علی حسن زہری کی اسمبلی رکنیت معطل، وفاقی آئینی عدالت کا فیصلہ
اشاعت کی تاریخ: 4th, February 2026 GMT
سابق وزیر صالح بھوتانی کی درخواست پر وفاقی آئینی عدالت نے پی بی 21 سے رکن اسمبلی علی حسن زہری کی رکنیت معطل کرتے ہوئے الیکشن کمیشن کو ہدایت دی کہ درخواست پر 2 ماہ میں فیصلہ سنائے۔ اسلام ٹائمز۔ وفاقی آئینی عدالت نے بلوچستان اسمبلی کے حلقہ پی بی 21 حب میں انتخابی نتائج سے متعلق اہم فیصلہ سناتے ہوئے علی حسن زہری کی کامیابی کا نوٹیفکیشن معطل کرتے ہوئے الیکشن کمیشن آف پاکستان کو ووٹوں کی دوبارہ گنتی سے متعلق درخواستوں پر ازسرنو فیصلہ کرنے کی ہدایت کی ہے۔ یہ درخواست سردار صالح بھوتانی کی جانب سے دائر کی گئی تھی۔ عدالت نے قرار دیا کہ الیکشن کمیشن اور ہائی کورٹ بلوچستان کے سابقہ احکامات قانون کے تقاضوں پر پورا نہیں اترتے۔ وفاقی آئینی عدالت نے الیکشن کمیشن کو ہدایت دی ہے کہ وہ سپریم کورٹ کے سابقہ احکامات کی روشنی میں پی بی 21 حب کے 39 پولنگ اسٹیشنز میں ووٹوں کی دوبارہ گنتی کی درخواستوں کا فیصلہ دو ماہ کے اندر کرے۔ واضح رہے کہ علی حسن زہری نے گزشتہ شب اپنی وزارت سے بھی استعفیٰ دیدیا۔
.
ذریعہ
ذریعہ: Islam Times
کلیدی لفظ: وفاقی آئینی عدالت الیکشن کمیشن علی حسن زہری عدالت نے
پڑھیں:
کراچی: زیادتی کی شکار غیرملکی خاتون نے ملزم کو معاف کردیا
کراچی کے علاقے ڈیفنس میں زیادتی کا شکار غیر ملکی خاتون نے ملزم کو معاف کردیا۔ جوڈیشل مجسٹریٹ جنوبی ملزم کے جسمانی ریمانڈ میں چار روز کی توسیع کردی۔
کراچی میں درخشاں تھانے کی حدود میں امریکی خاتون سے زیادتی کے مقدمے کی سماعت جوڈیشل مجسٹریٹ جنوبی کی عدالت میں ہوئی پولیس نے گرفتار ملزم جیسپر عرف آدی محمود کو عدالت میں پیش کیا۔
متاثرہ خاتون نے عدالت میں زیر دفعہ 164 کا بیان ریکارڈ کروایا، متاثرہ خاتون نے ملزم کو معاف کرنے کا بیان دیا۔
پولیس کا کہنا ہے کہ مقدمہ میں ملوث ملزم آدی محمود کو گرفتار کرلیا ہے، ملزم تھانا درخشاں میں گزشتہ ڈیڑھ ماہ سے صفائی کا کام کر رہا تھا۔
خاتون نے بیان میں کہا کہ پولیس افسر نے اس کا دستخط شدہ بیان جلادیا، پولیس افسر نے کہا کہ مقدمہ درج کروائیں ورنہ ہمارے لیے مشکل ہوجائے گی۔
متاثرہ خاتون نے کہا کہ ملزم کی زندگی خراب نہیں کرنا چاہتی۔
عدالت نے متاثرہ خاتون کا بیان کیس کا حصہ بنادیا جبکہ عدالت نے ملزم جیسپر کے جسمانی ریمانڈ میں چار روز کی توسیع کردی۔
عدالت نے تفتیشی افسر کو ملزم کی عمر کے تعین سے متعلق رپورٹ پیش کرنے کی ہدایت کی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا