سندھ حکومت عوام کو تحفظ دینے میں ناکام ،تاریخی جینے دو کراچی مارچ پر منعم ظفر کا اہل کراچی سے اظہار تشکر
اشاعت کی تاریخ: 3rd, February 2026 GMT
data-id="863a0a8" data-element_type="widget" data-widget_type="theme-post-content.default">
کراچی(اسٹاف رپورٹر)امیر جماعت اسلامی کراچی منعم ظفر خان نے جماعت اسلامی کے تحت شاہراہ فیصل پر’’جینے دو کراچی مارچ‘‘ میں لاکھوں مرد وخواتین کی جوق در جوق شرکت پر اہل کراچی سے بھر پور اظہار تشکر کیا ہے اور کہا ہے کہ مارچ کراچی کے ساڑھے 3 کروڑ عوام کے دل کی آواز اور ترجمان ثابت ہوا ہے کیونکہ پیپلز پارٹی کی صوبائی حکومت اور قابض میئر کی نا اہلی ، بد انتظامی اور بے حسی نے عوام کو مسائل اور مشکلات کی دلدل میں دھنسا دیا ہے ، سانحہ گل پلازہ میں سندھ حکومت اور قابض میئر کی مجرمانہ غفلت نے عوام کو شدید مایوس کیا ہے ، سانحہ گل پلازہ میں قیمتی انسانی جانوں اور املاک کے ضیاع پر وزیر اعلیٰ اور قابض میئر کواستعفا دے دینا چاہیے ، جماعت اسلامی ہی واحد جماعت ہے جو عوامی مسائل اور کراچی کے حق کے لیے مسلسل آواز بلند کر رہی ہے ، کامیاب اور بھر پورجینے دو کراچی مارچ کے بعد تحریک آگے بڑھے گی ،14فروری کو سندھ اسمبلی پر دھرنا دیا جائے گا اور کراچی کے حق اور عوام کے مسائل کے لیے بااختیار شہری حکومت کے قیام کی جدو جہد مزید تیز ہوگی ، کراچی کے عوام کو ان کا حق دینا ہوگا ۔ منعم ظفر خان نے کہا کہ جینے دو کراچی مارچ میں شہر کے ہر طبقے اور ہر شعبہ زندگی سے وابستہ افراد نے شرکت کی جن میں خواتین ، بچے ، بزرگ ، نوجوان ، ڈاکٹرز ، انجینئرز ، علما کرام ، اساتذہ ، طلبہ و طالبات ، وکلا ، صحافی ، تاجر اور مزدوروں نے یک زبان ہو کر مطالبہ کیا کہ کراچی کو با اختیار شہری حکومت کا نظام دیا جائے ۔ کراچی پر قبضے اور وڈیرہ شاہی کا نظام اب مزید نہیں چلے گا ، کراچی کے اداروں اور وسائل پر صرف کراچی کے عوام کا ہی حق ہے اور اہل کراچی اپنے حقوق کے لیے کسی سمجھوتے کو قبول نہیں کریں گے ، اہل کراچی ایک طرف بجلی ، پانی ، ٹوٹی پھوٹی سڑکوں اور انفرا اسٹرکچر کی تباہی، ٹرانسپورٹ کی عدم فراہمی ،سیوریج سمیت بے شمار مسائل کا شکار ہیں تو دوسری طرف خونی ڈمپر و ٹینکر اور مسلح ڈاکوئوں کا نشانہ بن رہے ہیں ، سندھ حکومت عوام کی جان اور مال کے تحفظ میں مکمل طور پر ناکام ہو چکی ہے اور عوام سے جینے کا حق بھی چھین لیا ہے ۔
ذریعہ
ذریعہ: Jasarat News
کلیدی لفظ: جینے دو کراچی مارچ اہل کراچی کراچی کے عوام کو
پڑھیں:
وزیر ریلوے کی اطالوی قومی دن کے موقع پر اٹلی کی حکومت اور عوام کو مبارکباد
اسلام آباد(اُردو پوائنٹ اخبارتازہ ترین - این این آئی۔ 02 جون2026ء) وزیر ریلوے محمد حنیف عباسی نے اطالوی قومی دن کے موقع پر اٹلی کی حکومت اور عوام کو مبارکباد پیش کرتے ہوئے کہا ہے کہ پاکستان اور اٹلی کے درمیان دیرینہ دوستانہ تعلقات باہمی احترام، اعتماد اور تعاون پر مبنی ہیں۔منگل کو اپنے بیان میں انہوں نے کہا کہ اٹلی پاکستان کا ایک اہم یورپی شراکت دار ہے اور دونوں ممالک کے تعلقات وقت کے ساتھ مزید مستحکم ہوئے ہیں۔ وزیر ریلوے نے کہا کہ پاکستان اٹلی کے ساتھ تجارت، سرمایہ کاری، تعلیم اور ثقافتی روابط کے فروغ کو خصوصی اہمیت دیتا ہے۔انہوں نے کہا کہ اطالوی قومی دن دونوں ممالک کے درمیان دوستی اور تعاون کے مزید فروغ کے عزم کی تجدید کا موقع فراہم کرتا ہے۔ انہوں نے اٹلی میں مقیم پاکستانی برادری کے کردار کو سراہتے ہوئے کہا کہ یہ برادری دونوں ممالک کے درمیان تعلقات کو مضبوط بنانے میں اہم کردار ادا کر رہی ہے۔(جاری ہے)
وزیر ریلوے نے کہا کہ پاکستان اٹلی کے ساتھ اقتصادی، تجارتی اور عوامی سطح کے روابط کو مزید وسعت دینے کا خواہاں ہے ،دونوں ممالک کے درمیان مختلف شعبوں میں تعاون کے وسیع امکانات موجود ہیں جو مشترکہ ترقی اور خوشحالی کا ذریعہ بن سکتے ہیں۔انہوں نے کہا کہ پاکستان اور اٹلی کے مضبوط تعلقات باہمی مفادات کے تحفظ اور بین الاقوامی تعاون کے فروغ میں اہم کردار ادا کر رہے ہیں اور یہ دیرینہ دوستی مستقبل میں مزید مضبوط اور نتیجہ خیز شراکت داری میں تبدیل ہوگی۔ انہوں نے اطالوی قومی دن پر پاکستان اور اٹلی کے عوام کے لیے امن، ترقی اور خوشحالی کی نیک تمناں کا اظہار کیا۔
وزارت آئی ٹی نے 1.67 ارب روپے سے زاید کے فنڈز طلب کرلیے