فارما سیکٹر کا صحت، روزگار اور معیشت میں اہم کردار ہے: وزیر خزانہ
اشاعت کی تاریخ: 4th, February 2026 GMT
اسلام آباد:(نیوزڈیسک) وزیر خزانہ محمد اورنگزیب نے کہا ہے کہ دواسازی شعبے کا صحت، روزگار اور معیشت میں اہم کردار ہے۔
وزارتِ خزانہ کے اعلامیہ کے مطابق وزیر خزانہ محمد اورنگزیب سے فارما بیورو کے وفد نے ملاقات کی، دواسازی شعبے کو درپیش پالیسی اور ریگولیٹری مسائل پر تبادلہ خیال کیا گیا۔
فارما سیکٹر کی کارکردگی اور اصلاحات پر وزیر خزانہ کو بریفنگ دی گئی جب کہ ڈرگ ریگولیٹر میں بہتری اور ڈیجیٹلائزیشن میں پیشرفت پر بھی آگاہ کیا گیا۔
اعلامیہ میں بتایا گیا کہ ملاقات میں ادویات کی قیمتوں اور دستیابی سے متعلق اُمور زیرِ بحث آئے، فارما انڈسٹری میں سرمایہ کاری اور برآمدات بڑھانے پر زور دیا گیا، وزیر خزانہ نے دورانِ گفتگو پالیسی تسلسل اور مؤثر گورننس کی یقین دہانی کرائی۔
دوسری جانب حکومت نے فارما سیکٹر سے باقاعدہ مشاورت جاری رکھنے کے عزم کا اظہار کیا، دوا سازی شعبے کا صحت، روزگار اور معیشت میں اہم کردار ہے۔
وزرات خزانہ کے اعلامیہ میں مزید کہا گیا کہ آخر میں محمد اورنگزیب نے فارما انڈسٹری کے مسائل متعلقہ اداروں کے ساتھ مل کر حل کرنے کی یقین دہانی کرائی۔
.
ذریعہ
ذریعہ: Daily Mumtaz
پڑھیں:
حضرت داتا گنج بخش ؒ کا سالانہ عرس; انتظامات کے حوالے سے خصوصی اجلاس
سٹی 42: خصوصی مشیر وزیر اعلیٰ علی ڈارکی زیر صدارت خصوصی اجلاس ہوا۔ جس میں علی ڈار نے داتاؒ دربار عرس کیلئے انتظامات کا تفصیلی جائزہ لیا
صوبائی وزیر بلال یاسین، وائس چیئرمین ایل ڈی اے میاں مرغوب احمد شریک ہوئے ۔ سیکرٹری اوقاف ڈاکٹر احسان بھٹہ، ڈپٹی کمشنر لاہور محمد علی اعجاز،ڈی آئی جی آپریشنز فیصل کامران، ڈی جی ایل ڈی اے طاہر فاروق و دیگر شریک ہوئے ۔
بریفنگ میں بتایا گیا کہ حضرت داتا گنج بخش ؒ کا تین روزہ سالانہ عرس 2 تا4 اگست کو منعقد ہوگا،خطیب داتا ؒدربار مولانا ندیم مختار نے سیرت و صوفی کانفرنسز سے متعلق آگاہ کیا۔محافل، قرأت اور نعت خوانی کے مقابلوں کے انعقاد سے متعلق بریفنگ دی گئی۔
علی ڈار نے کہا داتاؒ دربار تعمیراتی منصوبہ عہد ساز اور تاریخی نوعیت کا حامل ہے،عرس میں دنیا بھر سے زائرین حاضری کی سعادت حاصل کریں گے،زیرِ تعمیر انڈر پاس اور متعلقہ سڑکیں عرس سے قبل کھولی جائیں گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا