ ہوا۔ کمپنی نے ممبئی میں نیا ایپل اسٹور کھولنے کے منصوبے کی بھی تصدیق کی۔
دیگر مصنوعات میں ملا جلا رجحان
جہاں آئی فون اور سروسز بزنس نے ریکارڈ آمدن حاصل کی، وہیں ویئرایبلز، ہوم اور ایکسیسریز کی فروخت توقعات سے کم رہی۔ میک کی آمدن بھی اندازوں سے کچھ کم رہی، تاہم آئی پیڈ کی فروخت میں تعلیمی شعبے کی طلب کے باعث اضافہ دیکھا گیا۔
ماہرین کے مطابق آئی فون لانچ حکمتِ عملی میں یہ تبدیلی ظاہر کرتی ہے کہ ایپل آئندہ برسوں میں فولڈایبل ڈیوائسز اور پریمیم ہارڈویئر کو اپنی ترقی کا مرکزی ستون بنانے جارہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آئی فون ٹیکنالوجی مہنگے ماڈلز
ذریعہ
ذریعہ: WE News
کلیدی لفظ: ا ئی فون ٹیکنالوجی مہنگے ماڈلز میں آئی فون آئی فونز کی کی فروخت ایپل کی سہ ماہی
پڑھیں:
پی سی بی نے 27 -2026 کے ڈومیسٹک کرکٹ سیزن کا اعلان کردیا، ورلڈ کپ تیاریوں پر توجہ مرکوز
پاکستان کرکٹ بورڈ نے 2026-27 کے مردوں کے ڈومیسٹک کرکٹ سیزن کے شیڈول کا اعلان کر دیا ہے، جس کا آغاز 11 اگست 2026 سے ہوگا۔ نئے سیزن میں قومی ٹیم کی 2027 کے ون ڈے ورلڈ کپ کی تیاریوں کو خصوصی اہمیت دی گئی ہے، جس کے لیے آغاز میں ہی دو ایک روزہ ٹورنامنٹس رکھے گئے ہیں۔
پی سی بی کے مطابق ڈومیسٹک سیزن 11 اگست 2026 سے 15 جون 2027 تک جاری رہے گا، جس میں ایک روزہ، 4 روزہ، ٹی20، انڈر 19، انڈر 17 اور انڈر 15 مقابلوں سمیت مختلف سطحوں کے ٹورنامنٹس شامل ہوں گے۔
یہ بھی پڑھیں: پاکستان اور انگلینڈ کے مابین 5 ون ڈے میچوں کی سیریز کا شیڈول جاری
سیزن کا آغاز ملتان میں چار ٹیموں کے نیشنل چیمپئنز کپ سے ہوگا جو 11 سے 18 اگست تک کھیلا جائے گا، جس کے بعد کراچی میں 21 اگست سے 8 ستمبر تک آٹھ ٹیموں پر مشتمل صدر کپ گریڈ ون ایک روزہ ٹورنامنٹ ہوگا۔
پی سی بی نے بتایا کہ قائداعظم ٹرافی کو 2026-27 میں دو حصوں میں تقسیم کیا گیا ہے۔ قائداعظم ٹرافی گولڈ میں آٹھ ٹیمیں شامل ہوں گی، جبکہ سلور میں 12 ٹیمیں حصہ لیں گی۔ دونوں ٹورنامنٹس نومبر سے دسمبر تک جاری رہیں گے۔
PCB unveils Men's Domestic Cricket Calendar for season 2026-27 with ICC Cricket World Cup preparation in sharp focus
Details here ➡️ https://t.co/NodmLStn8E pic.twitter.com/70Xj9Hge15
— PCB Media (@TheRealPCBMedia) July 23, 2026
اس سیزن میں علاقائی کرکٹ کو مزید مضبوط بنانے کے لیے سیالکوٹ اور پشاور ریجنز کی ایک ایک اضافی ٹیم شامل کی گئی ہے، جس کے بعد قائداعظم ٹرافی اور نیشنل ٹی ٹوئنٹی کپ میں علاقائی ٹیموں کی تعداد 18 سے بڑھ کر 20 ہو جائے گی۔
یہ بھی پڑھیں: ڈومیسٹک کرکٹ سینٹرل کنٹریکٹ کے لیے لازمی قرار، سلیکشن کے لیے نئی پالیسیاں، محسن نقوی کے اہم اعلانات
پی سی بی کے مطابق پہلی بار انڈر 19 کھلاڑیوں کے لیے تین روزہ سرخ گیند کی چیمپئن شپ بھی منعقد کی جائے گی، جس میں تمام 16 ریجنز کی ٹیمیں حصہ لیں گی۔ اس کے علاوہ انڈر 19 ایک روزہ کپ، انڈر 15 ایک روزہ کپ اور انڈر 17 دو روزہ کپ بھی شیڈول کا حصہ ہوں گے۔
پی سی بی نے اسکول ٹیلنٹ ہنٹ پروگرام کو بھی وسعت دینے کا اعلان کیا ہے، جس کے تحت اسکولوں کی تعداد 450 سے بڑھا کر 1200 اور اضلاع کی تعداد 39 سے بڑھا کر 100 کر دی گئی ہے۔
یہ بھی پڑھیں: ملک میں ڈومیسٹک کرکٹ کی بہار کا آغاز 15 اگست سے ہوگا، کیلنڈر جاری
پی سی بی کے سینئر جنرل منیجر ڈومیسٹک کرکٹ آپریشنز اسامہ شارون نے کہا کہ نئے سیزن میں تمام 16 ریجنز کو فرسٹ کلاس کرکٹ کے مواقع فراہم کیے جائیں گے اور قومی ٹیم کی 2027 عالمی کپ کی تیاریوں کو مدنظر رکھتے ہوئے ڈومیسٹک مقابلوں کی منصوبہ بندی کی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پی سی بی ٹی20 انٹرنیشنل ڈومیسٹک کرکٹ ورلڈ کپ ون ڈے انٹرنیشن
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا