اڈیالہ جیل میں بشریٰ بی بی سے اہلخانہ کی ملاقات، بیرسٹر گوہر کے لیے کیا پیغام دیا؟
اشاعت کی تاریخ: 3rd, February 2026 GMT
اڈیالہ جیل میں بشریٰ بی بی سے ان کی صاحبزادی مبشرہ شیخ اور بھابھی مہرالنسا نے ملاقات کی۔
یہ بھی پڑھیں: قائدِ حزبِ اختلاف کا وزیراعظم کو خط، عمران خان کی صحت سے متعلق تشویش
ملاقات کے بعد دونوں خواتین نے بشریٰ بی بی کا پیغام چیئرمین پی ٹی آئی بیرسٹر گوہر علی خان تک پہنچا دیا۔
میڈیا رپورٹس کے مطابق بشریٰ بی بی نے اہلخانہ کو آگاہ کیا کہ بانی چیئرمین پی ٹی آئی عمران خان کی طبیعت پہلے کے مقابلے میں بہتر ہے۔ عمران خان کی اہلیہ نے اپنی بیٹی اور بھابھی کو یہ بھی بتایا کہ کہ بانی چیئرمین پی ٹی آئی نے ڈاکٹروں کے مشورے پر اپنی رضامندی سے علاج کروایا۔
اڈیالہ جیل سے اہم خبر۔۔۔۔۔
بشری بی بی کی بیٹی مبشرہ شیخ اور بھابی مہرالنساء کو ملاقات کی اجازت مل گئی، دونوں خواتین اڈیالہ جیل کے اندر روانہ ہوگئیں۔
— Shabbir Dar (@ShabbirDar5) February 3, 2026
بشریٰ بی بی نے تصدیق کی کہ بانی پی ٹی آئی کو جیل سے اسپتال منتقل کیا گیا تھا۔
مزید پڑھیے: عطا تارڑ کا عمران خان کی صحت اور سہیل آفریدی کے رویے سے متعلق اہم بیان
دوسری جانب بیرسٹر گوہر علی خان نے بھی اس بات کی تصدیق کرتے ہوئے کہا کہ بشریٰ بی بی نے انہیں آگاہ کیا ہے کہ عمران خان کو طبی معائنے اور علاج کے لیے جیل سے اسپتال لے جایا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بشریٰ بی بی بشریٰ بی بی کی اہلخانہ سے ملاقات عمران خان عمران خان کی صحت.
ذریعہ
ذریعہ: WE News
کلیدی لفظ: بشری بی بی کی اہلخانہ سے ملاقات عمران خان کی صحت عمران خان کی اڈیالہ جیل پی ٹی آئی
پڑھیں:
ایس سی او اجلاس کے موقع پر پاک چین وزرائے خارجہ کی ملاقات، علاقائی امن اور تعاون پر تبادلۂ خیال
نائب وزیراعظم و وزیر خارجہ سینیٹر محمد اسحاق ڈار نے کرغزستان میں شنگھائی تعاون تنظیم (ایس سی او) کے وزرائے خارجہ کونسل اجلاس کے موقع پر چینی وزیر خارجہ وانگ یی سے ملاقات کی، جس میں دوطرفہ تعلقات، علاقائی صورتحال اور کثیرالجہتی فورمز پر تعاون سمیت مختلف امور پر تفصیلی تبادلۂ خیال کیا گیا۔
دفتر خارجہ کے مطابق ملاقات خوشگوار ماحول میں ہوئی، جس کے دوران دونوں رہنماؤں نے پاکستان اور چین کے دوطرفہ تعلقات، خطے کی تازہ صورتحال اور مختلف کثیرالجہتی فورمز پر باہمی تعاون کے فروغ سے متعلق امور پر مفصل اور نتیجہ خیز تبادلۂ خیال کیا۔
نائب وزیراعظم و وزیر خارجہ اسحاق ڈار نے شنگھائی تعاون تنظیم کے وزرائے خارجہ اجلاس میں اپنے خطاب کے دوران پاکستان کی علاقائی امن، استحکام اور سفارتی کوششوں کو سراہنے پر چینی وزیر خارجہ وانگ یی کا شکریہ ادا کیا۔
اس موقع پر چینی وزیر خارجہ وانگ یی نے پاکستان کو شنگھائی تعاون تنظیم کی کونسل آف ہیڈز آف اسٹیٹ کی آئندہ سربراہی سنبھالنے اور 2027 میں ایس سی او سربراہ اجلاس کی میزبانی پر نیک تمناؤں کا اظہار کیا۔
دونوں رہنماؤں نے پاکستان اور چین کے درمیان دیرینہ اسٹریٹجک شراکت داری کو مزید مضبوط بنانے، علاقائی امن و استحکام کے فروغ اور بین الاقوامی و علاقائی فورمز پر قریبی تعاون جاری رکھنے کے عزم کا بھی اعادہ کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاک چین تعلقات پاکستان کے نائب وزیراعظم و وزیر خارجہ سینیٹر اسحاق ڈار چینی وزیر خارجہ وانگ یی شنگھائی تعاون تنظیم
بھارت سے جنگ اور افغانستان میں کارروائی خارج ازامکان نہیں، وزیردفاع