گریمی ایوارڈ جیتتے ہی گلوکارہ بلی ایلش کا امریکی امیگریشن ادارے کے خلاف سخت بیان
اشاعت کی تاریخ: 2nd, February 2026 GMT
لاس اینجلس میں ہونے والی 68 ویں گریمی ایوارڈز تقریب میں امریکی گلوکارہ بلی ایلش نے اپنے گانے ’’WILDFLOWER‘‘ کے لیے سونگ آف دی ایئر کا اعزاز حاصل کرلیا، تاہم ایوارڈ وصول کرتے وقت ان کی تقریر موسیقی سے زیادہ سیاسی مؤقف کے باعث خبروں کی زینت بن گئی۔
اپنے بھائی اور شریک مصنف فِنیاس او کونل کے ہمراہ اسٹیج پر آتے ہوئے بلی ایلش نے سب سے پہلے ریکارڈنگ اکیڈمی اور دیگر نامزد امیدواروں کا شکریہ ادا کیا۔ اس کے بعد انہوں نے کہا، ’’چوری کی گئی زمین پر کوئی بھی غیر قانونی نہیں ہوتا۔‘‘
انہوں نے مزید کہا کہ موجودہ حالات میں صحیح الفاظ تلاش کرنا مشکل ہو جاتا ہے، مگر اس ہال میں انہیں امید کی کرن دکھائی دیتی ہے۔ ان کے مطابق لوگوں کو بولتے رہنا چاہیے، آواز اٹھانی چاہیے اور احتجاج جاری رکھنا چاہیے کیونکہ عوام کی آواز واقعی اہم ہوتی ہے۔ اسی دوران انہوں نے امریکی امیگریشن ادارے ICE کے خلاف سخت جملہ بھی ادا کیا، جس پر حاضرین میں ملا جلا ردِعمل دیکھنے میں آیا۔
بلی ایلش اور فِنیاس او کونل اس سے پہلے بھی ICE اور موجودہ امریکی انتظامیہ پر تنقید کرتے رہے ہیں۔ حال ہی میں بلی نے اپنے انسٹاگرام پر امریکی شہری الیکس پریٹی کی موت سے متعلق پوسٹیں شیئر کیں، جو 24 جنوری کو ICE اہلکاروں کی فائرنگ سے ہلاک ہوا تھا۔ اسی ہفتے انہوں نے اپنی ایک تصویر کے ساتھ یہ سوال بھی اٹھایا کہ کیا دوسرے مشہور افراد اس معاملے پر آواز اٹھائیں گے یا نہیں۔
انہوں نے فِنیاس کی ایک ویڈیو بھی انسٹاگرام اسٹوریز میں شیئر کی جس میں انہوں نے حکومت کے مؤقف پر تنقید کی۔ ویڈیو میں فِنیاس نے کہا کہ اکثر ایسے واقعات کو دوسرے آئینی حق کے نام پر درست ثابت کرنے کی کوشش کی جاتی ہے، مگر الیکس پریٹی کے کیس میں ان کے مطابق صورتحال مختلف تھی کیونکہ وہ زمین پر مار کھا رہا تھا اور اس نے ہتھیار نکالا ہی نہیں تھا، اس کے باوجود اس پر گولیاں چلائی گئیں۔
گزشتہ ماہ بھی بلی آئلش نے 2026 کا ایوارڈ وصول کرتے ہوئے ICE اور حکومت کو تنقید کا نشانہ بنایا تھا۔ اپنی تقریر میں انہوں نے کہا تھا کہ لوگ اپنے پڑوسیوں کو اغوا ہوتے دیکھ رہے ہیں، پرامن مظاہرین پر حملے ہو رہے ہیں، شہری حقوق کم کیے جا رہے ہیں، ماحولیاتی بحران سے نمٹنے کے بجائے وسائل فوسل فیولز پر لگائے جا رہے ہیں اور صحت و خوراک جیسی بنیادی سہولتیں امیروں تک محدود ہوتی جا رہی ہیں۔ ان کے مطابق موجودہ انتظامیہ کے لیے نہ ماحول کا تحفظ ترجیح ہے اور نہ ہی کمیونٹیز کا، جس کی وجہ سے لوگ اپنے گھروں اور سڑکوں پر بھی خود کو محفوظ محسوس نہیں کرتے۔
گریمی مقابلے میں بلی ایلش نے لیڈی گاگا، ڈوئچی، روزے اور برونو مارس، بیڈ بنی، کینڈرک لامر اور سبریینا کارپنٹر سمیت کئی بڑے ناموں کو پیچھے چھوڑ دیا۔
.
ذریعہ
ذریعہ: Express News
کلیدی لفظ: بلی ایلش انہوں نے رہے ہیں ف نیاس
پڑھیں:
عاطف اسلم کا نیا البم ’صبح آئے نہ‘ کب ریلیز ہو گا؟ گلوکار نے بڑی اپڈیٹ دے دی
پاکستان کے عالمی شہرت یافتہ گلوکار عاطف اسلم نے اپنے نئے میوزک البم ’صبح آئے نہ‘ کا باضابطہ اعلان کر دیا ہے۔
گلوکار عاطف اسلم کے مطابق آٹھ گانوں پر مشتمل اس البم میں ’صبح آئے نہ‘، ’سفر میں ہوں‘، ’عشق‘، ’لیٹس ہیو سو فن‘، ’سن سجنا‘، ’ہوں عشق میں‘، ’چار یار‘ اور ’سچے وعدے‘ شامل ہیں اور اس البم کو 31 جولائی کو دنیا بھر کے مختلف میوزک اسٹریمنگ پلیٹ فارمز پر ریلیز کیا جائے گا۔
اپنے نئے البم کے حوالے سے عاطف اسلم کا کہنا تھا کہ ’صبح آئے نہ‘ ان کے ذاتی سفر کی عکاسی کرتا ہے، جس میں انہوں نے اندرونی کشمکش سے نکل کر اپنی اصل شخصیت کو دریافت کیا۔
انہوں نے کہا، ’’یہ البم میری اس جدوجہد کی نمائندگی کرتا ہے جس میں میں نے اندرونی انتشار سے نکل کر اپنے حقیقی وجود کو پایا۔ میں بے حد پرجوش ہوں کہ آخرکار اسے اپنے مداحوں کے ساتھ شیئر کر رہا ہوں۔‘‘
View this post on Instagram View this post on Instagram
عاطف اسلم کے گانوں کو 8 ارب بار سنا جا چکا ہے:
دو دہائیوں سے زائد عرصے پر محیط اپنے شاندار موسیقی کے سفر کے دوران عاطف اسلم جنوبی ایشیا کے مقبول ترین گلوکاروں میں شمار ہوتے ہیں۔
تازہ اسپاٹیفائی اعداد و شمار کے مطابق، ان کے گانوں کو اب تک تقریباً 8 ارب بار سنا جا چکا ہے، جبکہ ہر ماہ 3 کروڑ سے زائد افراد 184 ممالک میں ان کی موسیقی سنتے ہیں۔
اعداد و شمار کے مطابق گزشتہ ایک سال کے دوران عاطف اسلم کی 96 فیصد اسٹریمنگز پاکستان سے باہر ہوئیں، جو مشرقِ وسطیٰ، شمالی امریکا، یورپ اور ایشیا پیسیفک سمیت مختلف خطوں میں ان کی مقبولیت کا ثبوت ہے۔
رپورٹ کے مطابق، عاطف اسلم کی موسیقی نوجوان نسل میں بھی بے حد مقبول ہے، جہاں جنریشن زیڈ ان کے 85 فیصد سامعین پر مشتمل ہے۔ گزشتہ ایک سال میں 4 کروڑ 10 لاکھ سے زائد نئے اور پرانے سامعین نے ان کے گانے سنے، جبکہ ان کے گانوں کو دنیا بھر میں 3 کروڑ 75 لاکھ سے زائد ذاتی پلے لسٹس میں شامل کیا گیا۔
پاکستان نے ورلڈ کپ 2028 کیلیے براہ راست کوالیفائی کر لیا