کراچی میں رینجرز اور ایس آئی یو کی بڑی کارروائی، جمیل چھانگا گروپ کے 3 کارندے گرفتار
اشاعت کی تاریخ: 2nd, February 2026 GMT
کراچی کے علاقے گارڈن میں سندھ رینجرز اور اسپیشل انویسٹی گیشن یونٹ (ایس آئی یو) کی مشترکہ کارروائی کے دوران مبینہ مقابلے کے بعد بھتہ مافیا سے تعلق رکھنے والے تین ملزمان کو زخمی حالت میں گرفتار کر لیا گیا۔
کارروائی اتوار اور پیر کی درمیانی شب کشتی مسجد کے قریب کی گئی، جہاں ملزمان نے قانون نافذ کرنے والے اداروں پر فائرنگ کی۔
ترجمان سندھ رینجرز کے مطابق زخمی حالت میں گرفتار ملزمان کو فوری طور پر چھیپا ایمبولینس کے ذریعے سول اسپتال منتقل کیا گیا۔ گرفتار ملزمان کی شناخت 25 سالہ سید باسط حسین عرف شاہ رخ، 22 سالہ محمد طحہٰ عرف مایا اور 27 سالہ عبدالصمد کے نام سے ہوئی ہے، جن کا تعلق جمیل چھانگا، وصی اللہ لاکھو اور عبدالصمد کاٹھیا واڑی گروپ سے بتایا گیا ہے۔
تحقیقات کے مطابق گرفتار ملزمان بھتہ مافیا کے لیے کام کرتے تھے اور نجی بلڈرز، میڈیکل اسٹورز، ریسٹورنٹس، کاسمیٹکس شاپس، تاجروں اور دیگر سرمایہ داروں کی ریکی کر کے معلومات سرغنہ کو فراہم کرتے تھے۔ بعد ازاں ان کاروباری افراد کو دھمکیاں دے کر بھتہ وصول کیا جاتا تھا۔
رینجرز کے مطابق ملزمان اور ان کے ساتھی نیو کراچی میں گتا فیکٹری اور کاسمیٹکس شاپ جبکہ ناظم آباد کے ایک ریسٹورنٹ پر بھتہ نہ ملنے کی صورت میں فائرنگ کے واقعات میں بھی ملوث رہے ہیں۔ ان تمام واقعات میں ملزمان کو سی سی ٹی وی فوٹیج میں واضح طور پر دیکھا جا چکا ہے۔
ترجمان کے مطابق گرفتار ملزم سید باسط حسین عادی مجرم ہے جو اس سے قبل بھی گرفتار ہو کر جیل جا چکا ہے۔ قانون نافذ کرنے والے اداروں نے ملزمان کے دیگر ساتھیوں کی گرفتاری کے لیے مختلف علاقوں میں چھاپے تیز کر دیے ہیں، جبکہ مزید تفتیش جاری ہے۔
.
ذریعہ
ذریعہ: Al Qamar Online
پڑھیں:
جعلی دستاویزات پر بیرون ملک جانے کی کوشش ناکام، 2 خواتین آف لوڈ، ایجنٹس گرفتار
فیڈرل انویسٹی گیشن ایجنسی (ایف آئی اے) ملتان زون نے جعلی دستاویزات پر بیرون ملک جانے کی کوشش ناکام بنادی۔
ایف آئی اے ملتان زون کے مطابق 2 خواتین کو آف لوڈ کرکے 2 ایجنٹوں کو گرفتار کرلیا۔ مسافروں نے جعلی نکاح نامے پر سوازی لینڈ کے وزٹ ویزے حاصل کیے تھے۔
ایف آئی اے کے مطابق گرفتار ایجنٹ نے مسافروں کی غیرقانونی امیگریشن کیلیے رشوت دینے کی کوشش بھی کی۔
وزارت آئی ٹی نے 1.67 ارب روپے سے زاید کے فنڈز طلب کرلیے