ہم اپنی سرزمین ایران کیخلاف استعمال نہیں ہونے دینگے، اُردن
اشاعت کی تاریخ: 2nd, February 2026 GMT
ایرانی وزیر خارجہ سے اپنی ایک ٹیلیفونک گفتگو میں ایمن الصفدی کا کہنا تھا کہ ہم اپنی فضائی حدود کی ایسی کسی بھی خلاف ورزی کا فیصلہ کن طور پر مقابلہ کریں گے جو اُردن کے شہریوں کی سلامتی اور جانوں کو خطرے میں ڈالتا ہو۔ اسلام ٹائمز۔ اُردن کی وزارت خارجہ کے ترجمان "ایمن الصفدی" نے کہا کہ ایران کے جوہری مسئلے کو سفارتی ذرائع سے حل کرنا چاہئے۔ انہوں نے کہا کہ ہم خطے میں کشیدگی کم کرنے اور پُرسکون فضاء کے قیام کے لئے ہر کوشش کی حمایت کرتے ہیں۔ ایمن الصفدی نے ان خیالات کا اظہار اپنے ایرانی ہم منصب "سید عباس عراقچی" کے ساتھ ٹیلیفونک گفتگو میں کیا۔ اس موقع پر انہوں نے کہا کہ امان کا یہ ٹھوس موقف ہے کہ وہ کسی بھی ملک کی خود مختاری کی خلاف ورزی کو درست نہیں سمجھتا۔ انہوں نے کہا کہ اُردن کسی بھی نئی علاقائی محاذ آرائی میں فریق نہیں بنے گا اور نہ ہی ایران کے خلاف کسی کو اپنی سرزمین استعمال کرنے دے گا۔ ہم اپنی فضائی حدود کی ایسی کسی بھی خلاف ورزی کا فیصلہ کن طور پر مقابلہ کریں گے جو اُردن کے شہریوں کی سلامتی اور جانوں کو خطرے میں ڈالتا ہو۔ دوسری جانب ایرانی وزیر خارجہ نے اُردن کے اس موقف کی تعریف کی۔ انہوں نے علاقائی امن و استحکام کے لئے اُردن کی کوششوں کا جائزہ لیا۔ آخر میں دونوں وزرائے خارجہ نے اس بات سے اتفاق کیا کہ علاقائی واقعات پر سفارتی رابطوں اور مشاورتوں کو جاری رہنا چاہئے۔
.
ذریعہ
ذریعہ: Islam Times
کلیدی لفظ: نے کہا کہ انہوں نے کسی بھی
پڑھیں:
شارع فیصل، کس لین میں گاڑی چلائی تو چالان نہیں ہوگا؟
کراچی میں شارع فیصل پر ٹریفک کی روانی کو بہتر بنانے کے لیے ٹریفک لین کی پاسداری کرانے کے لیے قوانین پر سختی عملدرآمد کیا جارہا ہے۔
ٹریفک لین کی خلاف ورزی پر 24 گھنٹوں کے دوران 96 چالان جاری کیے گئے ہیں۔
کراچی میں ٹریفک جام اور حادثات کی بڑھتی ہوئی تعداد کے پیچھے کئی وجوہات ہیں، لیکن ایک بڑی وجہ ٹریفک قوانین کی خلاف ورزی ہے۔
شہر کی سڑکوں پر مختلف گاڑیوں کے لیے مخصوص لینز تو موجود ہیں، اور زیادہ تر شہری اس بات سے واقف بھی ہیں کہ کون سی لین کس قسم کی گاڑی کے لیے مختص ہے، مگر وقت بچانے اور جلد منزل تک پہنچنے کی دوڑ میں اکثر لوگ ان اصولوں کو نظرانداز کر دیتے ہیں۔
ٹریفک قوانین کی خلاف ورزی کو روکنے اور سڑکوں پر نظم و ضبط بہتر بنانے کے لیے ٹریفک پولیس نے پہلے ہی ای-ٹکٹنگ سسٹم نافذ کیا ہوا ہے، لیکن اب شارع فیصل پر لین کی خلاف ورزی کرنے والوں کو خودکار طریقے سے جرمانے جاری کیے جائیں گے۔
ڈی آئی جی ٹریفک پیر محمد شاہ کے مطابق ٹریفک جام کی صورت میں شہریوں کو لین تبدیل کرنے کی رعایت ہے، لیکن سست ٹریفک پر شہریوں کو مقررہ لین میں ہی رہنا ہوگا اور ہیوی بائیک رائڈرز بھی لین کی خلاف ورزی کریں گے تو چالان ہوگا۔
دوسری جانب شہریوں نے اس اقدام کو ٹریفک نظم و ضبط کی جانب ایک مثبت پیشرفت قرار دیا ہے۔
ان کا کہنا ہے کہ قوانین پر مؤثر عملدرآمد کے ساتھ ساتھ عوامی آگاہی بھی انتہائی ضروری ہے تاکہ زیادہ سے زیادہ لوگ نئے نظام اور لین ڈسپلن کے اصولوں سے واقف ہو سکیں۔
قانون تو موجود ہے، اب اصل امتحان اس پر عملدرآمد اور شہریوں کے تعاون کا ہے۔ اگر دونوں ساتھ چلیں تو شاید کراچی کی سڑکیں زیادہ محفوظ اور منظم بن سکیں۔
وزارت آئی ٹی نے 1.67 ارب روپے سے زاید کے فنڈز طلب کرلیے