مال روڈ مری پر فائر ہائیڈرینٹ نصب، فائر سیفٹی نظام مزید مضبوط
اشاعت کی تاریخ: 2nd, February 2026 GMT
حکومتِ پنجاب کی جانب سے عوامی تحفظ کے لیے نافذ کیے گئے کمیونٹی سیفٹی بلڈنگ ریگولیشنز 2022 کے تحت ضلعی انتظامیہ مری نے شہر کے مصروف ترین تجارتی مرکز مال روڈ پر فائر ہائیڈرینٹ کی تنصیب مکمل کرلی ہے۔
ضلعی انتظامیہ کے مطابق اس اقدام کا مقصد ممکنہ آتشزدگی کی صورت میں فوری ریسپانس اور پانی کی بروقت دستیابی کو یقینی بنانا ہے تاکہ جانی و مالی نقصان سے بچا جا سکے۔
فائر ہائیڈرینٹ کی تنصیب کے موقع پر ضلعی انتظامیہ، ریسکیو 1122 مری اور متعلقہ محکموں کے افسران موجود تھے، جنہوں نے کام کے معیار کا جائزہ لیا۔
افسران نے بتایا کہ مری ایک اہم سیاحتی مقام ہے جہاں فائر سیفٹی کے مؤثر اور جدید انتظامات ناگزیر ہیں۔ مال روڈ پر فائر ہائیڈرینٹ کی تنصیب سے فائر وہیکلز کو فوری پانی میسر ہوگا، جس سے ریسپانس ٹائم میں کمی اور نقصانات کو کم کرنے میں مدد ملے گی۔
ضلعی انتظامیہ نے مزید بتایا کہ آئندہ مرحلہ وار شہر کے دیگر اہم اور حساس مقامات پر بھی فائر ہائیڈرینٹس نصب کیے جائیں گے۔ انتظامیہ اور ریسکیو 1122 نے عوام سے اپیل کی ہے کہ وہ فائر ہائیڈرینٹس اور دیگر ایمرجنسی سہولیات کو نقصان نہ پہنچائیں، تجاوزات سے گریز کریں اور کسی بھی ہنگامی صورتحال میں فوری طور پر 1122 پر اطلاع دیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews حکومت پنجاب کمیونٹی سیفٹی بلڈنگ ریگولیشنز مال روڈ مری وی نیوز.
ذریعہ
ذریعہ: WE News
کلیدی لفظ: حکومت پنجاب مال روڈ وی نیوز فائر ہائیڈرینٹ ضلعی انتظامیہ مال روڈ
پڑھیں:
کوہستان کرپشن کیس، نیب نے 6 ارب کے ریکور اثاثے خیبر پختونخوا کے حوالے کردیے
فائل فوٹوکوہستان مالیاتی کرپشن کیس میں قومی احتساب بیورو (نیب) نے 6 ارب روپے کے اثاثے ریکور کرکے خیبر پختونخوا حکومت کے حوالے کردیے جبکہ مزید ریکوری کا عمل جاری ہے۔
چیئرمین نیب لیفٹیننٹ جنرل (ر) نذیر احمد نے پشاور میں اثاثے چیف سیکرٹری خیبر پختونخوا شہاب علی شاہ کے حوالے کیے۔
نیب حکام کے مطابق پہلے مرحلے میں 6 ارب روپے سے زائد مالیت کے اثاثے صوبائی حکومت کے حوالے کیے گئے ہیں، جن میں نقد رقم، سونا، قیمتی جائیدادیں اور لگژری گاڑیاں شامل ہیں، اثاثوں کی واپسی منظم اور جامع تحقیقات کے نتیجے میں عمل میں آئی۔
نیب حکام کے مطابق کوہستان مالیاتی کرپشن میں سرکاری فنڈز سے 37 ارب روپے سے زائد کا غبن ہوا ہے، پیچیدہ مالیاتی غبن کو مؤثر تحقیقات کے ذریعے بے نقاب کیا گیا۔
چیئرمین نیب نے کہا کہ ڈائریکٹر جنرل (ڈی جی) نیب خیبر پختونخوا فرمان اللہ اور تحقیقاتی ٹیم کی کارکردگی قابل ستائش ہے۔
انہوں نے مزید کہا کہ کوہستان مالیاتی کرپشن میں مزید ریکوری کا عمل جاری ہے، قانونی کارروائی مکمل ہونے پر مزید اثاثے خیبر پختونخوا حکومت کو منتقل کیے جائیں گے، عوامی وسائل قومی امانت ہیں، ان کے تحفظ کے لیے ہر ممکن اقدام کیا جائے گا۔
وزارت آئی ٹی نے 1.67 ارب روپے سے زاید کے فنڈز طلب کرلیے