بانیٔ پی ٹی آئی کی بہنوں کا احتجاج، مشکوک شخص سے اسلحہ برآمد کرنے کا مقدمہ درج
اشاعت کی تاریخ: 4th, February 2026 GMT
---فائل فوٹو
بانی پی ٹی آئی کی بہنوں کے اڈیالہ جیل کے باہر احتجاج کے دوران مشکوک شخص سے اسلحہ برآمد کیے جانے کا مقدمہ درج کر لیا گیا۔
مشکوک شخص کے خلاف تھانہ صدر بیرونی میں مقدمہ درج کیا گیا ہے۔
پولیس کے مطابق ملزم عارف کے قبضے سے 30 بور پسٹل اور 4 گولیاں برآمد ہوئیں، ملزم پسٹل رکھنے کا کوئی اجازت نامہ یا لائسنس پیش نہ کر سکا۔
بانی پی ٹی آئی سے ملاقات کے دن انکی ہمشیرہ علیمہ خان نے راولپنڈی میں اڈیالہ جیل کے قریب اڈیالہ روڈ پر دھرنا دیا۔
پولیس کا کہنا ہے کہ مسلح شخص بانیٔ پی ٹی آئی کی بہنوں اور ایم پی ایز کے قریپ موجود تھا۔
تھانہ صدر بیرونی پولیس نے مسلح شخص کو گزشتہ روز گرفتار کیا تھا۔
.
ذریعہ
ذریعہ: Jang News
کلیدی لفظ: مشکوک شخص پی ٹی آئی
پڑھیں:
نرس نے نومولود بچی کے ہاتھ کا انگوٹھا کاٹ دیا، والد نے پولیس میں درخواست دے دی
راولپنڈی:ہولی فیملی ہسپتال راولپنڈی کی گائنی وارڈ کی نرسری میں زیرِ علاج 23 روزہ نومولود بچی کے دائیں ہاتھ کا انگوٹھا پراسرار طور پر کٹ جانے کا انکشاف سامنے آیا ہے، جبکہ متاثرہ بچی کے والد نے واقعے پر پولیس کو درخواست دے دی ہے۔
متاثرہ بچی کے والد قیصر محمود نے بتایا کہ وہ ضلع اٹک کے رہائشی اور پیشے کے لحاظ سے کارپینٹر ہیں۔ ان کے مطابق ان کی بیٹی کی پیدائش ہولی فیملی ہسپتال میں ہوئی تھی اور پیدائش کے بعد سے بچی کو نرسری میں رکھا گیا ہے۔
والد کا کہنا ہے کہ جب وہ آج اپنی 23 روزہ بیٹی سے ملنے ہسپتال پہنچے تو دیکھا کہ اس کے دائیں ہاتھ کا انگوٹھا کٹا ہوا تھا۔ انہوں نے فوری طور پر ڈاکٹروں سے اس بارے میں استفسار کیا۔
قیصر محمود کے مطابق ڈاکٹرز نے انہیں بتایا کہ انگوٹھا نرس سے غلطی سے کٹ گیا۔ تاہم ان کے بقول ہسپتال انتظامیہ نے صرف انکوائری کی یقین دہانی کرائی نہ واقعے کی وجہ واضح کی گئی اور نہ ہی اب تک کسی ذمہ دار کے خلاف کارروائی کی گئی۔
متاثرہ والد نے انصاف کے لیے پولیس کو درخواست دے دی ہے۔ پولیس کا کہنا ہے کہ درخواست موصول ہونے کے بعد ابتدائی چھان بین مکمل کر لی گئی ہے اور قانون کے مطابق کارروائی کا آغاز کر دیا گیا ہے۔
دوسری جانب اس سنگین واقعے پر ہولی فیملی ہسپتال کی انتظامیہ کی جانب سے تاحال کوئی باضابطہ مؤقف سامنے نہیں آیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار