نواز شریف اور وزیراعلیٰ مریم نواز سے ایرانی سفیر کی اہم ملاقات
اشاعت کی تاریخ: 4th, February 2026 GMT
پاکستان مسلم لیگ (ن) کے صدر محمد نواز شریف اور وزیراعلیٰ پنجاب مریم نواز شریف سے اسلامی جمہوریہ ایران کے سفیر ڈاکٹر رضا امیری مقدم نے ملاقات کی۔
ملاقات میں دوطرفہ تعلقات، تجارت، توانائی، سرمایہ کاری اور خطے کی مجموعی صورتحال پر تفصیلی گفتگو ہوئی۔
وزیراعلیٰ پنجاب مریم نواز شریف نے ایرانی سفیر ڈاکٹر رضا امیری مقدم کا خیرمقدم کیا، جس پر ایرانی سفیر نے شاندار استقبال پر اظہارِ تشکر کیا۔ وزیراعلیٰ نے پاک ایران تعلقات کو مزید وسعت دینے کے عزم کا اعادہ کیا۔
ایرانی سرمایہ کاروں کو پنجاب میں سرمایہ کاری کی دعوتمریم نواز شریف نے ایرانی سرمایہ کاروں کو پنجاب میں زراعت، انفارمیشن ٹیکنالوجی اور سیاحت کے شعبوں میں سرمایہ کاری کی دعوت دی۔ انہوں نے اقتصادی اور سماجی تعلقات کو مزید فروغ دینے کے عزم کا بھی اظہار کیا۔
نواز شریف کا مذاکرات پر زورپاکستان مسلم لیگ (ن) کے صدر محمد نواز شریف نے کہا کہ اگر مذاکرات کا دروازہ فراخ دلی سے کھلا رکھا جائے تو بڑے سے بڑا مسئلہ بھی بات چیت کے ذریعے حل ہو سکتا ہے۔
انہوں نے کہا کہ ایران نے جواں مردی اور حوصلے کے ساتھ مشکل حالات کا مقابلہ کیا ہے اور ایران کے لیے ان کی دعائیں اور نیک خواہشات ہمیشہ شاملِ حال رہی ہیں۔
ایرانی سفیر کا نواز شریف کو خراجِ تحسینایرانی سفیر ڈاکٹر رضا امیری مقدم نے کہا کہ پاکستان اور ایران دو جسم اور ایک روح کی مانند ہیں، اور عالمِ اسلام کو محمد نواز شریف جیسے عظیم لیڈر کی اشد ضرورت ہے۔
انہوں نے کہا کہ عالم اسلام کی قیادت اور پاک ایران تعلقات کے فروغ کے لیے نواز شریف جیسے رہنما ناگزیر ہیں۔
ڈاکٹر رضا امیری مقدم نے کہا کہ ایرانی قوم محمد نواز شریف کی صحت اور حفاظت کے لیے ہمیشہ دعاگو رہتی ہے۔ انہوں نے نواز شریف کو پاکستان کی حفاظت کا مضبوط ستون قرار دیا۔
خطے کی صورتحال پر اعتماد کا اظہارایرانی سفیر نے کہا کہ محمد نواز شریف خطے کی صورتحال سے مکمل آگاہ ہیں، اور پاکستان کے بڑے بھائی کے کردار کے تحت ان سے بات چیت میں دلی سکون محسوس ہوتا ہے۔ انہوں نے کہا کہ ایرانی عوام اور حکومت کی جانب سے معاملات نواز شریف کے علم میں لانا ضروری سمجھتے ہیں۔
ایرانی سفیر نے فارسی زبان اور طلبہ سے متعلق امور کے حل میں تعاون پر وزیراعلیٰ مریم نواز شریف کا تہہ دل سے شکریہ ادا کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: ڈاکٹر رضا امیری مقدم مریم نواز شریف محمد نواز شریف ایرانی سفیر نے کہا کہ انہوں نے کے لیے
پڑھیں:
ہمارا ایک مطالبہ ہے بانی کو شفا انٹرنیشنل منتقل کیا جائے، سہیل آفریدی
وزیراعلیٰ خیبر پختونخوا سہیل آفریدی نے کہا ہے کہ ہمارا ایک ہی مطالبہ ہے بانی پی ٹی آئی کو شفا انٹرنیشنل منتقل کیا جائے۔
راولپنڈی میں میڈیا سے گفتگو میں سہیل آفریدی نے کہا کہ چاہتے ہیں بانی پی ٹی آئی کا علاج ان کی فیملی اور ذاتی معالج کی موجودگی میں ہو۔
انہوں نے کہا کہ ان کے مقاصد کچھ اور ہیں اس لیے یہ ملنے نہیں دے رہے، مجھے اگر نہیں ملنے دیتے تو کم از کم فیملی کو ملنے دیا جائے۔
پاکستان تحریک انصاف ( پی ٹی آئی) رہنما جنید اکبر نے کہا ہے کہ جس دن بانی پی ٹی آئی محمود اچکزئی سےمطمئن نہیں ہوں گے ہٹادیے جائیں گے۔
وزیراعلیٰ خیبر پختونخوا نے مزید کہا کہ بانی پی ٹی آئی نے کہا سہیل آفریدی وزیراعلیٰ ہوگا تو دنیا کی کوئی طاقت اس کو بدل نہیں سکتی۔
اُن کا کہنا تھا کہ جب تک بانی پی ٹی آئی کا کوئی نیا پیغام نہیں آئے گا میں ہی وزیراعلیٰ رہوں گا، کے پی میں ہماری حکومت فقط بانی چیئرمین ہی ختم کرسکتے ہیں۔
سہیل آفریدی نے یہ بھی کہا کہ کے پی میں فارورڈ بلاک پروپیگنڈا ہے، جو اس لیے کیا گیا کہ وفاقی بجٹ میں ایک بار پھر عوام کا خون چوسا جائے گا۔
اڈیالہ جیل میں بانی پی ٹی آئی اور اُن کی اہلیہ بشریٰ بی بی کی ہفتہ وار ملاقات کرادی گئی۔
انہوں نے کہا کہ صوبائی حکومت نے کابینہ سے بجٹ پیپر پاس کرالیا ہے، ہم نے کوئی سرپلس بجٹ نہیں دیا، کے پی حکومت عوام دوست بجٹ پیش کرے گی۔
وزیراعلیٰ خیبر پختونخوا نے کہا کہ ہمارا سارا فوکس صحت، تعلیم، زراعت، نوجوان اور جنگلات پر ہے، ہم اپنے بجٹ میں بہت اچھی اور عوام دوست چیزیں لارہے ہیں۔
وزارت آئی ٹی نے 1.67 ارب روپے سے زاید کے فنڈز طلب کرلیے