لوٹی گئی امانت واپس،عوامی دولت کو ہاتھ نہیں لگائیں گے‘ڈاکٹر شفیق الرحمن
اشاعت کی تاریخ: 3rd, February 2026 GMT
data-id="863a0a8" data-element_type="widget" data-widget_type="theme-post-content.default">
ڈھاکا (صباح نیوز)بنگلا دیش جماعت اسلامی کے امیر ڈاکٹر شفیق الرحمن نے عوامی دولت کو کبھی نقصان نہ پہنچانے کے پختہ عزم کا اظہار کرتے ہوئے کہا ہے کہ بدعنوانی ہمارے کردار اور مزاج کا حصہ نہیں۔ انہوں نے کہا کہ عوام کی جو امانت لوٹ لی گئی ہے، اسے اصل حقداروں تک واپس پہنچانا ہی ہماری بنیادی ذمے داری اور وعدہ ہے۔انہوں نے یہ بات شمالی کافرول وارڈ نمبر 4 کے مشرقی بائش ٹیکی قبرستان مسجد کے سامنے، ڈھاکا15 پارلیمانی حلقے میں منعقدہ عوامی رابطہ مہم اور ریلی سے قبل اجتماع سے خطاب کرتے ہوئے کہی۔ ڈاکٹر شفیق الرحمن نے کہا کہ جو لوگ ماں اور بہنوں کو اپنی ماں کی طرح عزت دینا جانتے ہیں، وہی مستقبل کا بہتر بنگلا دیش تعمیر کر سکتے ہیں۔اگر ہماری کسی بات سے کسی ماں یا بہن کو تکلیف پہنچی ہو تو ہم اللہ کے واسطے معافی کے طلبگار ہیں۔ ہم چاہتے ہیں کہ خلوصِ نیت کے ساتھ عوام کی خدمت کر سکیں، اللہ تعالیٰ ہماری کوششوں کو قبول فرمائے۔ ہمارا مقصد کسی فرد یا گروہ کے ذاتی ایجنڈے کو نافذ کرنا نہیں ہے۔عوامی رابطہ مہم اور ریلی میں جماعت اسلامی کے ایگزیکٹو رکن مبارک حسین، مرکزی مجلس عاملہ کے رکن اور ڈھاکا میٹروپولیٹن شمال کے نائب امیر عبدالرحمن، بنگلا دیش ورکرز ویلفیئر فیڈریشن کے مرکزی نائب صدر لسکر محمد تسلیم، اسلامی جمعیت طلبہ کے سابق مرکزی صدر زاہد الاسلام، ڈاکسو کے سابق جی ایس ایس ایم فرہاد، کافرول جنوبی تھانے کے امیر نائب پرنسپل انوارالکریم، تھانہ سیکرٹری محمد ابو ناہید سمیت مختلف وارڈز کے صدور اور ذمے داران شریک تھے۔اجتماع کے بعد ریلی پْرامن طور پر علاقے کی مختلف سڑکوں سے گزری۔ اس موقع پر شرکا نے انصاف پر مبنی معاشرے اور بدعنوانی سے پاک ریاست کے قیام کے حق میں نعرے لگائے۔
امیر جماعت اسلامی بنگلا دیش ڈاکٹر شفیق الرحمن ڈھاکا میں انتخابی جلسے سے خطاب کررہے ہیں
ذریعہ
ذریعہ: Jasarat News
کلیدی لفظ: ڈاکٹر شفیق الرحمن بنگلا دیش
پڑھیں:
کراچی: کیماڑی میں 6 سالہ بچی کے اغوا اور قتل میں ملوث مرکزی ملزم مبینہ پولیس مقابلے میں ہلاک
کراچی کے ساحلی علاقے کیماڑی میں پولیس نے ایک 6 سالہ بچی کے اغوا اور سفاکانہ قتل میں ملوث مرکزی ملزم کو مبینہ پولیس مقابلے کے دوران ہلاک کرنے کا دعویٰ کیا ہے۔
پولیس ترجمان کے مطابق یہ پیش رفت جیرکسن تھانے کی حدود میں پیش آئی، جہاں مبینہ ملزم کی موجودگی کی اطلاع پر پولیس پارٹی نے مبارک مسجد کے قریب چھاپہ مارا۔ پولیس کو دیکھتے ہی ملزم نے اہلکاروں پر براہِ راست فائرنگ شروع کر دی، جس پر پولیس نے بھی جوابی فائرنگ کی۔ اس تبادلے میں ملزم گولی لگنے سے شدید زخمی ہوا اور بعد میں دم توڑ گیا۔
یہ بھی پڑھیں: کمسن بچی کے قتل کیس میں مجرم کی اپیل مسترد، سزائے موت برقرار
تفتیشی حکام کا کہنا ہے کہ ملزم تک رسائی مختلف علاقوں کی سی سی ٹی وی فوٹیج کی تفصیلی جانچ پڑتال اور دیگر تکنیکی و جغرافیائی شواہد کی مدد سے ممکن ہوئی۔ اس سے قبل، معصوم بچی کی لاش منوہرہ کے قریب جھاڑیوں سے برآمد ہوئی تھی۔
پولیس سرجن ڈاکٹر سمیہ سید نے میڈیکو لیگل کا جائزہ لینے کے بعد تصدیق کی کہ بچی کو بدترین جنسی تشدد اور جسمانی تشدد کا نشانہ بنایا گیا ہے، جبکہ اس کے پورے جسم پر تشدد کے واضح نشانات موجود ہیں۔ بچی کی موت کی حتمی وجہ کا تعین فارنسک لیبارٹری کو بھیجے گئے نمونوں کی رپورٹ آنے کے بعد کیا جائے گا۔
یہ بھی پڑھیں: پشاور: 8 سالہ بچی مبینہ زیادتی کے بعد قتل، لاش ہمسائے کے صندوق سے برآمد
پولیس کے مطابق جیرکسن تھانے میں پہلے ہی بچی کے اغوا اور قتل کے حوالے سے پاکستان پینل کوڈ کی دفعات 364-A اور 302 کے تحت مقدمہ (FIR No. 265/2026) درج تھا۔ اب پولیس مقابلے کا ایک الگ کیس بھی اسی تھانے میں درج کیا جا رہا ہے اور کرائم سین کو سیل کر کے تمام سائنسی و فارنسک ثبوت تحویل میں لے لیے گئے ہیں۔
اس واقعے سے چند ہی دن قبل بھی کراچی میں 6 سالہ بچے کے اغوا، زیادتی اور قتل کے الزام میں ایک 20 سالہ نوجوان کو گرفتار کیا گیا تھا، جس کی لاش بوری میں بند کر کے ویران پلاٹ پر پھینکی گئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پولیس مقابلہ زیادتی قتل کراچی کمسن بچی ملزم ہلاک
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار