وزیراعظم اور اپوزیشن لیڈر کی ملاقات طے، وقت اور مقام پر مشاورت جاری
اشاعت کی تاریخ: 5th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
اسلام آباد میں وزیراعظم کے مشیر برائے سیاسی امور رانا ثنا اللہ نے تصدیق کی ہے کہ وزیراعظم اور اپوزیشن لیڈر کے درمیان ملاقات طے پا چکی ہے، تاہم ابھی اس ملاقات کے دن، وقت اور مقام کو حتمی شکل نہیں دی گئی۔
ان کا کہنا تھا کہ ملاقات کے حوالے سے مختلف آپشنز زیر غور ہیں۔
رانا ثنا اللہ نے کہا کہ وزیراعظم شہباز شریف، محمود اچکزئی کی میزبانی پر بھی ملاقات کے لیے تیار ہیں، جبکہ پارلیمنٹ ہاؤس میں ملاقات کا امکان بھی موجود ہے۔ انہوں نے کہا کہ مقصد سیاسی درجہ حرارت میں کمی اور بات چیت کے ذریعے مسائل کا حل تلاش کرنا ہے۔
رانا ثنا اللہ نے مزید کہا کہ اگر 8 فروری سے پہلے ملاقات کرنے سے اپوزیشن لیڈر کی سیاسی پوزیشن متاثر ہوتی ہے تو حکومت بعد میں ملاقات پر بھی آمادہ ہے، کیونکہ نیت سنجیدہ مذاکرات اور بہتر سیاسی ماحول کی بحالی ہے۔
دوسری جانب اپوزیشن رہنما مصطفیٰ نواز کھوکھر نے حکومت کی مذاکرات کی پیشکش کو قبول کرنے کا اعلان کرتے ہوئے کہا کہ وزیراعظم کی جانب سے کابینہ اجلاس میں دی گئی دعوت پر اپوزیشن میں تفصیلی مشاورت ہوئی، جس کے بعد یہ فیصلہ کیا گیا کہ مذاکرات کی دعوت کو غیر مشروط طور پر قبول کیا جائے گا۔
.
ذریعہ
ذریعہ: Jasarat News
کلیدی لفظ: کہا کہ
پڑھیں:
وزیراعظم کا سرمایہ کاری اور صنعتی ترقی کیلئے اصلاحات تیز کرنے کا حکم
سٹی 42: وزیراعظم شہباز شریف کی زیر صدارت سرمایہ کاری میں اضافے، صنعتی ترقی اور معیشت کی بہتری کے حوالے سے اہم جائزہ اجلاس منعقد ہوا، جس میں مختلف شعبوں میں اصلاحات اور پالیسی اقدامات پر غور کیا گیا۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
اجلاس سے خطاب کرتے ہوئے وزیراعظم شہباز شریف نے کہا کہ ملکی معیشت کی پائیدار ترقی کے لیے صنعت و حرفت کا فروغ اور بیرونی سرمایہ کاری میں اضافہ ناگزیر ہے۔ انہوں نے ہدایت کی کہ صنعتی پیداوار اور برآمدات بڑھانے کے لیے مؤثر اور دیرپا پالیسی اقدامات کو ترجیح دی جائے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
وزیراعظم نے کہا کہ صنعت، تجارت اور معیشت کے مختلف شعبوں میں اصلاحات عوامی فلاح اور طویل المدتی معاشی استحکام پر مرکوز ہونی چاہئیں۔ انہوں نے متبادل توانائی کے ذرائع کے فروغ اور مستقبل کی توانائی ضروریات پوری کرنے کے لیے جامع حکمت عملی پر تیزی سے عملدرآمد کی ضرورت پر زور دیا۔
شہباز شریف کا کہنا تھا کہ توانائی کی بچت اور سستی ٹرانسپورٹ کے فروغ کے لیے مؤثر الیکٹرک وہیکلز پالیسی وقت کی اہم ضرورت ہے، جبکہ جدید ٹیکنالوجی کو مختلف شعبوں میں متعارف کرانے کے لیے وزارتوں اور ماہرین کے درمیان مؤثر مشاورت یقینی بنائی جائے۔
نجی کمپنیاں گندم کے مقابلے میں آٹا دوگنی قیمت پر فروخت کرنے لگیں، کارروائی کا مطالبہ
اجلاس میں نائب وزیراعظم و وزیر خارجہ اسحاق ڈار، وزیر خزانہ محمد اورنگزیب، وزیر اقتصادی امور احد چیمہ، وزیر اطلاعات عطاء اللہ تارڑ، وزیر موسمیاتی تبدیلی مصدق ملک، وزیر توانائی اویس لغاری، وزیر پٹرولیم علی پرویز ملک اور دیگر اعلیٰ حکام نے شرکت کی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ