سونے اور چاندی کی قیمتوں میں ایک بار پھر بڑی کمی
اشاعت کی تاریخ: 2nd, February 2026 GMT
عالمی اور مقامی مارکیٹوں میں سونے اور چاندی کی قیمتوں میں تیسرے دن مزید کمی ریکارڈ کی گئی۔مقامی اور عالمی مارکیٹ میں سونے کی قیمتوں میں نمایاں کمی دیکھنے میں آئی ہے۔ مقامی صرافہ مارکیٹ میں فی تولہ سونا 21 ہزار 500 روپے سستا ہو کر پانچ لاکھ روپے کی حد سے نیچے آ گیا ہے۔ صرافہ ذرائع کے مطابق فی تولہ سونے کی قیمت کم ہو کر 4 لاکھ 90 ہزار 362 روپے ہو گئی ہے، جبکہ 10 گرام سونا 18 ہزار 433 روپے سستا ہو کر 4 لاکھ 20 ہزار 406 روپے کی سطح پر آ گیا ہے۔ دوسری جانب عالمی مارکیٹ میں بھی سونے کی قیمت میں واضح کمی ریکارڈ کی گئی ہے۔ عالمی منڈی میں سونا فی اونس 215 ڈالر سستا ہو کر 4 ہزار 676 ڈالر فی اونس پر آ گیا ہے۔ عالمی مارکیٹ میں فی اونس چاندی کی قیمت بھی مزید 6ڈالر 01سینٹ کی کمی سے 79 ڈالر 30 سینٹ کی سطح پر آنے سے مقامی صرافہ مارکیٹوں میں فی تولہ چاندی کی قیمت 1ہزار 601روپے کی کمی سے 8 ہزار 405 روپے اور فی دس گرام چاندی کی قیمت بھی 516 روپے کی کمی سے 7 ہزار 205 روپے کی سطح پر آگئی ہے۔ اقتصادی تجزیہ کاروں کا کہنا ہے کہ امریکہ اور یورپی ممالک میں مہنگائی پر قابو پانے کے لیے مرکزی بینک سخت مالی اقدامات کر رہے ہیں۔ ان اقدامات کے نتیجے میں بانڈز اور دیگر سرمایہ کاری کے ذرائع نسبتاً زیادہ پرکشش ہو جاتے ہیں، جس کی وجہ سے سونے کی مانگ متاثر ہوتی ہے۔ اس کے علاوہ عالمی اسٹاک مارکیٹس میں اتار چڑھاؤ اور سرمایہ کاری کے رجحانات میں تبدیلی بھی سونے کی قیمت پر اثر انداز ہو رہی ہے۔ سونے کی قیمت میں کمی کا اثر صرف عالمی سطح تک محدود نہیں رہتا بلکہ اس کے اثرات مقامی منڈیوں پر بھی پڑتے ہیں۔ ماہرین کے مطابق عالمی مارکیٹ میں سونے کی قیمت کم ہونے کی صورت میں مقامی مارکیٹس میں بھی قیمتوں میں کمی کا امکان ہوتا ہے، تاہم اس کا انحصار مقامی کرنسی کی قدر، ٹیکسز اور دیگر معاشی عوامل پر ہوتا ہے۔
.
ذریعہ
ذریعہ: Nawaiwaqt
کلیدی لفظ: عالمی مارکیٹ میں چاندی کی قیمت سونے کی قیمت قیمتوں میں روپے کی
پڑھیں:
پٹرولیم مصنوعات کی قیمتوں میں مسلسل چوتھے روز اضافہ
پٹرولیم ڈویژن کی جانب سے جاری نوٹیفکیشن کے مطابق پٹرول کی قیمت میں 4 روپے 40 پیسے فی لٹر اضافہ کیا گیا اور ہائی سپیڈ ڈیزل کی قیمت میں 3 روپے 62 پیسے فی لٹر اضافہ کیا گیا ہے۔ اسلام ٹائمز۔ حکومت کی جانب سے پٹرولیم مصنوعات کی نئی قیمتوں کا اعلان کردیا گیا۔ پٹرولیم ڈویژن کی جانب سے جاری نوٹیفکیشن کے مطابق پٹرول کی قیمت میں 4 روپے 40 پیسے فی لٹر اضافہ کیا گیا، جس کے بعد پٹرول کی نئی قیمت 331 روپے 52 پیسے فی لٹر مقرر کر دی گئی ہے۔ ہائی سپیڈ ڈیزل کی قیمت میں 3 روپے 62 پیسے فی لٹر اضافہ کیا گیا ہے، جس کے بعد ڈیزل کی نئی قیمت 378 روپے 66 پیسے فی لٹر ہو گئی ہے۔
پیٹرولیم ڈویژن کے مطابق پیٹرول اور ڈیزل کی نئی قیمتوں کا تعین اوگرا کی جانب سے کیا گیا ہے جو آج رات 12 بجے سے کل رات 12 بجے تک نافذ العمل ہوگا۔ واضح رہے کہ گزشتہ روز حکومت کی جانب سے پٹرول کی قیمت میں 6 روپے 39 پیسے فی لٹر جبکہ ہائی سپیڈ ڈیزل کی قیمت میں 7 روپے 83 پیسے کا بڑا اضافہ کیا گیا تھا۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم