گوگل نے یوٹیوب کے مفت صارفین کے لیے اہم فیچر کی رسائی بند کر دی
اشاعت کی تاریخ: 4th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
گوگل کی زیر انتظام دنیا کی سب سے بڑی ویڈیو شیئرنگ ایپلیکیشن یوٹیوب اپنی مفت سروس استعمال کرنے والے صارفین کو پریمیئم پلان کی جانب راغب کرنے کے لیے نئی حکمت عملی اختیار کر رہا ہے۔
بین الاقوامی میڈیا رپورٹس کے مطابق یوٹیوب نے ایک اہم اقدام کے طور پر اپنے مقبول موبائل براؤزر بیک گراؤنڈ پلے بیک فیچر تک مفت صارفین کی رسائی محدود کرنے کا فیصلہ کیا ہے۔
یہ فیچر کافی عرصے سے صارفین میں مقبول رہا ہے، جو موبائل پر ویڈیوز کو پس منظر میں چلانے کی سہولت فراہم کرتا ہے، اگرچہ یہ فیچر گوگل کروم براؤزر میں صرف پریمیئم صارفین کے لیے ہی دستیاب تھا۔
غیر ملکی خبر ایجنسی کے مطابق مگر کچھ مفت صارفین دیگر موبائل براؤزرز جیسے مائیکرو سافٹ ایج، بریو یا سام سنگ انٹرنیٹ کے ذریعے اس تک رسائی حاصل کر لیتے تھے، تاہم حالیہ دنوں میں متعدد صارفین نے شکایت کی ہے کہ اب یہ فیچر ان کے لیے کام نہیں کر رہا۔
گوگل کی جانب سے جاری بیان میں تصدیق کی گئی ہے کہ کمپنی مفت صارفین کی جانب سے موبائل براؤزرز کے ذریعے اس فیچر تک رسائی روکنے کے لیے اقدامات کر رہی ہے۔
بیان میں مزید کہا گیا کہ اس فیچر کا اصل مقصد صرف پریمیئم صارفین کے لیے سہولت فراہم کرنا ہے، لیکن کچھ مفت صارفین موبائل براؤزر کے راستے اس کا فائدہ اٹھا رہے تھے، جس کی روک تھام کے لیے سخت اقدامات کیے جا رہے ہیں۔
کمپنی نے صارفین سے تنقید کے بعد وضاحت کی کہ یہ کریک ڈاؤن بتدریج نافذ کیا جائے گا اور جلد ہی تمام مفت صارفین کے لیے یہ فیچر غیر فعال ہو جائے گا۔
ماہرین ٹیکنالوجی کا کہنا ہے کہ یوٹیوب کی یہ حکمت عملی کمپنی کے ریونیو ماڈل کو مضبوط کرنے کے لیے اہم قدم ہے اور مستقبل میں صارفین کو مزید پریمیئم سہولیات کی جانب راغب کرنے کے لیے اسی نوعیت کے اقدامات کیے جا سکتے ہیں۔
ذریعہ
ذریعہ: Jasarat News
کلیدی لفظ: صارفین کے لیے مفت صارفین کی جانب
پڑھیں:
ماہانہ فیول ایڈجسٹمنٹ؛ بجلی کی فی یونٹ قیمت میں اضافے کا امکان
اسلام آباد: ملک میں ماہانہ فیول ایڈجسٹمنٹ کے تحت بجلی کی فی یونٹ قیمت میں اضافے کا امکان ہے۔بجلی صارفین کے لیے ایک بار پھر قیمتوں میں اضافے کا امکان پیدا ہوگیا ہے، کیونکہ نیپرا میں اپریل کی ماہانہ فیول ایڈجسٹمنٹ کی درخواست پر سماعت کے دوران بجلی ایک روپے 73 پیسے فی یونٹ مہنگی کرنے کی درخواست کی گئی ہے۔سماعت کے دوران سینٹرل پاور پرچیزنگ ایجنسی (سی پی پی اے) کے حکام نے بتایا کہ اپریل کے مہینے میں خطے میں جاری جنگ کے اثرات بھی سامنے آئے تھے. جس کے باعث توانائی کے شعبے کو مختلف چیلنجز کا سامنا رہا۔سی پی پی اے کے مطابق اس عرصے کے دوران درآمدی ایل این جی بالکل دستیاب نہیں تھی، تاہم مئی میں ایل این جی کے کنٹریکٹ اور سپاٹ کارگوز موصول ہوئے، جس کے بعد ایل این جی پر چلنے والے پاور پلانٹس کو فعال کیا گیا۔حکام نے نیپرا کو بتایا کہ صنعتی شعبے کے علاوہ تمام صارفین کی کیٹیگریز میں بجلی کی کھپت میں کمی ریکارڈ کی گئی۔ اس کے ساتھ ساتھ آئندہ 2 ماہ کے لیے ایل این جی کی یومیہ بنیادوں پر پلاننگ مکمل کر لی گئی ہے .تاکہ بجلی کی پیداوار اور ایندھن کی دستیابی کو مؤثر انداز میں برقرار رکھا جا سکے۔سی پی پی اے حکام کا کہنا تھا کہ مئی، جون اور جولائی کی ماہانہ فیول ایڈجسٹمنٹ میں صارفین کو زیادہ بڑے جھٹکوں کا سامنا نہیں کرنا پڑے گا کیونکہ ایندھن کی فراہمی اور بجلی کی پیداوار کے حوالے سے ضروری منصوبہ بندی کر لی گئی ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے