بھارت کی جانب سے روسی تیل کی خریداری روکنے کا کوئی اشارہ نہیں ملا: روس
اشاعت کی تاریخ: 3rd, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
ماسکو: روسی ایوانِ صدر کریملن نے واضح کیا ہے کہ بھارت کی جانب سے روسی تیل کی خریداری روکنے کے حوالے سے اب تک کوئی سرکاری اطلاع یا باضابطہ مؤقف موصول نہیں ہوا۔
یہ بیان ایسے وقت میں سامنے آیا ہے جب امریکی صدر ڈونلڈ ٹرمپ نے دعویٰ کیا تھا کہ بھارتی وزیر اعظم نریندر مودی نے یوکرین جنگ کے تناظر میں روس سے تیل نہ خریدنے کی یقین دہانی کرائی ہے۔
کریملن کے ترجمان دمتری پیسکوف نے صحافیوں سے گفتگو کرتے ہوئے کہا کہ نئی دہلی کی جانب سے اس معاملے پر کوئی تحریری یا زبانی پیغام موصول نہیں ہوا، اور فی الحال روس کو بھارت کی پالیسی میں کسی تبدیلی کا علم نہیں ہے، روس اور بھارت کے درمیان توانائی کے شعبے میں تعاون بدستور جاری ہے۔
واضح رہے کہ گزشتہ روز امریکی صدر ڈونلڈ ٹرمپ نے بھارت کے ساتھ تجارتی معاہدے کا اعلان کرتے ہوئے کہا تھا کہ واشنگٹن اور نئی دہلی کے درمیان ٹیرف میں نرمی پر اتفاق ہو گیا ہے، بھارتی مصنوعات پر عائد محصولات کم کر کے 18 فیصد کر دیے گئے ہیں، جبکہ اس سے قبل بعض اشیاء پر 25 فیصد تک ’جوابی‘ ٹیرف لاگو تھا۔
امریکی صدر ڈونلڈ ٹرمپ نے یہ بھی دعویٰ کیا تھا کہ نریندر مودی نے روسی تیل کی خریداری روکنے پر آمادگی ظاہر کی ہے۔
تاہم بھارتی وزیر اعظم نریندر مودی نے امریکی صدر کے ساتھ ہونے والی ٹیلیفونک گفتگو اور ٹیرف میں کمی پر شکریہ ادا تو کیا، لیکن روس سے تیل کی خریداری روکنے سے متعلق کسی وعدے یا فیصلے کا کوئی ذکر نہیں کیا، جس کے بعد اس دعوے پر شکوک و شبہات نے جنم لیا ہے۔
یاد رہے کہ فروری 2022 میں روس کے یوکرین پر مکمل حملے کے بعد مغربی ممالک کی جانب سے عائد پابندیوں کے نتیجے میں روسی تیل عالمی منڈی میں رعایتی نرخوں پر دستیاب رہا، جس سے بھارت سمیت کئی ممالک نے فائدہ اٹھایا۔ اسی تناظر میں بھارت کی جانب سے روسی تیل کی درآمدات میں نمایاں اضافہ دیکھنے میں آیا، جو ماسکو کے لیے زرمبادلہ کا ایک اہم ذریعہ بن گیا۔
یوکرین اور اس کے مغربی اتحادی روس کی جنگی صلاحیت کو محدود کرنے کے لیے اس آمدنی کے ذریعے کو نشانہ بنانے کی کوشش کر رہے ہیں تاکہ روس کو حاصل ہونے والی اربوں ڈالر کی آمدن کو روکا جا سکے۔ اس کے باوجود روسی صدر ولادیمیر پیوٹن نے 2025 کے اواخر میں بھارت کے دورے کے دوران نئی دہلی کو تیل کی ’بلاتعطل فراہمی‘ کی یقین دہانی بھی کرائی تھی، جسے دونوں ممالک کے اسٹریٹجک تعلقات کی علامت قرار دیا جاتا ہے۔
ذریعہ
ذریعہ: Jasarat News
کلیدی لفظ: تیل کی خریداری روکنے روسی تیل کی امریکی صدر کی جانب سے بھارت کی
پڑھیں:
امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی
امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی WhatsAppFacebookX 0 23 July, 2026 سب نیوز
لندن (آئی پی ایس )امریکا کی جانب سے ایران پر بمباری کے لیے برطانوی ائیربیس کے استعمال پر ایرانی پاسداران انقلاب نے برطانیہ کو سخت ردعمل کی دھمکی دی ہے۔برطانوی میڈیا کے مطابق نئے وزیراعظم اینڈی برنہم کے عہدہ سنبھالنیکے بعد امریکی فوج نے گلوسیسٹرشائر میں واقع رائل ائیر فورس کے آر اے ایف فیئرفورڈ فضائی اڈے سے ایران کے خلاف B-1 اسٹریٹجک بمبار طیاروں سے بمباری کی۔
ایرانی میڈیا کے مطابق اس حملے میں امریکی طیاروں نے ایران عراق سرحدی علاقے شلمچہ بارڈرکراسنگ کو نشانہ بنایا جس میں 2 افراد شہید اور 11 زخمی ہوئے۔ ایران نے اس کے جواب میں آنکھ کے بدلے آنکھ کی بنیاد پر جوابی کارروائیوں کی دھمکی دی۔
ایرانی وزیر خارجہ عباس عراقچی نیکہا کہ ہماری دفاعی پالیسی واضح ہے، آنکھ کے بدلے آنکھ۔ جو لوگ کسی بھی قسم کی مدد کے ذریعے ایران کیخلاف جارحیت میں شریک ہوں گے، انہیں بھی جائز ہدف سمجھا جائیگا۔اب ایرانی پاسداران انقلاب نے امریکی طیاروں کے برطانوی فضائی اڈوں کے استعمال پر برطانیہ کو خبردار کیا ہے۔
پاسداران انقلاب کا کہنا ہیکہ حالیہ کارروائیوں میں امریکی افواج نے ابتدا میں بحر ہند میں موجود بحری جہازوں سے کروز میزائل داغے اور جب ان کے ذخائر کم ہوگئے تو برطانیہ کے آر اے ایف فیئرفورڈ فضائی اڈے سے اڑنے والے B-1 بمبار طیاروں کا استعمال کیا۔پاسداران انقلاب نے خبردار کیا ہیکہ ایران کے خلاف کسی بھی جارحیت میں استعمال ہونے والا ہر فوجی اڈہ ایک جائز فوجی ہدف سمجھا جائے گا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرجدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیا اگلی خبرآزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع جدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیاCopyright © 2026, All Rights Reserved
رابطہ کریں ہماری ٹیم
بھارت سے جنگ اور افغانستان میں کارروائی خارج ازامکان نہیں، وزیردفاع