ہم فاشزم‘ آمریت اور کرپشن سے پاک انسانی بنگلا دیش چاہتے ہیں‘ ڈاکٹر شفیق الرحمن
اشاعت کی تاریخ: 2nd, February 2026 GMT
data-id="863a0a8" data-element_type="widget" data-widget_type="theme-post-content.default">
چودھگرام (صباح نیوز)بنگلا دیش جماعت اسلامی کے امیر ڈاکٹر شفیق الرحمن نے کہا ہے کہ بنگلا دیش کے عوام اب حقیقی تبدیلی چاہتے ہیں اور یہ تبدیلی 21 تاریخ کے بعد31 تاریخ سے عوامی خواہشات کی بنیاد پر سامنے آئے گی۔ انہوں نے واضح کیا کہ اب ملک میں نہ آمریت قبول کی جائے گی، نہ فاشزم اور نہ ہی کرپشن زدہ حکومت۔وہ چودھگرام پائلٹ ہائی اسکول گراؤنڈ میں 11 جماعتی انتخابی اتحاد کے عوامی اجتماع سے بطور مہمان خصوصی خطاب کر رہے تھے۔ڈاکٹر شفیق الرحمن نے کہا کہ ہم کسی ایک جماعت کی نہیں بلکہ 18 کروڑ عوام کی کامیابی چاہتے ہیں۔ چودھگرام میں 11 جماعتی اتحاد کا انتخابی نشان ترازو ہے اور تمام اتحادی جماعتیں اسی نشان کو سامنے رکھ کر جد و جہد کریں گی۔ جہاں جو نشان ہوگا، ہم اسی کے ساتھ کھڑے ہوں گے، ان شا اللہ۔انہوں نے سید عبداللہ محمد طاہر کا حوالہ دیتے ہوئے کہا کہ چودھگرام کی سرزمین انہیں بخوبی جانتی ہے، اگر عوام نے انہیں منتخب کیا تو کومیلا کو کابینہ میں ایک سینئر وزیر ملے گا۔ مظلوموں کے ساتھ کھڑے ہونے کا عزم دہراتے ہوئے انہوں نے کہا کہ ہم ہر مظلوم کے ساتھ ہیں، چاہے وہ کہیں بھی ہو۔امیر جماعت اسلامی نے خواتین کے احترام پر زور دیتے ہوئے کہا کہ جو لوگ ماؤں، بہنوں کی عزت پر ہاتھ ڈالتے ہیں، ان کے ہاتھوں میں کیا ملک کی مائیں محفوظ رہ سکتی ہیں؟ آج عام لباس میں ملبوس خواتین بھی جماعت اسلامی کو اقتدار میں دیکھنا چاہتی ہیں، یہی بات مخالفین کو پریشان کر رہی ہے۔انہوں نے خبردار کیا کہ ظلم کے راستے سے لوٹ آئیں، دوسروں کی رائے کا احترام کریں اور اپنے کردار کے ساتھ عوام کے سامنے آئیں، فیصلہ عوام کریں گے۔کرپشن کے حوالے سے انہوں نے کہا کہ ہمارا عزم واضح ہے، چاندہ بازی سمیت ہر قسم کی بدعنوانی کی جڑ کاٹ دی جائے گی۔ اس سے گھبرانے کی کوئی ضرورت نہیں، ملک کو مزید تکلیف نہ دی جائے۔قومی مدارس کے بارے میں پھیلائی جانے والی خبروں کو مسترد کرتے ہوئے ڈاکٹر شفیق الرحمن نے کہا کہ قوامی مدارس دین کی بنیاد ہیں، انہیں بند کرنے کا سوال ہی پیدا نہیں ہوتا۔ اگر حکومت بنانے کا موقع ملا تو وفاق المدارس کے ساتھ مشاورت سے فیصلے کیے جائیں گے۔انہوں نے نوجوانوں کا ذکر کرتے ہوئے کہا کہ جولائی کے نوجوان بیکار الاونس نہیں، بلکہ روزگار کے مواقع چاہتے ہیں۔ ہماری جماعت کے 62 فیصد امیدوار نوجوان ہیں، یہ ہوگا نوجوانوں کا، توانائی سے بھرپور نیا بنگلا دیش۔انہوں نے اعلان کیا کہ آئندہ اتحاد کی حکومت قائم ہوگی اور اختلاف کرنے والوں کو بھی حکومت میں شمولیت کی دعوت دی جائے گی، بشرطیکہ وہ تین اصول مانیں: کرپشن سے مکمل اجتناب، سب کے لیے بلا امتیاز انصاف، اور جولائی اصلاحات پر مکمل عملدرآمد۔آخر میں انہوں نے کہا کہ ہم مذہب، نسل یا گروہ کی بنیاد پر تفریق نہیں کریں گے۔ بنگلا دیش میں بسنے والے تمام مذاہب کے ماننے والوں کو مکمل آزادی اور حقوق حاصل ہوں گے۔ ریاستی ذمے داریاں صرف میرٹ اور حب الوطنی کی بنیاد پر دی جائیں گی۔تعلیم کے نظام پر زور دیتے ہوئے انہوں نے کہا کہ بہتر تعلیم کے بغیر بہتر قوم ممکن نہیں، موجودہ تعلیمی نظام میں بڑی تبدیلی ناگزیر ہے۔
ذریعہ
ذریعہ: Jasarat News
کلیدی لفظ: ڈاکٹر شفیق الرحمن انہوں نے کہا کہ نے کہا کہ ہم چاہتے ہیں بنگلا دیش کی بنیاد کے ساتھ
پڑھیں:
بنگلہ دیش کے وزیر خارجہ ڈاکٹر خلیل الرحمان اقوام متحدہ کی جنرل اسمبلی کے 81ویں اجلاس کے صدر منتخب
بنگلہ دیش کے وزیر خارجہ ڈاکٹر خلیل الرحمان اقوام متحدہ کی جنرل اسمبلی کے 81ویں اجلاس کے صدر منتخب ہو گئے ہیں جسے عالمی سفارت کاری میں بنگلہ دیش کے لیے ایک اہم کامیابی قرار دیا جا رہا ہے۔
یہ بھی پڑھیں: بنگلہ دیش کے وزیر برائے چٹاگانگ ہل ٹریکٹس افیئرز خرابی صحت کے باعث مستعفی
منگل کو نیویارک میں اقوام متحدہ کے ہیڈکوارٹرز میں ہونے والے انتخاب میں ڈاکٹر خلیل الرحمان نے قبرص کے امیدوار کو شکست دے کر یہ اہم منصب حاصل کیا۔
مبصرین کے مطابق یہ کامیابی عالمی سطح پر بنگلہ دیش کے بڑھتے ہوئے سفارتی کردار، کثیرالجہتی تعاون اور بین الاقوامی اداروں میں اس کی مضبوط ہوتی ساکھ کا مظہر ہے۔
وزیراعظم طارق رحمان نے ڈاکٹر خلیل الرحمان کو مبارکباد دیتے ہوئے کہا کہ ان کا انتخاب عالمی سطح پر بنگلہ دیش کے بڑھتے ہوئے اثر و رسوخ اور مثبت کردار کا اعتراف ہے۔
مزید پڑھیے: سابق صدر بنگلہ دیش ضیاء الرحمان کی 45ویں برسی: صاحبزادے و وزیراعظم طارق رحمان کا خراج عقیدت
اپنے پیغام میں وزیراعظم نے کہا کہ اقوام متحدہ کی جنرل اسمبلی کے 81ویں اجلاس کا صدر منتخب ہونے پر وزیر خارجہ ڈاکٹر خلیل الرحمان کو دل کی گہرائیوں سے مبارکباد پیش کرتا ہوں۔
انہوں نے امید ظاہر کی کہ ڈاکٹر خلیل الرحمان اس اہم منصب پر بنگلہ دیش کی بہترین نمائندگی کریں گے اور عالمی برادری کو درپیش مشترکہ چیلنجز سے نمٹنے کے لیے رابطوں، مکالمے اور بین الاقوامی تعاون کے فروغ میں مؤثر کردار ادا کریں گے۔
وزیراعظم کا کہنا تھا کہ ہمیں یقین ہے کہ وہ بنگلہ دیش کا نام مزید روشن کریں گے اور عالمی مسائل کے حل کے لیے تعاون اور ہم آہنگی کو فروغ دینے میں اہم کردار ادا کریں گے۔ ان کا مزید کہنا تھا کہ ہم ان کی نئی ذمہ داریوں کے لیے نیک تمناؤں کا اظہار کرتے ہیں۔‘
مزید پڑھیں: بنگلہ دیش میں چمڑے کی منڈی بحران کا شکار، مدارس اور یتیم خانوں کو خسارہ، وجہ کیا ہے؟
ڈاکٹر خلیل الرحمان جنرل اسمبلی کے 81ویں اجلاس کے باقاعدہ آغاز پر اپنی ذمہ داریاں سنبھالیں گے۔ اس حیثیت میں وہ عالمی امن و سلامتی، پائیدار ترقی، موسمیاتی تبدیلی، عالمی حکمرانی اور دیگر اہم بین الاقوامی امور پر ہونے والے مباحث اور اجلاسوں کی صدارت کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اقوام متحدہ بنگلہ دیش کے وزیر خارجہ ڈاکٹر خلیل الرحمان بنگلہ دیش کے وزیراعظم طارق رحمان نے ڈاکٹر خلیل الرحمان خلیل الرحمان اقوام متحدہ کی جنرل اسمبلی کے 81ویں اجلاس کے صدر منتخب طارق رحمان کی ڈاکٹر خلیل رحمان کو مبارکباد
وزارت آئی ٹی نے 1.67 ارب روپے سے زاید کے فنڈز طلب کرلیے