پانڈا بانڈ کا اجراء چین میں چھٹیوں کے بعد امارات سے مذاکرات جاری: وزیر خزانہ
اشاعت کی تاریخ: 5th, February 2026 GMT
اسلام آباد (نمائندہ خصوصی) وزیر خزانہ سینیٹر محمد اورنگزیب نے کہا ہے کہ پانڈ کا اجراء ا چین میں سالانہ چھٹیوں کے اختتام کے بعد ہوگا،ائی ایم ایف کے ساتھ قرضہ پروگرام کے تیسرے ریویو کے مذاکرات ماہ رواں کے آخر میں ہوں گے،پارلیمنٹ ہاؤس میں میڈیا سے مختصر بات چیت میں انہوں نے کہا کہ آئی ایم ایف کو ایکسٹرنل فائنانسنگ کا جو پلان دیاہوا ہے، اس پر قائم ہیں ، یو اے ای کے ساتھ مذاکرات چل رہے ہیں۔وزیر خزانہ نے کہا کہ این ایف سی کی کارروائی کوآگے بڑھانے میں دلچسپی رکھتے ہیں، اس وقت مختلف ورکنگ گروپوں کے اجلاس ہو رہے ہیں ، آئندہ ہفتے بھی ورکنگ گروپس کے کے اجلاس ہوں گے جب ان کے پانچ چھ اجلاس ہو جائیں گے تو این ایف سی کا اجلاس بلا لیا جائے گا، دریں اثناء وفاقی وزیر برائے خزانہ و محصولات، سینیٹر محمد اورنگزیب نے فارما بیورو کے ایک وفد سے ملاقات کی، جس میں ادویہ سازی کے شعبے سے متعلق اہم پالیسی، ریگولیٹری اور معاشی امور پر تبادلہ خیال کیا گیا۔وفد کی قیادت چیئرمین فارما بیورو، جناب سید انیس احمد نے کی، جبکہ وفد میں مس ارم شاکر رحیم (کو چیئر فارما بیورو)، جناب قوی نصیر (چیف ایگزیکٹو آفیسر، ہیلیون پاکستان لمیٹڈ)، مس حفصہ شمسی (چیف ایگزیکٹو آفیسر، روچ پاکستان)، جناب سجاد افتخار، مس عندلیب احمد اور مس عائشہ ٹی حق (ایگزیکٹو ڈائریکٹر، فارما بیورو) شامل تھے۔ملاقات کے دوران فارما بیورو کے وفد نے شعبے کی مجموعی کارکردگی پر بریفنگ دی۔ وفاقی وزیر برائے خزانہ و محصولات نے عوامی صحت، روزگار کے مواقع پیدا کرنے اور مجموعی معاشی سرگرمی میں ادویہ سازی کے شعبے کے کردار کو سراہا۔
.
ذریعہ
ذریعہ: Nawaiwaqt
کلیدی لفظ: فارما بیورو
پڑھیں:
پاکستان اور کویت جاری سفارتی کوششوں کے مثبت نتائج کیلئے پرامید
وزیر خارجہ اسحاق ڈار نے کویت کے وزیر خارجہ شیخ جراح جابر الاحمد الصباح سے رابطہ کیا، دونوں رہنماؤں نے جاری سفارتی کوششوں کے مثبت نتائج کی امید ظاہر کی۔
ترجمان دفتر خارجہ کا کہنا ہے کہ کویتی وزیر خارجہ نے امریکا اور ایران کے درمیان رابطوں میں پاکستان کے کردار کو سراہا، کویتی وزیر خارجہ نے علاقائی امن و استحکام کیلئے پاکستان کی کوششوں کی تعریف کی۔
اسحاق ڈار نے خطے میں پائیدار امن کیلئے سفارتکاری اور مذاکرات کی حمایت کا اعادہ کیا، پاکستان نے مسائل کے حل کیلئے مسلسل سفارتی روابط کو ترجیحی راستہ قرار دیا۔
دفتر خارجہ کا کہنا ہے کہ دونوں رہنماؤں نے جاری سفارتی کوششوں کے مثبت نتائج کی امید ظاہر کی۔
اس موقع پر پاکستان اور کویت کے درمیان برادرانہ تعلقات مزید مضبوط بنانے اور مستقبل میں قریبی رابطے برقرار رکھنے پر اتفاق کیا گیا۔
وزارت آئی ٹی نے 1.67 ارب روپے سے زاید کے فنڈز طلب کرلیے