بیرسٹر عقیل نے بانی پی ٹی آئی سے ملاقات کا واحد راستہ بتادیا
اشاعت کی تاریخ: 2nd, February 2026 GMT
وزیر مملکت برائے قانون و انصاف بیرسٹر عقیل ملک نے پی ٹی آئی قیادت کو بانی سے ملاقات واحد راستہ بتادیا۔
جیو نیوز کے پروگرام کیپٹل ٹاک میں بیرسٹر عقیل ملک اور پی ٹی آئی کے شہرام ترکئی نے گفتگو کی۔
وزیراعظم نے سہیل آفریدی پر ابتداء میں ہی واضح کیا سیاسی امور پر بات نہیں ہوگی، رانا ثناءوزیراعظم کے مشیر سیاسی امور رانا ثناء اللّٰہ نے کہا ہے کہ شہبا زشریف نے ملاقات کے ابتداء میں ہی سہیل آفریدی پر واضح کردیا کہ سیاسی امور پر بات نہیں ہوگی۔
وزیر مملکت نے کہا کہ بانی تحریک انصاف سے ملاقات کا واحد راستہ یہ ہے کہ اگر پی ٹی آئی اڈیالہ جیل کے سپرنٹنڈنٹ اور اسلام آباد ہائیکورٹ کو انڈرٹیکنگ دے ہم آرڈر کی خلاف ورزی نہیں کریں گے اور اڈیالہ میں امن و امان کا مسئلہ پیدا نہیں کریں گے۔
انہوں نے کہا کہ انڈرٹیکنگ میں واضح طور پر کہیں کہ ہم ملاقات میں کوئی سیاسی گفتگو نہیں کریں گے اور جیل رولز کی خلاف ورزی نہیں کریں گے تو بانی تحریک انصاف سے ملاقات ہوجائے گی۔
اس موقع پر شہرام ترکئی نے کہا کہ اگر بانی تحریک انصاف کی فیملی سے ملاقات نہ کروانا مجبوری ہے تو بانی کے ذاتی ڈاکٹر کی ملاقات کروادیں وہ ملاقات کے بعد سیاسی گفتگو بھی نہیں کریں گے۔
.
ذریعہ
ذریعہ: Jang News
کلیدی لفظ: نہیں کریں گے پی ٹی ا ئی سے ملاقات
پڑھیں:
پی ٹی آئی کے علاوہ سب کو انتخابی مہم کی اجازت ہے، شفیع جان
تحریک انصاف کے رہنما شفیع جان نے کہا ہے کہ گلگت بلتستان میں پی ٹی آئی کے علاوہ باقی تمام جماعتوں کو انتخابی مہم چلانے کی اجازت ہے، نواز شریف اور بلاول بھٹو زرداری بھی کیمپین کر رہے ہیں۔
ایک بیان میں انہوں نے کہا کہ اگر تحریک انصاف کا کوئی وزیر وہاں ہوتا تو الیکشن کمیشن حرکت میں آچکا ہوتا۔ الیکشن کمیشن کی یہ خاموشی ہمیں سمجھ نہیں آرہی۔
شفیع جان کا کہنا تھا کہ پی ٹی آئی نے گلگت بلتستان ڈیموکریٹک موومنٹ سے الحاق کیا تو اُس کو بھی کینسل کر دیا گیا اور ہمارے اُمیدواروں کو آزاد ڈیکلیئر کر دیا گیا ۔
انہوں نے کہا کہ گلگت بلتستان کے عوام فیصلہ کر چکے ہیں، 7 جون کو تحریک انصاف کامیاب ہو گی۔ ہم اپنے ووٹ کو محفوظ بنانے کے مکینزم پر کام کر رہے ہیں۔
پی ٹی آئی رہنما کا کہنا تھا کہ فارم 47 کی ایک اور واردات کی تیاری کی جارہی ہے وہ ہم کرنے نہیں دیں گے۔ اس کے خلاف ہمیں اگر گلگت بلتستا ن بند کرنا پڑا تو یہ بھی کریں گے۔
وزارت آئی ٹی نے 1.67 ارب روپے سے زاید کے فنڈز طلب کرلیے