بہادرآباد، بڑی ڈکیتی، ڈاکو 200 تولے سونا اور1 لاکھ ڈالر کیش لے اڑے
اشاعت کی تاریخ: 4th, February 2026 GMT
کراچی: (نیوزڈیسک)شہر قائد کے علاقے بہادرآباد میں رواں سال کی سب سے بڑی ڈکیتی کی واردات سامنے آ گئی۔ جہاں مسلح ملزمان نے ایک شہری سے اس کے گھر پہنچتے ہی 200 تولہ سونا اور ایک لاکھ امریکی ڈالر لوٹ لیے۔
پولیس ذرائع کے مطابق ملزمان نے شہری کا شارع فیصل سے تعاقب کیا۔ اور بہادرآباد میں اس کے گھر پہنچنے پر اس پر حملہ کر دیا۔ واردات میں چار مسلح موٹر سائیکل سوار شامل تھے جو قیمتی سامان لوٹنے کے بعد موقع سے فرار ہو گئے۔
پولیس کے مطابق اس واردات میں لوٹی گئی رقم اور زیورات کی مجموعی مالیت 13 کروڑ روپے سے زائد ہے۔ جسے رواں سال کی سب سے بڑی ڈکیتی قرار دیا جا رہا ہے۔
واقعے کے وقت علاقے میں سیف سٹی کیمروں اور سی پی ایل سی کی نگرانی موجود تھی۔ تاہم ملزمان تاحال پولیس کی گرفت میں نہیں آ سکے۔
پولیس نے مختلف مقامات کی سی سی ٹی وی فوٹیجز حاصل کر کے شواہد اکٹھے کرنا شروع کر دیئے۔
پولیس کے مطابق متاثرہ شہری سید معاذ علی کی مدعیت میں بہادرآباد تھانے میں چار نامعلوم ملزمان کے خلاف مقدمہ درج کر لیا گیا۔
ملزمان کی تلاش اور گرفتاری کے لیے چھاپے مارے جا رہے ہیں اور حکام کا کہنا ہے کہ جلد ملزمان کو گرفتار کر لیا جائے گا۔
.
ذریعہ
ذریعہ: Daily Mumtaz
کلیدی لفظ: بہادرا باد
پڑھیں:
5 جون تک پنجاب کے متعدد اضلاع میں آندھی، شدید ژالہ باری کا امکان، الرٹ جاری
وزیراعلیٰ پنجاب(chief minister punjab) کی ہدایات پر تمام کمشنرز و ڈپٹی کمشنرز کو الرٹ جاری تاکہ برساتی نالوں کی صفائی اور ہنگامی صورتحال سے نمٹنے کے لیے انتظامات مکمل رکھے جائیں؛ ترجمان پی ڈی ایم اے
پنجاب کے میدانی اور بالائی علاقوں میں چند روز سے جاری شدید گرمی کے بعد اب بیشتر اضلاع میں طوفانی ہواؤں، گرج چمک کے ساتھ بارش اور ژالہ باری کی اہم پیشگوئی جاری کی ہے
بتایا گیا ہے کہ راولپنڈی، مری، گلیات، اٹک، جہلم، چکوال، گوجرانوالہ، حافظ آباد، سیالکوٹ، نارووال اور شیخوپورہ، سرگودھا، میانوالی، خوشاب، منڈی بہاؤالدین، فیصل آباد، جھنگ و گردونواح، لاہور، اوکاڑہ، بھکر اور لیہ میں بارشوں کا امکان ہےْ
جس کے باعث وزیر اعلیٰ پنجاب مریم نواز کی خصوصی ہدایات کے پیشِ نظر صوبے بھر کے تمام کمشنرز اور ڈپٹی کمشنرز کو الرٹ جاری کر دیا گیا ہے تاکہ برساتی نالوں کی صفائی اور ہنگامی صورتحال سے نمٹنے کے لیے انتظامات مکمل رکھے جائیں۔
ڈی جی پی ڈی ایم اے عمر جاوید نے خراب موسم کے دوران شہریوں کی حفاظت کو یقینی بنانے کے لیے احتیاطی تدابیر اختیار کرنے کی تاکید کی ہے کہ شہری آسمانی بجلی سے بچنے کے لیے محفوظ مقامات کے اندر رہیں اور گرج چمک کے دوران کھلے مقامات یا درختوں تلے ہرگز کھڑے نہ ہوں۔
کسان اپنی فصلوں کی کٹائی اور سنبھال سمیت تمام تر پیشگی اقدامات موجودہ موسمی صورتحال کو مدنظر رکھتے ہوئے کریں، مری، گلیات اور شمالی علاقہ جات کے سفر پر روانہ ہونے والے سیاح موسم کی شدت کو دیکھتے ہوئے خصوصی احتیاطی تدابیر اختیار کریں۔
مزید پڑھیں:شہری پی ڈی ایم اے کی آفیشل ہیلپ لائن 1129 پر رابطہ کریں
کسی بھی بھی ناگہانی یا ایمرجنسی صورتحال کی صورت میں شہری فوری طور پر پی ڈی ایم اے کی آفیشل ہیلپ لائن 1129 پر رابطہ کریں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ