جماعت اسلامی کا سندھ اسمبلی دھرنے پر عزم برقرار، اپوزیشن لیڈر کا وزیر داخلہ پر شدید ردعمل
اشاعت کی تاریخ: 4th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
کراچی:اپوزیشن لیڈر سٹی کونسل اور نائب امیر جماعت اسلامی کراچی سیف الدین ایڈووکیٹ نے صوبائی وزیر داخلہ ضیاء الحسن لنجار کے جماعت اسلامی کے خلاف دہشت گردی کے مقدمات قائم کرنے اور سندھ اسمبلی پر دھرنا نہ دینے کے بیان پر شدید ردعمل ظاہر کیا ہے۔
سیف الدین ایڈووکیٹ نے کہا کہ جماعت اسلامی کے ”جینے دو کراچی مارچ“ اور 14 فروری کو سندھ اسمبلی پر دھرنے کے اعلان کے بعد پیپلز پارٹی عوام کی یاد ستانے لگی ہے، پیپلز پارٹی کی بدترین حکمرانی میں کراچی بھر میں سڑکیں برباد ہیں، یونیورسٹی روڈ کھدا پڑا ہے، کریم آباد انڈر پاس سالوں سے زیر تعمیر ہے اور صوبے کا 70 فیصد بجٹ کرپشن میں غائب ہو رہا ہے۔
اپوزیشن لیڈر نے صوبائی وزیر داخلہ سے سوال کیا کہ جب دہشت گرد تنظیم الذوالفقار ملک بھر میں دھماکے کرتی تھی اور بینظیر کی شہادت کے بعد سینکڑوں گاڑیاں جلائی گئیں، پورا ملک بند رہا، تو عوام کو اس وقت تکلیف نہیں ہوئی تھی؟ آج کراچی کے ساڑھے تین کروڑ عوام پانی، بجلی، ٹرانسپورٹ اور انفراسٹرکچر کی تباہ حالی سمیت بے شمار مسائل کا شکار ہیں اور جماعت اسلامی کا دھرنا با اختیار شہری حکومت اور عوامی مسائل کے حل کے لیے ہے۔
سیف الدین ایڈووکیٹ نے زور دیا کہ دھرنا عوام کا آئینی، قانونی اور جمہوری حق ہے اور سندھ حکومت کو متنبہ کیا کہ وہ اپنے زور اور طاقت کا امتحان لے، دہشت گردی کے مقدمات یا دیگر اقدامات کریں، جماعت اسلامی اپنے پروگرام کے مطابق 14 فروری کو سندھ اسمبلی پر ہر صورت میں دھرنا دے گی اور اہل کراچی کے حقوق اور مسائل کے حل کی جدوجہد سے ہرگز پیچھے نہیں ہٹے گی۔
ذریعہ
ذریعہ: Jasarat News
کلیدی لفظ: جماعت اسلامی سندھ اسمبلی
پڑھیں:
وفاقی وزیر داخلہ محسن نقوی سے گورنر خیبرپختونخوا کی ملاقات
سٹی 42: وفاقی وزیر داخلہ محسن نقوی سے گورنر خیبرپختونخوا فیصل کریم کنڈی کی ملاقات ہوئی ۔ خیبرپختونخوا میں امن عامہ کی صورتحال اور دیگر اہم امور پر تفصیلی تبادلہ خیال کیاگیا ۔
ملاقات میں خیبرپختونخوا میں انسدادِ دہشتگردی کے لئے اٹھائے گئے اقدامات کا جائزہ لیا گیا۔گورنر خیبرپختونخوا نے صوبے کو درپیش سکیورٹی چیلنجز سے وفاقی وزیر داخلہ آگاہ کیا
وزیر داخلہ اور گورنر کے پی کے نے فتنہ الہندوستان کے دہشتگردوں کے خلاف کامیاب انٹیلیجنس بیسڈ آپریشنز پر سکیورٹی فورسز کو خراج تحسین پیش کیا ۔ دونوں رہنماؤں کا دہشتگردی کے خلاف جنگ کے شہداء کو خراج عقیدت پیش کیا ۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
محسن نقوی نے کہا خیبرپختونخوا میں قیام امن کیلئے سکیورٹی فورسز کی قربانیاں ناقابل فراموش ہیں۔وفاقی وزیر داخلہ محسن نقوی نے صوبہ خیبر پختونخوا میں امن و استحکام کے
لیے ہر ممکن تعاون کی یقین دہانی کروائی ۔
محسن نقوی نے کہا وفاقی حکومت خیبرپختونخوا میں قیام امن کیلئے خیبرپختونخوا حکومت کے ساتھ مکمل تعاون کر رہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ