بلوچستان میں دہشت گردی، شہداء کے لواحقین کا عزم، صبر اور وطن سے وفا بے مثال
اشاعت کی تاریخ: 4th, February 2026 GMT
کوئٹہ (ویب ڈیسک) بلوچستان میں فتنہ الہندوستان کی دہشت گردی شہداء کے لواحقین کے حوصلے پست نہ کر سکی۔ شہداء کے اہل خانہ آج بھی صبر، استقامت اور وطن سے غیر متزلزل محبت کی روشن مثال بنے ہوئے ہیں۔
شہداء کے لواحقین نے اپنے جذبات کا اظہار کرتے ہوئے کہا کہ انہوں نے اپنے پیاروں کو وطن کی حفاظت کیلئے قربان کیا اور انہیں اس پر فخر ہے۔ شہید ایس ایچ او ساجد بلوچ کے والد نے بتایا کہ میرا بیٹا مچھ میں تعینات تھا، جہاں اس نے بہادری سے دہشت گردوں کا مقابلہ کیا اور لوگوں کی جان بچاتے ہوئے شہادت کا رتبہ حاصل کیا۔
شہید صدیق بلوچ کے والد کا کہنا تھا کہ میرے بیٹے نے گولی لگنے کے باوجود کہا تھا کہ کسی دہشت گرد کو نہیں چھوڑوں گا۔ اس کے جذبے نے ہمارے سر فخر سے بلند کر دیے ہیں۔
شہید کانسٹیبل شہزاد کی بیٹی نے کہا کہ میرے والد مجھے بہت عزیز تھے لیکن مجھے فخر ہے کہ انہوں نے ملک کیلئے جان دی۔ شہید کے بھائی کا کہنا تھا کہ ایک بھائی کیا ہے، ہم جتنے بھی بھائی ہیں اگر ملک کیلئے قربان ہو جائیں تو ہمیں کوئی دکھ نہیں۔
شہداء کے لواحقین نے واضح کیا کہ دہشت گردی ان کے حوصلے توڑ نہیں سکتی اور نہ ہی وطن سے محبت کم کر سکتی ہے۔ ان کا کہنا تھا کہ بلوچستان کے یہ شہداء آنے والی نسلوں کیلئے مشعلِ راہ اور پوری قوم کیلئے باعثِ فخر ہیں۔
قوم شہداء کی قربانیوں کو کبھی فراموش نہیں کرے گی اور ان کے مشن کو ہر صورت آگے بڑھایا جائے گا۔
https://dailymumtaz.
ذریعہ
ذریعہ: Daily Mumtaz
کلیدی لفظ: شہداء کے لواحقین تھا کہ
پڑھیں:
سیکیورٹی فورسز کی مستونگ میں کارروائی کے دوران فتنہ الہندوستان کے 6 دہشت گرد ہلاک
اسلام آباد: سیکیورٹی فورسز نے مستونگ میں کارروائی کے دوران فتنہ الہندوستان کے 6 دہشت گردوں کو ہلاک اور متعدد کو گرفتار کرلیا. گرفتار شدگان میں سہولت کار سمیت مرد اور خواتین خودکش بمبار بھی شامل ہیں۔بلوچستان میں انٹیلی جنس بیسڈ آپریشن کامیابی سے جاری ہے. سیکیورٹی فورسز نے کارروائیاں تیز کرتے ہوئے دہشت گردوں کے خلاف گھیرا مزید تنگ کردیا۔سیکیورٹی ذرائع کے مطابق سیکیورٹی فورسز نے بلوچستان میں مستونگ کےعلاقہ کھڈ کوچہ میں بروقت کارروائی کرتے ہوئے فتنہ الہندوستان کے 6 دہشت گرد وں کو جہنم واصل کر دیا۔سیکیورٹی ذرائع کے مطابق خفیہ اطلاعات کی بنیاد پر کی گئی سیکیورٹی فورسز کی اس کارروائی کے دوران متعدد دہشت گردوں کو گرفتار بھی کر لیا گیا. گرفتار دہشت گردوں میں سہولت کار سمیت مرد اور خواتین خودکش بمبار بھی شامل ہیں۔سیکیورٹی ذرائع کے مطابق سیکیورٹی فورسز کی مؤثر کاروائی میں دہشت گردوں کی متعدد کمین گاہیں مکمل طور پر تباہ کر دی گئیں. کارروائی کے دوران دہشت گردوں کے ٹھکانوں سے بھاری مقدار میں اسلحہ اور گولہ بارود بھی برآمد کر لیا گیا۔آپریشن کے دوران علاقے میں سرچ اور کلیئرنس کارروائیاں جاری ہیں، سیکیورٹی فورسز کی جانب سے مکمل نگرانی برقرار ہے. حالیہ دنوں میں مستونگ کےعلاقہ کھڈ کوچہ میں دہشتگردوں کی مذموم کاروائیوں کے بعد سیکیورٹی فورسز کی جانب سے انٹیلی جنس بیسڈ آپریشن تیز کر دیے گئے ہیں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی