پنجاب ٹرانسپورٹ کمپنی ہیڈکوارٹر اور ای وی کمانڈ اینڈ کنٹرول سینٹر کا افتتاح
اشاعت کی تاریخ: 2nd, February 2026 GMT
وزیراعلیٰ پنجاب مریم نواز شریف نے پنجاب ٹرانسپورٹ کمپنی کے ہیڈکوارٹر اور ای وی کمانڈ اینڈ کنٹرول سینٹر کا افتتاح کردیا۔
یہ بھی پڑھیں: پنجاب میں ایک ساتھ 4 تعطیلات، مریم نواز کا عوام کے لیے اہم پیغام
اس موقعے پر انہوں نے الیکٹرو بس کے جدید آٹومیٹک واشنگ پلانٹ اور چارجنگ سٹیشن کا بھی مشاہدہ کیا۔
وزیراعلیٰ کے مطابق واشنگ پلانٹ میں الیکٹرو بسوں کی صفائی اور خشک کرنا آٹومیٹک طریقے سے کیا جاتا ہے اور پانی کی ری سائیکلنگ کے ذریعے دوبارہ استعمال کو یقینی بنایا گیا ہے۔ چارجنگ اسٹیشن، جو یو ٹونگ کمپنی کا جدید ترین 160 کلوواٹ اسٹیشن ہے بس کو تقریباً 105 منٹ میں مکمل چارج کرتا ہے۔
مریم نواز شریف نے کمانڈ اینڈ کنٹرول سینٹر کا بھی دورہ کیا اور ہدایت کی کہ گرین الیکٹرو بس کے نئے روٹس جلد دریافت کیے جائیں اور چارجنگ سسٹم شمسی توانائی پر منتقل کیا جائے۔
انہوں نے مسافروں کی تعداد کے پیش نظر مزید بہتر انتظامات کی بھی ہدایت دی اور 1500 نئی بسوں کے لیے ٹائم لائن طلب کی۔
مزید پڑھیے: بلوچستان کی طرف اٹھنے والی ہر آنکھ نکال لی جائےگی، وزیراعلیٰ پنجاب مریم نواز
وزیراعلیٰ نے گرین بس پراجیکٹ کے کاربن کریڈٹس کلیم کرنے کی ہدایت بھی جاری کی۔
انہوں نے الیکٹرو بس کے عملے کے جذبے کو خاص طور پر سراہا جو سپیشل افراد کی معاونت بھی فراہم کر رہا ہے۔
مریم نواز شریف کا کہنا تھا کہ گرین بس کی لانچنگ سے پنجاب میں رائیڈر شپ کے ریکارڈز ٹوٹ گئے ہیں۔
وزیراعلیٰ نے کہا کہ فیصل آباد اور گوجرانوالہ میں میٹرو بس سروس پراجیکٹ جلد شروع کرنا چاہتے ہیں اور مختلف مقامات پر مسافروں کے انتظار کے لیے مزید بسیں فراہم کی جائیں گی تاکہ عوام کو آرام دہ اور محفوظ سفر کی بہترین سہولت میسر ہو۔
انہوں نے کہا کہ حکومت پنجاب عوام بالخصوص بچوں اور خواتین کی سہولت اور تحفظ کو اولین ترجیح دے رہی ہے۔
مزید پڑھیں: منتیں، چیخیں اور سپریم کورٹ کے باہر کا منظر، سہیل آفریدی پریشان، مریم نواز نے سب کو ہلا دیا
ان کا کہنا تھا کہ اسمارٹ ٹریول سسٹم عوام کے لیے آسان اور تیز سفر کی سہولت فراہم کر رہا ہے اور الیکٹرک بسیں فضائی آلودگی اور اسموگ میں کمی کا باعث بن رہی ہیں۔
سی ای او پنجاب ٹرانسپورٹ کمپنی کوثر خان نے وزیراعلیٰ کو تفصیلی بریفنگ دی، جس میں بتایا گیا کہ پنجاب میں 1.
وزیراعلیٰ کو یہ بھی بتایا گیا کہ38 خواتین اور 15 لاکھ سے زائد طلبہ مفت سفر سے مستفید ہو چکے ہیں اور تقریباً ساڑھے 7 لاکھ بزرگ اور 3 لاکھ سپیشل افراد بھی مفت سفر کر چکے ہیں۔
بریفنگ میں یہ بھی بتایا گیا کہ ہر بس میں 6 کیمروں سے ڈیجیٹل نگرانی کی جاتی ہے، آرٹیفیشل انٹیلی جنس کے ذریعے ڈرائیورز کی مانیٹرنگ کی جاتی ہے اور پنجاب بھر میں 80 لاکھ سے زائد افراد کو ٹی کیش کارڈ جاری کیے جا چکے ہیں۔
الیکٹرک بسوں میں خواتین کے تحفظ کے لیے کن اقدامات پر اور کیسے عمل درآمد ہو رہا ہے؟ وزیرِ اعلیٰ پنجاب مریم نواز کی الیکٹرو بس کمانڈ اینڈ کنٹرول سینٹر کے حکام سے پوچھ گچھ pic.twitter.com/CFglhGyKfV
— WE News (@WENewsPk) February 2, 2026
بریفنگ کے مطابق حکومت پنجاب خواتین کی معاشی خودمختاری کے لیے ’ایمپاور ہر پروجیکٹ‘ بھی چلا رہی ہے اور ای بس اسٹیشنز پر بیوہ اور مطلقہ خواتین کے لیے خصوصی ٹک شاپس قائم کی گئی ہیں۔ لاہور میں اب تک 10 خواتین کو نئے بس سٹاپس پر ٹک شاپس فراہم کی گئی ہیں، تاکہ خواتین کے لیے محفوظ، باوقار اور خود کفیل کاروباری مواقع فراہم کیے جا سکیں۔
وزیر اعلیٰ کو بتایا گیا کہ کمانڈ اینڈ کنٹرول سینٹر کے ذریعے بسوں کی بروقت آمد و رفت یقینی بنائی جا رہی ہے اور ریئل ٹائم ڈیٹا کے ذریعے پبلک ٹرانسپورٹ نظام کو مزید مؤثر بنایا جا رہا ہے۔
یہ بھی پڑھیے: ماں اور بچی کے سانحے پر وزیراعلیٰ مریم نواز شدید رنجیدہ، غفلت کے مرتکب کیخلاف سخت کارروائی کا اعلان
بریفنگ میں یہ بھی بتایا گیا کہ ٹی کیش کارڈ کے ذریعے پنجاب بھر میں کیش لیس اور پیپر لیس سفر ممکن ہوگا اور ایک ہی اسمارٹ کارڈ سے مختلف پبلک ٹرانسپورٹ سروسز پر آسانی سے سفر کیا جا سکے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ای وی کمانڈ اینڈ کنٹرول سینٹر پنجاب ٹرانسپورٹ کمپنی ہیڈکوارٹر وزیراعلیٰ پنجاب مریم نواز شریف
ذریعہ
ذریعہ: WE News
کلیدی لفظ: ای وی کمانڈ اینڈ کنٹرول سینٹر پنجاب ٹرانسپورٹ کمپنی ہیڈکوارٹر وزیراعلی پنجاب مریم نواز شریف کمانڈ اینڈ کنٹرول سینٹر پنجاب ٹرانسپورٹ کمپنی پنجاب مریم نواز مریم نواز شریف بتایا گیا کہ الیکٹرو بس کے ذریعے انہوں نے چکے ہیں اور ای کے لیے ہے اور یہ بھی رہا ہے
پڑھیں:
حکومت نے نیشنل امیگریشن اینڈ ویلفیئر پالیسی 2026 کا اجرا کر دیا
وفاقی وزیر اوورسیز پاکستانیز چوہدری سالک حسین نے نیشنل امیگریشن اینڈ ویلفیئر پالیسی 2026 کا اجرا کر دیا۔تقریب سے خطاب کرتے ہوئے انہوں نے کہا کہ آج کا دن پاکستان میں لیبر مائیگریشن کے نظم و نسق کو مضبوط بنانے کی جانب ایک اہم سنگ میل ہے۔ یہ پالیسی ہر اس پاکستانی سے کیے گئے قومی عزم کی عکاس ہے جو بہتر مواقع کی تلاش میں اپنا گھر چھوڑتا ہے۔انہوں نے کہا کہ محفوظ اور منظم نقل مکانی، مہارتوں کی ترقی، کارکنوں کا تحفظ، تارکینِ وطن کی شمولیت اور وطن واپس آنے والوں کی بحالی اس پالیسی کے بنیادی ستون ہیں۔ تکنیکی جدت، آبادیاتی تبدیلیاں اور لیبر مارکیٹ کے بدلتے ہوئے تقاضے دنیا بھر کی معیشتوں کو نئی شکل دے رہے ہیں. اس لیے پاکستان کو اپنی افرادی قوت کو آج اور مستقبل دونوں کے مواقع کے لیے تیار کرنا ہوگا۔ ان کا کہنا تھا کہ نیشنل امیگریشن اینڈ ویلفیئر پالیسی 2026 اس سمت میں ایک اہم قدم اور پاکستان کی افرادی قوت کو مستقبل کے تقاضوں سے ہم آہنگ کرنے میں سنگ میل ثابت ہوگی۔چوہدری سالک حسین نے کہا کہ ایک کروڑ 20 لاکھ پاکستانی دنیا بھر میں مقیم ہیں اور اپنی پیشہ ورانہ مہارت، دیانت داری اور محنت کی بدولت پاکستان کے سفیر بن چکے ہیں۔ گزشتہ مالی سال میں سمندر پار پاکستانیوں نے 41 ارب امریکی ڈالر سے زائد کی ترسیلاتِ زر وطن بھیجیں، جو ملکی تاریخ کی بلند ترین رقم ہے۔ انہوں نے کہا کہ بیرون ملک مقیم پاکستانیوں کی کامیابی پاکستان کی کامیابی ہے اور ان کی فلاح و بہبود ہماری قومی ذمہ داری ہے۔انہوں نے کہا کہ یہ پالیسی اداروں، تجربات اور شراکت داریوں کو ایک مشترکہ وژن کے تحت یکجا کرتی ہے تاکہ ہر پاکستانی کارکن نقل مکانی کے پورے سفر کے دوران بہتر طور پر تیار، محفوظ اور معاونت یافتہ ہو۔ اس پالیسی کا محور ہر اس پاکستانی کا سفر ہے جو مواقع کی تلاش میں اپنا گھر چھوڑتا ہے، جبکہ ذمہ داری روانگی سے پہلے ہی شروع ہو جاتی ہے، جہاں نوجوان کارکنوں کو متعلقہ مہارتیں، قابلِ اعتماد معلومات اور اخلاقی بھرتی تک رسائی فراہم کی جائے گی۔وفاقی وزیر نے کہا کہ اس پالیسی کی کامیابی وفاقی اور صوبائی حکومتوں، نفاذ کرنے والے اداروں، آجروں، تربیتی اداروں، ترقیاتی شراکت داروں، نجی شعبے اور سمندر پار پاکستانیوں کے باہمی تعاون سے مشروط ہے۔ انہوں نے صوبائی حکومتوں، آئی سی ایم پی ڈی (ICMPD)، دیگر ترقیاتی شراکت داروں اور تمام اسٹیک ہولڈرز کا مشاورتی عمل میں تعاون پر شکریہ ادا کیا، جبکہ اسپیشل انویسٹمنٹ فیسیلیٹیشن کونسل (SIFC) کی مسلسل معاونت کو بھی سراہا۔انہوں نے کہا کہ ہجرت یا نقل مکانی غیر یقینی کا سفر نہیں بلکہ مواقع، وقار اور قومی ترقی کا راستہ ہونا چاہیے۔ آئیں مل کر ایسا مستقبل بنائیں جہاں ہر پاکستانی اعتماد کے ساتھ بیرون ملک جائے، فخر کے ساتھ وطن واپس آئے اور ہمیشہ ایک ایسی قوم سے جڑا رہے جو اس کی خدمات کی قدر اور عزت کرتی ہو۔ انہوں نے دعا کی کہ اللہ تعالیٰ اس وژن کو عوام کے لیے بامعنی ترقی، پاکستان کے لیے دیرپا خوشحالی اور ہر سمندر پار پاکستانی اور اس کے خاندان کے روشن مستقبل کا ذریعہ بنائے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی