سعودی عرب میں تعینات ایران کے سفیر کا مشرقِ وسطیٰ کو عدم استحکام سے بچانے پر زور
اشاعت کی تاریخ: 2nd, February 2026 GMT
سعودی عرب میں تعینات ایران کے سفیر علیرضا عنایتی نے مشرقِ وسطیٰ کو عدم استحکام سے دوچار کرنے کی کوششوں کے خلاف خبردار کرتے ہوئے خطے میں ان قوتوں کی تعریف کی ہے جو تصادم کے بجائے مکالمے کو ترجیح دیتی ہیں۔
سماجی رابطے کی ویب سائٹ ایکس پر اپنے پیغام میں علیرضا عنایتی نے کہا کہ ‘کچھ قوتیں خطے کو آگ میں جھونکنا، اس کی دولت ضائع کرنا، ترقی کے پہیے کو روکنا اور اس پر جنگ مسلط کرنا چاہتی ہیں’۔ انہوں نے مزید کہا کہ ‘ایسے عناصر بھی موجود ہیں جو حالات کو بگاڑنا، ممالک کے درمیان دراڑیں ڈالنا اور خطے کے اندر فتنہ و فساد پیدا کرنا چاہتے ہیں’۔
یہ بھی پڑھیے: سعودی ایران معاہدے میں چین کا کردار سراہتے ہیں، سعودی وزیر خارجہ
ایرانی اور سعودی پرچم ساتھ لگائے گئے پیغام میں انہوں نے کہا: ‘اور اسی ہمسائیگی میں کچھ سنجیدہ اور باوقار مؤقف بھی موجود ہیں جو ایران کے خلاف کسی بھی جارحانہ اقدام کو مسترد کرتے ہیں، مکالمے کی زبان کی حوصلہ افزائی کرتے ہیں اور قابلِ نفرت لاپرواہی کو قبول کرنے سے انکار کرتے ہیں’۔
علیرضا عنایتی کے یہ بیانات ایسے وقت سامنے آئے ہیں جب سعودی عرب نے خطے میں کشیدگی کم کرنے کے عزم کا اعادہ کیا ہے اور ان خبروں کو مسترد کیا ہے جن میں کہا گیا تھا کہ مملکت نے علاقائی تنازعات پر اپنا مؤقف تبدیل کر لیا ہے۔
اتوار کے روز ایک سینیئر سعودی عہدیدار نے الشرق الاوسط کو بتایا کہ ریاض امریکا اور ایران کے درمیان تنازعات کے حل کے لیے سفارتی کوششوں کی مسلسل حمایت کر رہا ہے۔ انہوں نے واضح کیا کہ سعودی عرب نے ایران کے خلاف کسی بھی فوجی کارروائی کے لیے اپنی فضائی حدود یا سرزمین کے استعمال کو مسترد کر دیا ہے۔
یہ بھی پڑھیے: ’ایران کے خلاف سعودی سرزمین استعمال نہیں ہونے دی جائے گی‘، سعودی عرب کا واضح مؤقف
ادھر ولی عہد محمد بن سلمان نے بھی اسی ہفتے ایرانی صدر مسعود پزشکیان سے ٹیلی فونک گفتگو میں اس مؤقف کا اعادہ کیا۔ سعودی ولی عہد نے ایران کی خودمختاری کے احترام اور علاقائی سلامتی و استحکام کے فروغ کے لیے مکالمے کی حمایت پر زور دیا۔
ایرانی صدر مسعود پزشکیان کے مطابق اس رابطے میں ایران کی داخلی صورتحال اور تہران کے جوہری معاملے سے متعلق پیش رفت پر بات چیت ہوئی۔ انہوں نے ایران کی علاقائی سالمیت سے متعلق سعودی عرب کے مؤقف پر شکریہ ادا کیا اور خطے میں استحکام کے فروغ کے لیے ولی عہد محمد بن سلمان کے کردار کو سراہا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایران تنازع سعودی عرب سفیر.
ذریعہ
ذریعہ: WE News
کلیدی لفظ: ایران سفیر انہوں نے ایران کے کے خلاف کے لیے
پڑھیں:
صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ
صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ WhatsAppFacebookX 0 23 July, 2026 سب نیوز
نیویارک (آئی پی اس )امریکی وزیرخارجہ مارکوروبیو نے متنبہ کیا کہ صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کے ساتھ بھاری قیمت چکانا ہوگی۔امریکی وزیر خارجہ مارکو روبیو نے منیلا میں صحافیوں سے بات چیت کرتے ہوئے کہا کہ امریکا نے ایران کے ساتھ ڈیل کی پاسداری کی، ایران اس وقت امریکا کے ساتھ ڈیل کے لیے تیار نہیں، ممکن ہے کہ اگلے چند دنوں میں اپنا مقف تبدیل کر لے، انہوں نے ساتھ ہی خبردار کیا کہ صورتحال برقرار رہی تو ایران کو اس کی بھاری قیمت چکانا ہوگی۔
مارکو روبیو کا کہنا تھا جب بھی ایران امریکا ڈیل ہوتی ہے اسے ایران کو چلانے والے لوگ خراب کردیتے ہیں، انہوں نے دعوی کیا کہ ایران اب بھی ڈیل کے لیے براہِ راست اور بالواسطہ درخواستیں کر رہا ہے، ایران چاہے تو مشرق وسطی کا امیر ترین ملک بن سکتا ہے لیکن اسے چلانے والے انتہا پسند مذہبی رہنماں کو معاشی معاملات کا علم ہی نہیں، انہیں دلچسپی حزب اللہ، حماس، حوثیوں اور دیگر ملیشیاں کو رقومات دینے میں ہے جن کی سرپرستی میں دہشت گردی ہوتی ہے ۔
مارکو روبیو کا حوثیوں کے حوالے سیکہنا تھا کہ ایران نے حوثیوں کو اس تنازع میں شامل کردیا ہے، اب دیکھتے ہیں آگے کیا ہوتا ہے، امید ہیحوثی حملے روک دیں گے۔مارکو روبیو نے سعودی عرب کو امریکا کا اہم اسٹریٹجک شراکت دار قرار دیتے ہوئے کہا کہ سعودی عرب کے ساتھ جوہری معاہدہ کرنا قابل فہم ہے، مارکوروبیو کا کہنا تھا کہ سعودی عرب پر امن سول جوہری پروگرام چاہتا ہے، سعودی عرب یا دیگر ممالک کے ساتھ کسی بھی سول جوہری معاہدے میں حفاظتی اقدامات شامل ہوں گے، سول جوہری معاہدے کانگریس کی منظوری سے ہوں گے۔
مارکوروبیو کا صحافیوں سے گفتگو کرتے ہوئے کہنا تھا کہ عالمی فوجداری عدالت میں پاگل اورجنونی لوگ ہیں، امریکا اس کا حصہ نہیں بنے گا، اگر اگر لوگ اس احمق تنظیم کا حصہ بننا چاہتے ہیں تو وہ ایسا کر سکتے ہیں لیکن ہم اس کا حصہ نہیں بنیں گے اور وہ امریکی شہریوں پر اپنے دائرہ اختیار کا اطلاق نہیں کر سکیں گے۔ یوکرین روس جنگ سے متعلق امریکی وزیرخارجہ نے کہا کہ روس یوکرین جنگ میں بہت خونریزی ہوئی، یوکرین نے اس کی بہت بھاری قیمت اداکی ہے، امریکا یوکرین جنگ کے خاتمیکے لیے تعمیری کردارادا کرنیکے لیے تیار ہے۔ چین کے ساتھ تعلقات پر بات کرتے ہوئے مارکوروبیو کا کہنا تھا کہ چین کیساتھ اچھے تعلقات چاہتے ہیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا اگلی خبرپاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید عاصم منیر پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی جدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیاCopyright © 2026, All Rights Reserved
رابطہ کریں ہماری ٹیم
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا