کندھ کوٹ میں منشیات کیخلاف جماعت اسلامی کی احتجاجی ریلی
اشاعت کی تاریخ: 1st, February 2026 GMT
data-id="863a0a8" data-element_type="widget" data-widget_type="theme-post-content.default">
کراچی( اسٹاف رپورٹر)منشیات کے بڑھتے ہوئے ناسور کے خلاف جماعت اسلامی کے زیر اہتمام کندھکوٹ میں صوبائی جنرل سیکرٹری محمد یوسف کی زیرقیادت ایک بھرپور احتجاجی ریلی نکالی گئی۔ ریلی میں جماعت اسلامی کے کارکنان کے علاوہ سیاسی سماجی قوم پرست واقلیتی رہنما اور شہریوںنے بڑی تعداد میں شرکت کی۔ شرکا نے منشیات فروشی کے خلاف نعرے لگائے اور حکومت سے فوری عملی اقدامات کا مطالبہ کیا۔ریلی سے خطاب کرتے ہوئے جماعت اسلامی سندھ کے جنرل سیکرٹری محمد یوسف نے کہا کہ منشیات نوجوان نسل کو تباہی کی طرف دھکیل رہی ہیں، جس کے باعث معاشرے میں جرائم، بے راہ روی اور اخلاقی زوال تیزی سے بڑھ رہا ہے۔ انہوں نے کہا کہ جماعت اسلامی منشیات کے خلاف طویل عرصے سے جدوجہد کر رہی ہے مگر افسوس کہ حکومتی عدم توجہی اور بعض بااثر عناصر کی مبینہ سرپرستی کے باعث یہ کاروبار کھلے عام جاری ہے۔اس موقع پر امیر ضلع کندھ کوٹ غلام مصطفی میرانی نے کہا کہ منشیات صرف ایک فرد نہیں بلکہ پورے خاندان اور معاشرے کو تباہ کر دیتی ہیں۔ انہوں نے کہا کہ متعلقہ ادارے اپنی ذمے داریاں ادا کرنے میں ناکام نظر آتے ہیں جبکہ منشیات فروش دندناتے پھر رہے ہیں۔ ان کا کہنا تھا کہ اگر بروقت سخت اقدامات نہ کیے گئے تو آنے والی نسلیں اس کا خمیازہ بھگتیں گی۔مقررین نے مطالبہ کیا کہ منشیات کے اڈوں کو فوری طور پر ختم کیا جائے، منشیات فروشوں کے خلاف بلا امتیاز کارروائی کی جائے اور نوجوانوں کو اس لعنت سے بچانے کے لیے مؤثر حکمت عملی اپنائی جائے۔اس موقع پر صوبائی ڈپٹی جنرل سیکرٹری امداداللہ بجارانی،اقلیتی رہنما شہری اتحاد کے صدر ڈاکٹر مہرچند،ڈسٹرکٹ بارکے صدر آفتاب چنا، ایس یو پی کے دلمراد ڈاہانی،مولانا رفیع الدین چنا ودیگر رہنمائوں نے بھی خطاب کیا۔ ریلی کے اختتام پر شرکا نے اس عزم کا اظہار کیا کہ جماعت اسلامی منشیات کے خلاف اپنی جدوجہد ہر سطح پر جاری رکھے گی۔
ذریعہ
ذریعہ: Jasarat News
کلیدی لفظ: جماعت اسلامی منشیات کے کہ منشیات نے کہا کہ کے خلاف
پڑھیں:
بحرین میں محرم الحرام کی آمد کیساتھ ہی شیعیان علیؑ کیخلاف کریک ڈاون میں تیزی
گرفتاریاں بحرین کی وزارت داخلہ کی طرف سے چلائی جانے والی ایک بڑھتی ہوئی مہم کے تناظر میں کی جا رہی ہیں، جو خطے میں جاری واقعات، بشمول شیعوں کو براہ راست نشانہ بنانے، کے بعد سامنے آئی ہے۔ اسلام ٹائمز۔ شیعہ نشین عرب ملک بحرین پر قابض ال خلیفہ حکام اپنے جرائم کا سلسلہ جاری رکھے ہوئے ہیں اور متعدد شہریوں کی گرفتاریوں کا ایک سلسلہ شروع کیا ہے۔ محرم الحرام کی آمد کیساتھ ہی بحرین میں شیعہ شہریوں کے خلاف سیکیورٹی اداروں کی طرف سے شروع کیے گئے کریک ڈاؤن کے تحت، انہیں تفتیش کے لیے طلب کرنے کے بعد متعدد شہریوں کو گرفتار کیا جا چکا ہے۔ گرفتار کیے گئے افراد کے نام حسب ذیل ہیں: - ناصر الکشری (اهل بیت علیہم السلام کے ذاکر) - حاج عبدالجبّار میرزا - حاج حسین درویش - إیهاب الحمدی - احمد حسن - السید عبدالله ماجد - حسین الخیاط - محمود مسلم - حاج مهدی صالح - دو بھائی علی و حسن الغانم - رضا ابراهیم محمد حمادة - السید حسین جعفر - محمد سرحان
غاصب بحرینی حکام یہیں نہیں رکے بلکہ انہوں نے دو بچوں مصطفی یوسف اور زین محمد ابراهیم کو بھی گرفتار کر لیا ہے۔ شیعہ آبادی والے دیہاتوں میں سیکیورٹی الرٹ کی حالت ہے، جہاں حکام نے زیادہ تر دیہاتوں کے اطراف اپنی افواج تعینات کر رکھی ہیں، تاکہ وہ متعدد شہریوں کو طلب کر کے گرفتار کریں۔ یہ گرفتاریاں بحرین کی وزارت داخلہ کی طرف سے چلائی جانے والی ایک بڑھتی ہوئی مہم کے تناظر میں کی جا رہی ہیں، جو خطے میں جاری واقعات، بشمول شیعوں کو براہ راست نشانہ بنانے، کے بعد سامنے آئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ