مریم نوازکی بلوچستان دہشتگردی کی مذمت، فورسز کو خراج تحسین
اشاعت کی تاریخ: 1st, February 2026 GMT
لاہور:(نیوزڈیسک) وزیراعلیٰ پنجاب مریم نواز شریف نے بلوچستان میں فتنہ الہندوستان دہشت گردوں کے بزدلانہ حملوں کی شدید مذمت کرتے ہوئے کہا ہے کہ معصوم جانوں پر حملہ کرنے والے کسی رعایت کے مستحق نہیں۔ انہوں نے حملہ آوروں کا مقابلہ کر کے انہیں پسپا کرنے والی سکیورٹی فورسز کی بہادری کو سراہتے ہوئے خراج تحسین پیش کیا۔
مریم نواز شریف نے اپنے بیان میں کہا کہ بلوچستان پاکستان ہے اور پاکستان بلوچستان ہے، جبکہ ہر پاکستانی بلوچستان اور وہاں کے عوام سے بے پناہ محبت کرتا ہے۔ انہوں نے عزم ظاہر کیا کہ بلوچستان کے چپے چپے کی حفاظت کی جائے گی اور دہشت گردوں کو ان کے انجام تک پہنچایا جائے گا۔
انہوں نے کہا کہ خون کی ایک ایک بوند کا حساب لیا جائے گا اور پوری قوم دہشت گردی کو شکست دینے کے لیے پرعزم ہے۔ ان کا کہنا تھا کہ دشمن کے ہاتھوں میں کھیلنے والے عناصر کسی نرمی کے مستحق نہیں اور ریاست کے خلاف ہتھیار اٹھانے والوں کا نہ دین سے تعلق ہے اور نہ ہی کسی قومیت سے۔
وزیراعلیٰ پنجاب نے کہا کہ پنجاب سمیت پورے ملک کے عوام بلوچستان کے محب وطن شہریوں کے ساتھ کھڑے ہیں اور ہر ممکن تعاون جاری رکھا جائے گا۔ انہوں نے مذہبی حوالے دیتے ہوئے کہا کہ قرآن و سنت میں ملک و قوم سے بغاوت اور بے گناہ افراد، عورتوں اور بچوں پر حملوں کی سختی سے ممانعت کی گئی ہے۔
مریم نواز شریف نے مزید کہا کہ اسلام کی تعلیمات امن، تحفظ اور انسانیت کے احترام کا درس دیتی ہیں، اور ان تعلیمات کی کھلی خلاف ورزی کرنے والے عناصر اپنے انجام کو پہنچیں گے۔ انہوں نے اس عزم کا اعادہ کیا کہ ریاست دشمن سرگرمیوں میں ملوث افراد کو قانون کے مطابق سخت جواب دیا جائے گا۔
.
ذریعہ
ذریعہ: Daily Mumtaz
پڑھیں:
مستونگ میں فتنہ الہندوستان کے 6 دہشتگرد مارے گئے، مرد و خواتین خودکش بمبار گرفتار
سیکیورٹی فورسز کی بلوچستان میں انٹیلیجنس بیسڈ مؤثر کارروائیاں جاری ہیں، مستونگ کے علاقہ کھڈ کوچہ میں فتنہ الہندوستان کے 6 دہشتگرد مارے گئے۔
سیکیورٹی فورسز کی کارروائی کے دوران متعدد دہشتگرد گرفتار کیے گئے، گرفتار دہشتگردوں میں سہولتکار سمیت مرد اور خواتین خودکش بمبار بھی شامل ہیں، کارروائی میں دہشتگردوں کےمتعدد ٹھکانے تباہ کر دیے گئے۔
علاقے میں سرچ اور کلیئرنس کارروائیاں جاری ہیں، سیکیورٹی فورسز کی جانب سے مکمل نگرانی برقرار ہے، دہشتگردوں کے ٹھکانوں سے بھاری مقدار میں اسلحہ، گولہ بارود برآمد کرلیا گیا ہے۔
سیکیورٹی ذرائع کا کہنا ہے کہ مستونگ کے علاقہ کھڈ کوچہ میں سیکیورٹی فورسز کی جانب سے انٹیلیجنس بیسڈ آپریشنز تیز کر دیے گئے، دہشت گردی کے خاتمے اور علاقے میں امن و امان کے قیام تک سیکیورٹی فورسز کی کارروائیاں جاری رہیں گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار