نواز شریف بسنت کہاں منائیں گے؟
اشاعت کی تاریخ: 4th, February 2026 GMT
موسم بہار کی آمد پر بسنت کا میلہ اور اس موقع پر پتنگ بازی لاہور کی صدیوں پرانی روایت ہے۔ تاہم 2005 میں پنجاب حکومت نے اس پر پابندی عائد کر دی تھی، جب متعدد حادثات میں لوگوں کے گلے کیمیکل ڈور سے کٹنے اور چھتوں سے گرنے سے اموات ہوئیں۔ اس وقت کے وزیراعلیٰ پنجاب شہباز شریف نے یہ فیصلہ انسانی جانوں کے تحفظ کے لیے کیا تھا۔
یہ بھی پڑھیں:بسنت پاکستان کامثبت، ترقی پسند اور ثقافتی چہرہ دنیا کے سامنے پیش کرنے کا موقع ہے، مریم نواز کی بسنت پریزنٹیشن
پابندی کے باوجود لوگ چھپ کر بسنت مناتے رہے، لیکن سرکاری سطح پر یہ تہوار 2007 کے بعد مکمل طور پر بند ہو گیا۔ اب 2026 میں مریم نواز شریف کی حکومت نے اسے بحال کرنے کا اعلان کیا ہے، جس میں حفاظتی اقدامات جیسے موٹر سائیکل پر پابندی، فری ٹرانسپورٹ، اور مخصوص چھتوں پر تقریبات شامل ہیں۔ یہ قدم لاہور کی ثقافتی شناخت کو بحال کرنے اور معیشت کو فروغ دینے کے لیے اٹھایا گیا ہے، جہاں توقع ہے کہ 8 لاکھ سے زائد لوگ شرکت کریں گے اور 20 ارب روپے کی اقتصادی سرگرمیاں ہوں گی۔
Basant is loading! ????❤️ pic.
— PMLN Lahore (@LahorePMLN) February 2, 2026
بسنت کا فیسٹیول لاہور میں 6 فروری سے شروع ہوگا، جہاں گڈے ڈور کی تیاریاں زوروں پر ہیں اور شہری پتنگوں اور ڈوروں کی خریداری میں مصروف ہیں۔ لاہور خصوصاً اندرون شہر میں بسنت منانے کے لیے چھتوں کی بکنگ جاری ہے، جبکہ باربی کیو پارٹیوں اور میوزک کے اہتمام سے جشن کی رونق دوبالا ہو رہی ہے۔ شہر رنگ برنگی لائٹس، پتنگوں کی دکانوں اور عوامی جوش و خروش سے خوشگوار فضا میں ڈوبا ہوا ہے۔
نواز شریف کی بسنت میں شرکتبسنت کے حوالے سے سب سے بڑا سوال یہ ہے کہ نواز شریف کہاں بسنت منائیں گے۔ جاتی عمرہ ذرائع کے مطابق نواز شریف کا 6 فروری کو کہیں جانے کا کوئی حتمی پلان ابھی تک سامنے نہیں آیا ہے، کیونکہ اسی دن جاتی عمرہ میں میلاد کی تقریب بھی ہے۔ تاہم امکان ہے کہ وہ 7 یا 8 فروری کو اندرون شہر جا کر بسنت میں شریک ہوں، خصوصاً حویلی آصف جاہ میں ہونے والی تقریب میں، جہاں وہ روایتی طور پر پتنگیں اڑائیں گے۔
یہ تقریبات پنجاب کی وزیراعلیٰ مریم نواز کی جانب سے 18 سال بعد بسنت کی بحالی کا حصہ ہیں، جو شہر کی ثقافتی روایات کو زندہ کرنے کی کوشش ہے۔ نواز شریف خاندان ہمیشہ سے بسنت کے شوقین رہا ہے اور ماضی میں بھی لاہور میں اس تہوار کو فروغ دیا گیا۔ 1990 اور 1997 کی دہائیوں میں نواز شریف نے بطور وزیراعظم لاہور میں بسنت کو سرکاری سرپرستی دی، اندرون شہر کی چھتوں پر پتنگ بازی کی اور عوام کے ساتھ جشن منایا۔
یہ بھی پڑھیں:بسنت: لاہور میں ڈرون سے نگرانی، چھتوں کی رجسٹریشن اور زیرو ٹالرنس پالیسی نافذ
ذرائع کا کہنا ہے کہ نواز شریف ہمیشہ بسنت کو لاہور کی روح سمجھتے رہے ہیں اور اس کی بحالی پر خوش ہیں۔ تاہم اس بار تقریبات میں حفاظت کو ترجیح دی جا رہی ہے تاکہ ماضی کے حادثات دہرائے نہ جائیں۔
Basant, Lahore and zinda Dil Lahori ❤️
A thread full of basant vids!! ???????? pic.twitter.com/7moxwQ2tcC
— IqRa (@Lostsoul_iQu) February 3, 2026
پنجاب حکومت نے بسنت کو محفوظ بنانے کے لیے سخت ایس او پیز جاری کیے ہیں۔ اندرون شہر کی 6 خصوصی چھتوں پر وی آئی پی تقریبات ہوں گی، جہاں نواز شریف اور مریم نواز کی شرکت متوقع ہے۔ فری پبلک ٹرانسپورٹ، لائٹنگ اور سیکیورٹی کے انتظامات مکمل ہیں، اور عوام میں جوش و خروش پایا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بسنت پنجاب حکومت جاتی عمرہ لاہور مریم نواز موسم بہار نواز شریف
ذریعہ
ذریعہ: WE News
کلیدی لفظ: پنجاب حکومت جاتی عمرہ لاہور مریم نواز موسم بہار نواز شریف
پڑھیں:
شہباز شریف سمیت حکومتی شخصیات کو 21 تحائف ملے، توشہ خانہ کا ریکارڈ جاری
فوٹو: فائلوزیراعظم اور نائب وزیراعظم سمیت مختلف اعلیٰ حکومتی شخصیات کو 21 قیمتی تحائف ملے، کابینہ ڈویژن نے اپریل تا جون توشہ خانہ کا ریکارڈ جاری کردیا۔
کابینہ ڈویژن کے مطابق وزیراعظم اور نائب وزیراعظم توشہ خانہ تحائف وصول کرنے والوں میں شامل ہیں۔ وزیراعظم شہباز شریف کو ایک شوگر باؤل، قیمتی قلم، مسجد نبویﷺ کا ماڈل، شیلڈ اور ٹائی بطور تحفہ ملی۔
دستاویز کے مطابق وزیراعظم کو چینی خلائی اسٹیشن کا ماڈل، ایک کپ، گھڑی اور شیلڈ بھی بطور تحفہ ملی۔
دستاویز کے مطابق نائب وزیراعظم کو چمڑے سے بنا چینی بیلٹ، مصری اسٹیچو کا ماڈل اور کف لنکس بطور تحفہ ملے۔
دونوں اعلیٰ ترین حکومتی شخصیات نے حاصل ہونے والے تحائف توشہ خانہ میں جمع کرا دیے۔ کابینہ ڈویژن کے مطابق وزیراعظم اور نائب وزیراعظم کو ملنے والے تحائف کی قیمتوں کا تخمینہ لگایا جا رہا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار