کشمیر کی آزادی خواب نہیں ‘ حقیقت بنتی جارہی ہے‘جاوداں فہیم
اشاعت کی تاریخ: 5th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
260205-08-15
کراچی (اسٹاف رپورٹر)ناظمہ حلقہ خواتین جماعت اسلامی کراچی جاوداں فہیم نے یومِ یکجہتی کشمیر کے موقع پر اپنے بیان میں کہا ہے کہ اب وقت آ چکا ہے کہ عالمی ضمیر بیدار اور ظلم کا یہ سلسلہ بند ہو ۔ کشمیر کی آزادی اب ایک خواب نہیں بلکہ ایک یقینی حقیقت بنتی جا رہی ہے اور حق و انصاف کی یہ جدوجہد بالآخر کامیاب ہو کر رہے گی۔ بھارت مقبوضہ جموں و کشمیر میں گزشتہ کئی دہائیوں سے بدترین ریاستی جبر، ظلم اور انسانی حقوق کی سنگین پامالی کا مرتکب ہو رہا ہے۔ ماورائے عدالت قتل، جبری گمشدگیاں، خواتین اور بچوں پر تشدد، طویل محاصرے اور بنیادی آزادیوں پر قدغنیں بھارتی چہرے کو پوری دنیا کے سامنے بے نقاب کر چکی ہیں۔ حکومت پاکستان محض رسمی بیانات پر اکتفا کرنے کے بجائے کشمیری عوام کی بھرپور سیاسی، سفارتی اور اخلاقی حمایت کو مزید مؤثر بنائے اور بھارت کے خلاف عالمی سطح پر مضبوط اور دوٹوک موقف اختیار کرے۔ساتھ ہی انہوں نے اقوامِ متحدہ پر زور دیا کہ وہ اپنی ذمے داری ادا کرے، مسئلہ کشمیر کو اپنی ہی منظور شدہ قراردادوں کے مطابق حل کرائے اور کشمیری عوام کو ان کا تسلیم شدہ حق خود ارادیت دلانے کے لیے عملی اقدامات کرے۔انہوں نے کہا کہ کشمیری عوام کی جدوجہد آزادی ایک جائز اور حق پر مبنی تحریک ہے جسے طاقت کے زور پر دبایا نہیں جا سکتا۔ کشمیریوں نے بے مثال قربانیاں دی ہیں اور یہ قربانیاں ہرگز رائیگاں نہیں جائیں گی۔ پاکستان کے عوام کے دل کشمیری عوام کے ساتھ دھڑکتے ہیں اور ان کے دکھ درد میں برابر کے شریک ہیں۔
ذریعہ
ذریعہ: Jasarat News
کلیدی لفظ: کشمیری عوام
پڑھیں:
حکومت نے 11 ماہ میں عوام اور کاروباری اداروں کی جیبوں سے سوا 11 ہزار ارب روپے کا ٹیکس نکال لیا
اسلام آباد(اُردو پوائنٹ اخبارتازہ ترین۔ 02 جون2026ء) حکومت نے 11 ماہ میں عوام اور کاروباری اداروں کی جیبوں سے سوا 11 ہزار ارب روپے کا ٹیکس نکال لیا، ایف بی آر نے پہلے 11 ماہ میں 11 ہزار 257 ارب روپے ٹیکس اکٹھا کیا ، مئی میں 994 ارب روپے وصول کیے ۔ تازہ ترین حکومتی اعداد و شمار کے مطابق ایف بی آر کی ٹیکس وصولیاں نظرثانی شدہ اہداف کے مطابق جاری ہیں۔ مشیر وزیر خزانہ خرم شہزاد کے مطابق 864 ارب روپے کے ٹیکس شارٹ فال کا تاثر ابتدائی 14 ہزار 130 ارب روپے کے ہدف کی بنیاد پر دیا جا رہا ہے جو گمراہ کن ہے۔معاشی حالات میں تبدیلی کے بعد آئی ایم ایف کی مشاورت سے ریونیو ہدف تقریباً 13 ہزار ارب روپے تک ایڈجسٹ کیا گیا۔ مشیر وزیر خزانہ نے کہا کہ مہنگائی،درآمدات اور عالمی صورتحال میں تبدیلی کے باعث اہداف پر نظرثانی معمول کا مالی عمل ہے، نظرثانی شدہ مالی فریم ورک کیتحت ایف بی آر کی کارکردگی مضبوط،11 ماہ کا تقریباً مکمل ہدف حاصل کیا گیا، ایف بی آر نے پہلے 11 ماہ میں 11 ہزار 257 ارب روپے ٹیکس اکٹھا کیا جبکہ مئی میں 994 ارب روپے وصول کیے۔(جاری ہے)
مشیر وزیر خزانہ نے کہا کہ مئی میں ایف بی آر نے ماہانہ ہدف کا 97 فیصد جبکہ 11 ماہ کے ہدفکا 99.8 فیصد حاصل کیا، موجودہ کارکردگی ریونیو بحران یا بڑے ٹیکس شارٹ فال کے دعوؤں کی نفی کرتی ہے، جون 2026 کا 1 ہزار 727 ارب ریونیو ہدف 15 فیصد اضافے کے ساتھ نظرثانی شدہ مالی فریم ورک کے مطابق قابل حصول ہے، کاروباری طبقے اور سرمایہ کار غیر معمولی ٹیکس اقدامات سے متعلق قیاس آرائیوں پر توجہ نہ دیں، مالی معاملات پر تبصرہ پرانے اہداف کے بجائے موجودہ معاشی حقائق اور درست اعداد و شمار پر ہونا چاہیے۔
وزارت آئی ٹی نے 1.67 ارب روپے سے زاید کے فنڈز طلب کرلیے