آئی فون 18 پرو میں سیٹلائیٹ کالنگ؟ ایپل کے انقلابی فیچر کی تیاری کی اطلاعات
اشاعت کی تاریخ: 31st, January 2026 GMT
data-id="863a0a8" data-element_type="widget" data-widget_type="theme-post-content.default">
ایپل کی جانب سے مستقبل کے آئی فون ماڈلز میں ایک ایسا فیچر متعارف کرانے کی اطلاعات سامنے آ رہی ہیں جو اسمارٹ فون کی دنیا میں ایک نیا باب ثابت ہو سکتا ہے۔
غیر ملکی ٹیکنالوجی ویب سائٹ کی ایک رپورٹ کے مطابق آئی فون 18 پرو اور آئی فون 18 پرو میکس میں سیٹلائیٹ کے ذریعے براہِ راست کالنگ کی سہولت شامل کرنے پر سنجیدگی سے کام کیا جا رہا ہے، جو اس وقت کسی بھی اسمارٹ فون میں دستیاب نہیں۔
رپورٹ کے مطابق ایپل اس مقصد کے لیے اسپیس ایکس کے ساتھ مذاکرات کر رہا ہے تاکہ اسٹار لنک سیٹلائیٹ نیٹ ورک کو استعمال کرتے ہوئے صارفین کو براہِ راست کالنگ کی سہولت فراہم کی جا سکے۔ اس سے قبل ایپل کے آئی فونز میں سیٹلائیٹ میسجنگ پر مبنی ایمرجنسی سروسز دستیاب ہیں، جن کے ذریعے صارفین دور دراز علاقوں میں ہنگامی پیغامات ارسال کر سکتے ہیں، مگر اب اسے آگے بڑھاتے ہوئے وائس کالنگ کی سہولت پر غور کیا جا رہا ہے۔
یہ فیچر خاص طور پر ان علاقوں کے لیے انتہائی اہم ثابت ہو سکتا ہے جہاں سیلولر نیٹ ورک یا انٹرنیٹ کی سہولت موجود نہیں ہوتی، جیسے پہاڑی علاقے، صحرا یا قدرتی آفات سے متاثرہ خطے۔ رپورٹ میں بتایا گیا ہے کہ اس نئی سہولت کے لیے کسی اضافی ہارڈویئر کی ضرورت نہیں ہوگی، بلکہ موجودہ آئی فون ہارڈویئر ہی اس قابل ہوگا کہ وہ سیٹلائیٹس سے رابطہ قائم کر سکے۔
ذرائع کے مطابق ایپل اس وقت گلوبل اسٹار نامی کمپنی کے سیٹلائیٹس کو ایمرجنسی میسجنگ کے لیے استعمال کر رہا ہے، تاہم اب یہ شراکت داری محدود ہوتی دکھائی دے رہی ہے، جس کے باعث اسپیس ایکس سے مذاکرات سامنے آئے ہیں۔
اسٹار لنک نیٹ ورک پہلے ہی دنیا کے مختلف حصوں میں انٹرنیٹ کی فراہمی کے لیے استعمال ہو رہا ہے اور اگر اسے وائس کالنگ کے لیے بھی استعمال کیا گیا تو یہ ایک بڑی تکنیکی کامیابی ہوگی۔
رپورٹ میں مزید بتایا گیا ہے کہ ایپل ایک ایسا سسٹم تیار کر رہا ہے جس کے تحت صارف کو کال کرنے کے لیے فون کو لازمی طور پر آسمان کی طرف رکھنے کی شرط بھی نہیں ہوگی۔ اس کے علاوہ ایپل ایک اے پی آئی پر بھی کام کر رہا ہے جس سے ایپ ڈویلپرز اپنی ایپس میں سیٹلائیٹ کنیکٹیویٹی شامل کر سکیں گے جب کہ ایپل میپس کا ایسا ورژن بھی زیرِ غور ہے جو نیٹ ورک کے بغیر نیوی گیشن فراہم کرے۔
ایپل کی جانب سے ان رپورٹس پر تاحال کوئی باضابطہ بیان سامنے نہیں آیا، تاہم ان دعوؤں کی حقیقت کا فیصلہ ستمبر 2026 میں ہوگا جب آئی فون 18 سیریز کو متعارف کرایا جائے گا۔
.
ذریعہ
ذریعہ: Jasarat News
کلیدی لفظ: میں سیٹلائیٹ ا ئی فون 18 کر رہا ہے کی سہولت نیٹ ورک کے لیے
پڑھیں:
وفاقی بجٹ 5 جون کو پیش نہیں کیا جائیگا
وفاقی دارالحکومت اسلام آباد سے بڑی سیاسی اور معاشی پیش رفت سامنے آئی ہے. جہاں حکومت نے آئندہ مالی سال کے وفاقی بجٹ کی تاریخ تبدیل کرنے کا فیصلہ کیا ہے۔ذرائع کے مطابق وفاقی بجٹ اب 5 جون کو پیش نہیں کیا جائے گا۔اس تاخیر کی بنیادی وجہ قومی اقتصادی کونسل (NEC) کا اہم ترین اجلاس ملتوی ہونا ہے، جو پہلے 3 جون کو شیڈول تھا۔حکومت کی جانب سے اس اجلاس کی منسوخی کا باقاعدہ نوٹیفکیشن بھی جاری کر دیا گیا ہے۔ذرائع کا بتانا ہے کہ فی الحال وفاعل بجٹ پیش کرنے کی کسی حتمی نئی تاریخ کا تعین تو نہیں ہو سکا.تاہم اب بجٹ 8 یا 12 جون کو پارلیمنٹ میں پیش کیے جانے کا قوی امکان ہے۔سرکاری نوٹیفکیشن کے مطابق، قومی اقتصادی کونسل کے اس اہم اجلاس کی نئی تاریخ کا اعلان بعد میں کیا جائے گا. جس کے بعد ہی بجٹ کی حتمی تاریخ سامنے آ سکے گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ