انڈیا کو بنگلہ دیشی کھلاڑی مستفیض الرحمان کو معاہدے سے محروم نہیں کرنا چاہیے تھا، ششی تھرور
اشاعت کی تاریخ: 2nd, February 2026 GMT
کانگریس کے رکن پارلیمنٹ ششی تھرور نے بھارت اور پاکستان کے درمیان آئی سی سی ٹی20 ورلڈ کپ 2026 کے میچ سے پاکستان کے بائیکاٹ کے فیصلے کے بعد کہا ہے کہ کرکٹ سے سیاست کو دور رکھنا چاہیے۔
ششی تھرور نے کہا، ‘یہ کافی شرمناک ہے کہ دونوں طرف سے کھیل کو اس طرح سیاسی رنگ دیا گیا ہے۔ میرا خیال ہے کہ بنگلہ دیشی کرکٹر مستفیض الرحمن کو کولکتہ میں کھیلنے کے لیے معاہدے سے محروم نہیں کرنا چاہیے تھا۔ یہ انتہائی افسوسناک ہے۔’
یہ بھی پڑھیے: آئی پی ایل سے نکالے گئے بنگلہ دیش کے فاسٹ بولر مستفیض الرحمان کا پی ایس ایل کھیلنے کا فیصلہ
تھرور کا کہنا تھا کہ بنگلہ دیش کی جانب سے حد سے زیادہ ردعمل تھا، لیکن یہ بھی اسی کا عکس ہے اور پاکستان بنگلہ دیش کے ساتھ یکجہتی دکھانے کی کوشش کر رہا ہے۔ یہ سارا معاملہ قابو سے باہر جا رہا ہے۔
کانگریسی رہنما نے کہا کہ میرا ماننا ہے کہ ہمیں واقعی اس بات پر سمجھوتہ کرنے کی ضرورت ہے کہ کھیل، خاص طور پر کرکٹ جیسے کھیل، جو لوگوں کے لیے بہت معنی رکھتا ہے، کے میدان میں ایک دوسرے کے قریب لانے کا ذریعہ ہونا چاہیے، نہ کہ اس طرح مسائل پیدا ہونے دیں۔
یہ بھی پڑھیے: پاکستان کا ٹی20 ورلڈ کپ میں انڈیا سے کھیلنے سے انکار، ’انڈیا سوائے ماتم کے کچھ نہیں کرسکتا‘
انہوں نے تنبیہ کرتے ہوئے کہا کہ میں حقیقت میں سمجھتا ہوں کہ یہ متعلقہ فریقین کے لیے ایک کال ہے کہ وہ ہنگامی بنیادوں پر رابطہ قائم کریں، آئی سی سی اس کے لیے پلیٹ فارم ہو سکتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی انڈیا ششی تھرور کرکٹ.
ذریعہ
ذریعہ: WE News
کلیدی لفظ: انڈیا ششی تھرور کرکٹ ششی تھرور کے لیے
پڑھیں:
کراچی میں شہریوں کی رہنمائی کیلیے روڈ سیفٹی آفیسر یونٹ قائم کرنے کرنا کا فیصلہ
ٹریفک پولیس کی جانب سے شہریوں کے لیے ’’روڈ سیفٹی آفیسر یونٹ‘‘ کے قیام کا فیصلہ کیا گیا ہے۔
تفصیلات کے مطابق ٹریفک پولیس نے شہریوں کو بہتر سہولیات کی فراہمی، روڈ سیفٹی کے فروغ اور عوام دوست پولیسنگ کے وژن کو مزید مؤثر بنانے کے لیے "روڈ سیفٹی آفیسر یونٹ" قائم کرنے کا فیصلہ کیا ہے۔
روڈ سیفٹی آفیسرز شہر کی اہم اور مصروف شاہراہوں بشمول شاہراہ فیصل ، ماڑی پور روڈ ، کورنگی روڈ اور شاہراہ لیاقت پر تعینات کیے جائیں گے جہاں وہ ٹریفک کی روانی کو بہتر بنانے، شہریوں کو متبادل راستوں اور سفری سہولیات سے متعلق معلومات فراہم کرنے اور بروقت مدد کے فرائض انجام دیں گے۔
ترجمان کے مطابق یونٹ کے قیام سے شہریوں کو محفوظ سفری ماحول میں رہنمائی ملے گی ، یہ یونٹ شہریوں اور ٹریفک پولیس کے درمیان رابطے کو مضبوط بنانے کے ساتھ ساتھ دوران سفر پیش آنے والی مشکلات کے فوری حل اور مؤثر رہنمائی میں اہم کردار ادا کریگا۔
یونٹ کا مقصد ٹریفک قوانین ، روڈ سیفٹی اقدامات اور ذمہ دارانہ طرز ڈرائیونگ کے حوالے سے عوامی شعور اجاگر اور اس میں مزید اضافہ کرنا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ