چین کے سابق وزیر انصاف کو رشوت لینے پر عمر قید کی سزا، جائیداد بھی ضبط
اشاعت کی تاریخ: 2nd, February 2026 GMT
چین کی ایک عدالت نے سابق وزیر انصاف تانگ یی جون کو رشوت لینے کے جرم میں عمر قید کی سزا سنائی ہے۔
یہ بھی پڑھیں: چین میں کرپشن کے خلاف مہم: نمبر 2 جنرل سمیت 9 افسران برطرف
چین کے ریاستی نشریاتی ادارے سی سی ٹی وی کے مطابق شیامن انٹرمیڈیٹ پپلز کورٹ نے بتایا کہ تانگ نے سنہ 2006 سے سنہ 2022 کے دوران 137 ملین یوان (تقریباً 19.
عدالت نے اپنے فیصلے میں کہا کہ تانگ کے اقدامات رشوت کے جرم کے زمرے میں آتے ہیں اور رقم کو انتہائی زیادہ اور ریاست اور عوام کے مفاد کے لیے انتہائی نقصان دہ قرار دیا۔
سی سی ٹی وی کے مطابق تانگ سے سیاسی حقوق بھی عمر بھر کے لیے چھین لیے گئے اور ان کی تمام ذاتی جائیداد ضبط کر لی گئی۔
یہ سزا اس وقت آئی ہے جب صدر شی جن پنگ چین میں بدعنوانی کے خلاف بڑے پیمانے پر مہم جاری رکھے ہوئے ہیں جس میں حالیہ ہفتوں میں کئی اعلیٰ حکومتی اہلکار گرفتار ہو چکے ہیں۔
ملک کے اینٹی کرپشن ادارے نے حال ہی میں وزیر ہنگامی امور وانگ ژیانگ زی کی بھی تحقیقات شروع کی ہیں جو کسی فعال وزیر کے خلاف ایسے کم کیسز میں شامل ہے۔
مزید پڑھیے: چین نے میانمار فراڈ اسکیمز سے منسلک 11 افراد کو موت کی سزا دے دی
گزشتہ ماہ چین کے اعلیٰ فوجی جنرل ژانگ یو شیہ کے خلاف بھی تحقیق شروع کی گئی تھی جو ملک میں سینیئر فوجی قیادت کے خلاف سب سے نمایاں کریک ڈاؤن ہے۔
64 سالہ تانگ نے اپنے کیریئر کا آغاز مشرقی صوبہ زیجیانگ سے کیا جہاں وہ 3 دہائیوں سے زیادہ کام کرنے کے بعد صوبے کے ڈپٹی پارٹی چیف تک پہنچے۔ بعد ازاں وہ لیفانینگ کے گورنر اور سنہ 2020 میں وزیر انصاف مقرر ہوئے۔
تانگ یی جون کو صدر شی کے قریبی ساتھی کے طور پر بھی جانا جاتا ہے کیونکہ وہ ننگبو پارٹی سیکریٹری کے طور پر خدمات انجام دے رہے تھے اور یہ اس وقت کی بات ہے جب شی سنہ 2002 سے سنہ 2007 تک زیجیانگ صوبے کے ڈپٹی پارٹی سیکریٹری اور پارٹی سیکریٹری تھے۔
اس سے قبل تانگ کو اپریل 2024 میں سنٹرل کمیشن فار ڈسپلن انسپیکشن اور نیشنل سپروائزری کمیشن کی جانب سے سنجیدہ ضابطہ اور قانونی خلاف ورزیوں کے شبہات پر تفتیش کا سامنا کرنا پڑا تھا۔
تفتیش کے دوران عدالت نے پایا کہ تانگ نے زیجیانگ، لیفانینگ اور وزارت انصاف میں اہم عہدوں پر فائز رہتے ہوئے اپنے اختیارات کا ناجائز استعمال کیا اور مجموعی طور پر 137 ملین یوان رشوت وصول کی۔
مزید پڑھیے: پاک چین دوستی وقت اور حالات کی آزمائشوں میں مزید مضبوط ہوئی ہے، مزمل اسلم
بعد ازاں اس بدعنوان وزیر کو کمیونسٹ پارٹی سے بھی نکال دیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
تانگ یی جون چین چین میں کرپشن پر سزا چینی وزیر انصاف کو سزا
ذریعہ
ذریعہ: WE News
کلیدی لفظ: تانگ یی جون چین چین میں کرپشن پر سزا چینی وزیر انصاف کو سزا وزیر انصاف کے خلاف
پڑھیں:
دہشتگردی کے خاتمے تک فتنۃ الخوارج و فتنۃ الہندوستان کے خلاف کارروائیاں جاری رہیں گی، فیلڈ مارشل
پاک فوج کے شعبہ تعلقات عامہ (آئی ایس پی آر) سے جاری بیان کے مطابق فیلڈ مارشل عاصم منیر نے جنرل ہیڈکوارٹرز (جی ایچ کیو) راولپنڈی میں 20ویں نیشنل ورکشاپ بلوچستان کے شرکا سے خطاب کیا اور کہا کہ دہشت گردی کے خاتمے تک فتنہ الخوارج اور فتنہ الہندوستان کے خلاف کارروائیاں جاری رہیں گی۔
انہوں نے کہا کہ سیکیورٹی فورسز اور قانون نافذ کرنے والے اداروں کی مسلسل کوششیں، عوام کی غیرمتزلزل حمایت کے ساتھ بلوچستان میں پائیدار امن کے قیام کو یقینی بنائیں گی۔
فیلڈ مارشل نے اس عزم کا اعادہ کیا کہ فتنہ الخوارج اور فتنہ الہندوستان کے خلاف کارروائیاں دہشت گردی اور اس کے سہولت کاروں کے مکمل خاتمے تک پوری قوت کے ساتھ جاری رہیں گی، پاکستان میں جہاں بھی دہشت گردوں کا انفرا اسٹرکچر ملکی سلامتی کے لیے خطرہ بنے گا، اسے ختم کرنے کے لیے اپنے غیرمتزلزل عزم پر قائم ہے۔
انہوں نے کہا کہ بیرونی سرپرستی میں کام کرنے والے پراکسی عناصر مسلسل بلوچستان میں بدامنی، عدم استحکام اور امن کو سبوتاژ کرنے کی کوشش کر رہے ہیں تاہم مسلح افواج عوام کی یک جہتی اور ثابت قدمی کے ساتھ ان مذموم عزائم کو ناکام بنائیں گی۔
فیلڈ مارشل عاصم منیر نے بلوچستان کو پاکستان کا فخر قرار دیا اور کہا کہ یہ صوبہ بے پناہ قدرتی وسائل، محب وطن، باصلاحیت اور باہمت عوام سے مالا مال ہے، جو بلوچستان کی اصل طاقت ہیں۔
فیلڈ مارشل نے کہا کہ وفاقی اور صوبائی حکومتیں بلوچستان کی سماجی و معاشی ترقی کے لیے عوام دوست اور جامع منصوبوں پر عمل پیرا ہیں، جن کا مقصد صوبے کی تقدیر بدلنا ہے۔
انہوں نے قومی یک جہتی کے فروغ میں سول سوسائٹی، جامعات، میڈیا اور نوجوانوں کے مثبت کردار کو سراہا اور کہا کہ ملک کو درپیش چیلنجز سے نمٹنے اور روشن مستقبل کی بنیاد رکھنے کے لیے قومی اتحاد، استقلال اور مشترکہ کوششیں ناگزیر ہیں۔
آئی ایس پی آر کے مطابق جی ایچ کیو میں تقریب کے اختتام پر شرکا کے ساتھ تفصیلی سوال و جواب کا سیشن بھی منعقد ہوا، جس میں شرکا نے پاکستان کے استحکام، ترقی، امن اور خودمختاری کے لیے اپنے عزم کا اعادہ کیا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا