وزیراعظم سے ملاقات، واجبات اور دہشت گردی سمیت مختلف امورزیربحث آئے ،سہیل آفریدی
اشاعت کی تاریخ: 2nd, February 2026 GMT
اسلام آباد (نیوز ڈیسک) وزیراعظم شہباز شریف سے ملاقات کے بعد وزیراعلیٰ خیبرپختونخوا سہیل آفریدی نے میڈیا سے گفتگو کرتے ہوئے کہا کہ آج وزیراعظم سے تفصیلی ملاقات ہوئی جس میں بلوچستان میں حالیہ دہشت گردی کے واقعات کی شدید مذمت کی گئی۔
انہوں نے بتایا کہ ملاقات میں خیبرپختونخوا کے وفاق کے ذمہ واجبات کا معاملہ بھی زیر بحث آیا۔ وزیراعلیٰ کے مطابق 26 ارب روپے کے واجبات کی ادائیگی کے لیے وزیراعظم نے وفاقی وزیر منصوبہ بندی احسن اقبال کو ذمہ داری سونپ دی ہے۔
سہیل آفریدی نے کہا کہ دہشت گردی کے معاملے پر ایک اور خصوصی اجلاس جلد منعقد کیا جائے گا تاکہ صورتحال کا جامع جائزہ لیا جا سکے۔
وزیراعلیٰ خیبرپختونخوا نے واضح کیا کہ دہشت گردی کے خلاف حکومت کا مؤقف بالکل دو ٹوک ہے اور دہشت گردوں کا کوئی مذہب نہیں ہوتا۔
انہوں نے بانی پی ٹی آئی سے ملاقات کے حوالے سے بات کرتے ہوئے کہا کہ اس ملاقات سے متعلق وزیراعظم سے کوئی گفتگو نہیں ہوئی اور نہ ہی انہوں نے بانی پی ٹی آئی سے ملاقات کا کوئی مطالبہ کیا ہے۔
.
ذریعہ
ذریعہ: Daily Mumtaz
کلیدی لفظ: سے ملاقات
پڑھیں:
وزیراعظم کا سرمایہ کاری اور صنعتی ترقی کیلئے اصلاحات تیز کرنے کا حکم
سٹی 42: وزیراعظم شہباز شریف کی زیر صدارت سرمایہ کاری میں اضافے، صنعتی ترقی اور معیشت کی بہتری کے حوالے سے اہم جائزہ اجلاس منعقد ہوا، جس میں مختلف شعبوں میں اصلاحات اور پالیسی اقدامات پر غور کیا گیا۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
اجلاس سے خطاب کرتے ہوئے وزیراعظم شہباز شریف نے کہا کہ ملکی معیشت کی پائیدار ترقی کے لیے صنعت و حرفت کا فروغ اور بیرونی سرمایہ کاری میں اضافہ ناگزیر ہے۔ انہوں نے ہدایت کی کہ صنعتی پیداوار اور برآمدات بڑھانے کے لیے مؤثر اور دیرپا پالیسی اقدامات کو ترجیح دی جائے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
وزیراعظم نے کہا کہ صنعت، تجارت اور معیشت کے مختلف شعبوں میں اصلاحات عوامی فلاح اور طویل المدتی معاشی استحکام پر مرکوز ہونی چاہئیں۔ انہوں نے متبادل توانائی کے ذرائع کے فروغ اور مستقبل کی توانائی ضروریات پوری کرنے کے لیے جامع حکمت عملی پر تیزی سے عملدرآمد کی ضرورت پر زور دیا۔
شہباز شریف کا کہنا تھا کہ توانائی کی بچت اور سستی ٹرانسپورٹ کے فروغ کے لیے مؤثر الیکٹرک وہیکلز پالیسی وقت کی اہم ضرورت ہے، جبکہ جدید ٹیکنالوجی کو مختلف شعبوں میں متعارف کرانے کے لیے وزارتوں اور ماہرین کے درمیان مؤثر مشاورت یقینی بنائی جائے۔
نجی کمپنیاں گندم کے مقابلے میں آٹا دوگنی قیمت پر فروخت کرنے لگیں، کارروائی کا مطالبہ
اجلاس میں نائب وزیراعظم و وزیر خارجہ اسحاق ڈار، وزیر خزانہ محمد اورنگزیب، وزیر اقتصادی امور احد چیمہ، وزیر اطلاعات عطاء اللہ تارڑ، وزیر موسمیاتی تبدیلی مصدق ملک، وزیر توانائی اویس لغاری، وزیر پٹرولیم علی پرویز ملک اور دیگر اعلیٰ حکام نے شرکت کی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ