ثنا یوسف قتل کیس: کمرہ عدالت سے مشتبہ لڑکا گرفتار
اشاعت کی تاریخ: 3rd, February 2026 GMT
ثنا یوسف یادگار تصویر - فوٹو: فائل
ڈسٹرکٹ اینڈ سیشن کورٹس اسلام آباد میں ٹک ٹاکر ثنا یوسف قتل کیس کی سماعت سے قبل ملزم عمر حیات کو مبینہ طور پر دھمکیاں دی گئیں۔
کمرہ عدالت سے مشتبہ لڑکے کو گرفتار کرلیا گیا۔ ایڈیشنل سیشن جج افضل مجوکا نے مشتبہ لڑکے کیخلاف قانونی کارروائی کا حکم دے دیا۔
مشتبہ لڑکے نے کہا کہ میں جیل میں ملزم عمر حیات کے ساتھ تھا، میں نے ملنے آیا ہوں۔
جج افضل مجوکہ نے ریمارکس دیے کہ پولیس اس معاملے کو قانون کے مطابق دیکھے۔
آئی جی اسلام آباد علی ناصر رضوی نے کہا ہے کہ پورے ملک سے ثناء یوسف کے قتل پر سوالات پوچھے جارہے تھے.
ٹک ٹاکر ثناء یوسف قتل کیس کی سماعت کے دوران پراسیکیوشن کے مزید ایک گواہ کا بیان ریکارڈ کر لیا گیا ہے۔
پراسیکیوٹر راجا نوید کیانی عدالت میں پیش ہوئے اور کہا کہ تمام ثبوت عدالت میں جمع کروا دیے گئے ہیں۔
ملزم عمر حیات کے وکیل نے عدالت سے ملزم کی بیرک تبدیل کرنے کی استدعا کردی جس پر جج افضل مجوکا نے کہا کہ سپرنٹنڈنٹ اڈیالا جیل کو اس حوالے سے احکامات جاری کرتا ہوں۔
عدالت نے ثناء یوسف قتل کیس کی سماعت 10 فروری تک ملتوی کردی۔
ذریعہ
ذریعہ: Jang News
کلیدی لفظ: یوسف قتل کیس ثناء یوسف
پڑھیں:
کراچی، 7 سالہ بچی کے اغوا اور قتل میں ملوث ملزم مبینہ پولیس مقابلے میں ہلاک
کراچی کے علاقے کیماڑی سے 7 سالہ بچی کو اغوا اور زیادتی کے بعد قتل کرنے والا ملزم مبینہ پولیس مقابلے میں ہلاک ہوگیا۔
ایس ایس پی کیماڑی سنگھار ملک نے بتایا کہ جیکسن پولیس دعا کے اغوا، زیادتی کے بعد قتل کیس کی تفتیش میں مصروف تھی کہ تھانے کی حدود میں آنے والے ایک علاقے میں پولیس مقابلہ ہوا جس میں ملزم ہلاک ہوگیا۔
انہوں نے بتایا کہ سی سی ٹی وی فوٹیجز اور شواہد کی بنیاد پر مشتبہ شخص کی موجودگی کی اطلاع ملی تھی، پولیس ملزم کی گرفتاری کیلیے اسٹریٹ مبارک مسجد کے قریب پہنچی تو ملزم نے اہلکاروں پر فائرنگ کردی۔
مزید پڑھیںکیماڑی میں جھاڑیوں سے کمسن بچی کی لاش برآمد، مشکوک شخص کی ویڈیو سامنے آگئی
2 سالہ بچے آذان کے اغوا میں ملوث 3 ملزمان گرفتار، مرکزی ملزم والد کا دوست نکلا
ایس ایس پی کیماڑی کے مطابق جوابی فائرنگ میں ملزم مارا گیا جبکہ جائے وقوعہ سے شواہد تحویل میں لے کر قانونی و فرانزک کارروائی شروع کردی گئی ہے۔
سنگھار ملک کے مطابق ہلاک شخص کے کوائف اور بچی کے اغواء و قتل کیس سے ممکنہ تعلق کی جانچ جاری ہے جبکہ پولیس سرجن نے معصوم بچی دعا کے ساتھ زیادتی کی تصدیق کردی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار