ڈھاکہ-11 میں انتخابی معرکہ، قانونی جنگ میں بدل گیا
اشاعت کی تاریخ: 2nd, February 2026 GMT
نیشنل سٹیزن پارٹی یعنی این سی پی کے امیدوار ناہید اسلام نے ڈھاکہ-11 کے حلقے میں بنگلہ دیش نیشنلسٹ پارٹی کے نامزد امیدوار کی اہلیت کو عدالت میں چیلنج کردیا ہے۔
جولائی طلبا احتجاج کی قیادت کرنیوالے ناہید اسلام کی جانب سے یہ درخواست پیر کے روز ہائیکورٹ میں دائر کی گئی، جس کی سماعت رواں ہفتے متوقع ہے۔
یہ بھی پڑھیں: بنگلہ دیش انتخابات: اے بی پارٹی نے مختلف راستہ اختیار کرنے کا عندیہ دے دیا
ان کے وکیل زاہد الاسلام موسیٰ کے مطابق، بی این پی کے نامزد امیداوار ایم اے قیوم نے مبینہ طور پر وانواتو کی شہریت حاصل کر رکھی ہے، جس کا انہوں نے اپنے انتخابی حلف نامے میں انکشاف نہیں کیا۔
তথ্য গোপনের অভিযোগ এনে ঢাকা-১১ আসনের বিএনপির প্রার্থী ড.
বিস্তারিত : https://t.co/3D0sCoYiQL#Nahidislam #NCP #election #somoytv pic.twitter.com/llGNOd33Xv
— Somoy TV (@somoytv) February 2, 2026
وکیل نے میڈیا سے گفتگو کرتے ہوئے بتایا کہ بنگلہ دیش کے آئین کے تحت دوہری شہریت رکھنے والا کوئی بھی فرد پارلیمانی انتخابات میں حصہ لینے کا اہل نہیں ہوتا۔
رِٹ پٹیشن میں عدالت سے ہدایت جاری کرنے اور ریٹرننگ افسر کے اس فیصلے پر حکمِ امتناع دینے کی استدعا کی گئی ہے، جس کے تحت ایم اے قیوم کے کاغذاتِ نامزدگی کو درست قرار دیا گیا تھا۔
مزید پڑھیں: بنگلہ دیش کے آئندہ عام انتخابات قریب، کس سیاسی جماعت کا پلڑا بھاری ہے؟
واضح رہے کہ ریٹرننگ افسر نے 3 جنوری کو ڈھاکہ کے علاقے سگن باغیچہ میں واقع ڈویژنل کمشنر کے دفتر میں جانچ پڑتال کے بعد ایم اے قیوم کے کاغذاتِ نامزدگی منظور کیے تھے۔
ایم اے قیوم ڈھاکہ-11 سے بی این پی کے نامزد امیدوار ہیں اور پارٹی میں مائیکرو کریڈٹ امور کے سیکریٹری کی حیثیت سے بھی خدمات انجام دے رہے ہیں۔
یہ مقدمہ 13ویں قومی پارلیمانی انتخابات کے عمل میں ایک نیا قانونی پہلو متعارف کراتا ہے، کیونکہ پولنگ سے قبل امیدواروں کی اہلیت پر جانچ پڑتال مزید سخت ہوتی جا رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الیکشن کمیشن این سی پی بنگلہ دیش بنگلہ دیش نیشنلسٹ پارٹی بی این پی دوہری شہریت ڈھاکہ ریٹرننگ افسر ناہید اسلام نیشنل سٹیزن پارٹی
ذریعہ
ذریعہ: WE News
کلیدی لفظ: الیکشن کمیشن این سی پی بنگلہ دیش بنگلہ دیش نیشنلسٹ پارٹی بی این پی دوہری شہریت ڈھاکہ ریٹرننگ افسر ناہید اسلام نیشنل سٹیزن پارٹی ایم اے قیوم بنگلہ دیش
پڑھیں:
آزاد کشمیر الیکشن کے حوالے سے میڈیا کیلیے ضابطہ اخلاق جاری
الیکشن کمیشن آزاد کشمیر نے انتخابات 2026 کے لیے نیا میڈیا ضابطہ اخلاق جاری کر دیا، پالیسی کا مقصد انتخابی عمل میں شفافیت، غیرجانبداری اور ذمہ دارانہ صحافتی روایات کو یقینی بنانا ہے۔
الیکشن کمیشن کے مطابق تمام میڈیا اداروں کو ہدایت کی گئی ہے کہ وہ انتخابی کوریج کے دوران مکمل غیرجانبداری کا مظاہرہ کریں اور ضابطہ اخلاق پر سختی سے عمل درآمد کریں۔
اعلامیے میں کہا گیا ہے کہ پولنگ اسٹیشن کے اندر صرف مجاز میڈیا نمائندوں کو کوریج کی اجازت ہوگی تاہم پولنگ بوتھ کے اندر ووٹنگ کی خفیہ کارروائی کی کسی بھی قسم کی ریکارڈنگ یا فوٹوگرافی سختی سے ممنوع ہوگی۔
الیکشن کمیشن نے پولنگ ختم ہونے سے قبل کسی بھی قسم کے ایگزٹ پول، نتائج یا رجحانات نشر کرنے پر مکمل پابندی عائد کر دی ہے۔ نفرت انگیز، اشتعال انگیز یا فرقہ وارانہ مواد نشر کرنے سے گریز کرنے کی تاکید کی ہے۔
اسی طرح غلط، غیر مصدقہ یا گمراہ کن معلومات نشر کرنا بھی ممنوع قرار دیا گیا۔تمام امیدواروں کو انتخابی کوریج میں مساوی اور منصفانہ نمائندگی دینے کی ہدایت کی گئی ہے۔
الیکشن کمیشن نے واضح کیا ہے کہ ضابطہ اخلاق کی خلاف ورزی پر متعلقہ میڈیا ادارے کی ایکریڈیٹیشن منسوخ کی جا سکتی ہے اور قانونی کارروائی بھی عمل میں لائی جائے گی۔
کمیشن نے تمام میڈیا اداروں سے اپیل کی ہے کہ وہ انتخابی ضابطہ اخلاق پر مکمل عمل درآمد یقینی بنائیں تاکہ انتخابی عمل کے اعتماد اور شفافیت کو برقرار رکھا جا سکے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا