فرید پراچہ کی زیر قیادت جماعت اسلامی کے وفد کی چیف الیکشن کمشنر سے ملاقات
اشاعت کی تاریخ: 5th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
اسلام آباد(نمائندہ جسارت) جماعت اسلامی پاکستان کے وفد کی چیف الیکشن کمشنر سے ملاقات، ملاقات میں اسلام آباد اور پنجاب کے بلدیاتی انتخابات کے حوالے سے تفصیلی گفتگو کی گئی۔ جماعت اسلامی کے وفد کی قیادت ڈپٹی سیکرٹری جنرل جماعت اسلامی پاکستان فرید احمد پراچہ نے کی، وفد میں نائب امیر جماعت اسلامی پاکستان میاں محمد اسلم، جماعت اسلامی اسلام آباد کے امیر نصراللہ رندھاوا اور سیف اللہ گوندل ایڈوکیٹ شامل تھے۔ چیف الیکشن کمشنر سے ملاقات کے بعد الیکشن کمیشن کے باہر میڈیا سے گفتگو کرتے ہوئے جماعت اسلامی پاکستان کے ڈپٹی سیکرٹری جنرل ڈاکٹر فرید احمد پراچہ نے کہا کہ جماعت اسلامی کے وفد نے چیف الیکشن کمشنر سے ملاقات کی ہے، جماعت اسلامی پنجاب میں بلدیات کے کالے قانون کے خلاف تحریک چلا رہی ہے اور اسلام آباد میں بھی بلدیاتی انتخابات کے التوا کے خلاف عدالت میں گئے ہیں ، ڈاکٹر فرید احمد پراچہ نے کہا کہ ہم سمجھتے ہیں کہ بلدیاتی انتخابات نہ کرانا آئین پاکستان کی کھلم کھلا خلاف ورزی ہے، وفاقی اور صوبائی حکومتیں بلدیاتی نمائندوں کو اختیارات نہیں دینا چاہتی، صوبے اور وفاق اختیارات اپنے ہاتھ میں رکھنا چاہتے ہیں۔ ہم نے چیف الیکشن کمشنر کو بتایا ہے کہ بروقت الیکشن کرانا الیکشن کمیشن کی آئینی ذمے داری ہے، چیف الیکشن کمشنر سے اس حوالے سے کھل کر بات ہوئی ہے، چیف الیکشن کمشنر نے یقین دہانی کرائی ہے کہ اسلام آباد اور پنجاب میں بروقت الیکشن کرانے میں کامیاب ہو جائیں گے، الیکشن کمشنر نے حکومت کو قانون میں ترمیم کی تجویز دی ہے، اس ترمیم کے لیے پارلیمان میں سادہ اکثریت کی ضرورت ہوگی۔ اس ترمیم سے بلدیاتی اداروں کی مدت پوری ہونے کے بعد خودبخود الیکشن کرادیا جائے گا، ہم اس ترمیم کی حمایت کرتے ہیں، فرید احمد پراچہ نے کہا کہ پنجاب اور اسلام آباد میں کالا قانون لایا گیا ہے، بلدیاتی اداروں کے اختیارات چھین لیے گئے ہیں، نئے بلدیاتی قانون میں ضلعی حکومتوں کو مذاق بنا دیا گیا ہے، بڑی شہروں کے میئرز کو ختم کر دیا گیا ہے، اب بلدیاتی نمائندے حکومت کی گرانٹس کے محتاج ہوں گے، انہوں نے کہا کہ یہ سارا کا سارا کھیل ہارس ٹریڈنگ کے لیے رچایا جا رہا ہے اور غیر جماعتی بلدیاتی الیکشن کرائے جارہے ہیں، ایک سوال کے جواب میں انہوں نے کہا کہ کراچی میں جماعت اسلامی کی قیادت کے خلاف مقدمات کا اندراج قابل مذمت ہے، کراچی کے تمام مسائل کے ذمے دار سندھ حکومت اور کراچی کی بلدیاتی حکومت ہے، جماعت اسلامی نے کراچی کو جینے دو مہم شروع کی ہے جو جاری رہے گی۔ امیر جماعت اسلامی اسلام آباد نصراللہ رندھاوا نے کہا کہ اسلام آباد میں 5 بار بلدیاتی انتخابات ملتوی کیے گئے، اسلام آباد میں نیا آرڈیننس لاکر بلدیاتی انتخابات کو ملتوی کر دیا گیا، ہم نے اسلام آباد ہائیکورٹ میں نئے آرڈیننس کو چیلنج کیا ہے، الیکشن کمیشن سے مطالبہ کرتے ہیں کہ الیکشن کو بروقت منعقد کرائے، الیکشن کمیشن حکومت کے دباؤ میں نہ آئے، نصراللہ رندھاوا نے کہا کہ گٹروں کے ڈھکن نہ ہونے کی وجہ سے ملک کے کئی شہروں میں انسانی جانیں ضائع ہوئیں، بلدیاتی نمائندے نہ ہونے کی وجہ سے عوام کو مسائل کا سامنا ہے۔
اسلام آباد: جماعت اسلامی پاکستان کے ڈپٹی سیکرٹری جنرل ڈاکٹر فرید احمد پراچہ وفدکے ہمراہ چیف الیکشن کمشنر سے ملاقات کے بعد میڈیا سے گفتگوکررہے ہیں
نمائندہ جسارت
سیف اللہ
ذریعہ
ذریعہ: Jasarat News
کلیدی لفظ: چیف الیکشن کمشنر سے ملاقات جماعت اسلامی پاکستان فرید احمد پراچہ نے بلدیاتی انتخابات اسلام ا باد میں الیکشن کمیشن نے کہا کہ کے وفد
پڑھیں:
آزاد کشمیر الیکشن، استحکام پاکستان پارٹی اور مسلم کانفرنس کے درمیان انتخابی اتحاد پر اتفاق
مظفر آباد(ڈیلی پاکستان آن لائن)آزاد کشمیر قانون اسمبلی کے انتخابات کے حوالے سے بڑی سیاسی پیشرفت سامنے آئی ہے، استحکام پاکستان پارٹی اور مسلم کانفرنس کے درمیان انتخابی اتحاد پر اتفاق ہو گیا۔
صدر استحکام پاکستان پارٹی آزاد کشمیر سردار تنویر الیاس اور مسلم کانفرنس کے صدر سردارعتیق کی ملاقات میں اہم پیشرفت سامنے آئی ہے۔ آزاد کشمیر کے مختلف انتخابی حلقوں میں سیٹ ایڈجسٹمنٹ کے اصولی فارمولے کی منظوری دے دی گئی۔ دونوں جماعتوں نے انتخابات کےبعد بھی مشترکہ حکمت عملی کےتحت آگےبڑھنے پر اتفاق کیا ہے۔ طے پایا کہ دونوں جماعتوں کی مشترکہ رابطہ کمیٹی امیدواروں کی حمایت کا حتمی اعلان جلدکرے گی۔
لومئیربرادرز اپنی ایجاد پر بہت مسرور تھے، وہ جہاں بھی اپنا سینما لے کر جاتے لوگ ششدر رہ جاتے ، وہ یہ کھیل تماشہ لے کر ہندوستان بھی آئے تھے
دونوں قائدین نے مسلح افواج اوراداروں کی مسئلہ کشمیر اجاگر کرنے کی کوششوں کی تعریف کی۔ ملاقات میں آئی پی پی کی جانب سے سردار امتیاز،سردارافتخار رشید اور سردارمنظور ایڈووکیٹ موجود تھے۔ سردارمحمود خان، سردار شجاع منگول، شبدیزصابر سمیت دیگر آئی پی پی رہنما بھی شریک ہوئے۔ جبکہ مسلم کانفرنس کے سردارعثمان عتیق،ڈاکٹرعرفان اشرف،سردارعفان عتیق،راجاعبدالجبار اور دیگر نے شرکت کی۔
مزید :
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا