اسرائیلی اقدامات کشیدگی میں اضافے کا باعث بن سکتے ہیں، مسلم وزرائے خارجہ
اشاعت کی تاریخ: 1st, February 2026 GMT
اسلام آباد (مانیٹرنگ ڈیسک ) غزہ میں اسرائیل کی جانب سے جنگ بندی کی مسلسل خلاف ورزی پر پاکستان سمیت 8 مسلم ممالک نے شدید مذمت کرتے ہوئے مطالبہ کیا ہے کہ فریقین انتہائی تحمل کا مظاہرہ کرتے ہوئے جنگ بندی کو محفوظ اور برقرار رکھیں۔
غزہ میں اسرائیل کی جانب سے جنگ بندی کی خلاف ورزیوں پر پاکستان، مصر، انڈونیشیا، اردن، قطر، سعودی عرب، ترکیہ اور متحدہ عرب امارات کے وزرائے خارجہ نے مشترکہ بیان جاری کیا ہے۔
بیان میں کہا گیا کہ آٹھوں ممالک کے وزرائے خارجہ جنگ بندی کی مسلسل خلاف ورزیوں کی مذمت کرتے ہیں۔ اسرائیل کی خلاف ورزیوں کے نتیجے میں ایک ہزار سے زائد فلسطینی شہید اور زخمی ہوچکے۔ اسرائیلی اقدامات خطے میں کشیدگی میں اضافے کا باعث بن سکتے ہیں۔ صدر ٹرمپ کے امن منصوبے کے دوسرے مرحلے کی کامیابی کے لیے وابستگی ضروری ہے۔
مسلم ممالک کے وزرائے خارجہ نے کہا کہ تمام فریقین اس نازک مرحلے میں اپنی ذمہ داریاں مکمل طور پر نبھائیں۔ ایسے کسی بھی اقدام سے گریز کیا جائے جو موجودہ عمل کو نقصان پہنچا سکتا ہو۔ دیرپا امن فلسطینی عوام کے حق خودارادیت ، ریاستی حیثیت ،اقوام متحدہ کی قراردادوں اور عرب امن منصوبے کے مطابق ہونا چاہئے۔
.
ذریعہ
ذریعہ: Daily Mumtaz
پڑھیں:
کوئٹہ، سرکاری دفاتر میں ایجنٹس کیخلاف ایف آئی اے کی کارروائی، 14 افراد گرفتار
ڈائریکٹر ایف آئی اے بلوچستان کے مطابق ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کیلئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔ اسلام ٹائمز۔ وفاقی تحقیقات ادارے ایف آئی ای نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا ہے۔ ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔ انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے نے کہا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔ بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لئے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی