ہیئت ائمہ مساجد کے تحت جشن ولادت امام مہدیؑ کی مناسبت سے میلاد و علمی مذاکرے کا انعقاد
اشاعت کی تاریخ: 5th, February 2026 GMT
علماء کرام نے امام خامنہ ای سے تجدید عہد اور انکی حمایت و دفاع کیلئے اپنی آمادگی کا اعلان کیا اور مولانا اصغر شہیدی نے امام خامنہ ای و انقلاب اسلامی کے حق میں اور امریکا اسرائیل کیخلاف قراردادیں پیش کیں۔ اسلام ٹائمز۔ ہیئت ائمہ مساجد و علما امامیہ پاکستان کے زیر اہتمام حضرت امام زمانہ عجل اللہ فرجہ کے یوم ولادت باسعادت و یوم مستضعفین جہان کی مناسبت سے ایک میلاد اور علمی مذاکرے کا انعقاد اسلامک ریسرچ سینٹر کراچی میں کیا گیا۔ اس موقع پر صدر ہیئت مولانا محمد حسین رئیسی، نائب صدر مولانا ڈاکٹر سید نسیم حیدر زیدی، مولانا رمیز الحسن موسوی، مولانا ناظر عباس تقوی اور جنرل سیکریٹری مولانا اصغر شہیدی نے خطاب کیا۔ علمی مذاکرے میں مولانا ڈاکٹر مظفر حسین رضوی نے میزبانی کے فرائض انجام دیئے اور مولانا سید صادق رضا تقوی اور ڈاکٹر علی کوثر نے علمی مذاکرے میں سوالات کے جواب دیئے اور کہا کہ انتظار کا حقیقی مفہوم تحریک، بیداری اور ظہور کی جانب اجتماعی جدوجہد ہے، انتظار ایک مکتب اور نظریہ ہے۔
انہوں نے کہا کہ اسلامی انقلاب کی کامیابی دراصل ظہور امام مہدیؑ کی جانب ایک عملی قدم ہے، اسلامی انقلاب دراصل ظہور صغریٰ کا آغاز ہے۔ انہوں نے کہا کہ حضرت امام خمینیؒ کی قیادت میں کامیاب ہونے والے اسلامی انقلاب نے شرق و غرب کے سیاسی نظام کو تہہ و بالا کر دیا اور اسلام کی حقانیت کو پیش کیا، آج یورپ اور امریکا میں جو بیداری نظر آ رہی ہے وہ ظہور امام زمانؑ کیلئے معرفت میں تبدیلی اور ارتقاء کا مظہر ہے۔ انہوں نے کہا کہ اہلبیتؑ نے عصر غیبت کیلئے نظام ولایت فقیہ کی جانب متوجہ کیا تاکہ اسلام کا سیاسی نظام ظہور تک قائم و دائم رہ۔ انہوں نے کہا کہ ظہور امامؑ، معرفت سے جڑا ہے، جب تک اعتقادی معرفت کے ساتھ اجتماعی وظائف کی بجا آوری کی معرفت کی سطح بلند نہ ہو، ظہور وقوع پذیر نہیں ہوگا۔
پروگرام کے آخر میں علماء کرام نے امام خامنہ ای سے تجدید عہد اور ان کی حمایت و دفاع کیلئے اپنی آمادگی کا اعلان کیا اور جنرل سیکریٹری مولانا اصغر شہیدی نے امام خامنہ ای و انقلاب اسلامی کے حق میں اور امریکا اسرائیل کے خلاف قراردادیں پیش کیں۔ پروگرام کی نظامت مولانا علیم رحمانی نے کی، جبکہ اجتماع کی تزئین و آرائش مولانا محمد رضا جعفری نے انجام دی، اراکین کابینہ کے ٹیم ورک نے پروگرام کو کامیاب بنایا۔ پروگرام کا اختتام دعائے سلامتی امام زمانہ عجل اللہ فرجہ سے ہوا اور علماء نے امام خامنہ ای کی حمایت و دفاع کیلئے اپنے دستخط سے اپنی حمایت کا اعلان کیا۔
ذریعہ
ذریعہ: Islam Times
کلیدی لفظ: نے امام خامنہ ای انہوں نے کہا کہ علمی مذاکرے
پڑھیں:
جماعت اسلامی کے سیکریٹری جنرل امیرالعظیم انتقال کرگئے
لاہور(ڈیلی پاکستان آن لائن)جماعت اسلامی پاکستان کے سیکریٹری جنرل امیرالعظیم لاہور میں انتقال کرگئے۔جماعت اسلامی پاکستان کی جانب سے سماجی رابطے کی ویب سائٹ پر جاری بیان میں بتایا گیا کہ امیرالعظیم صاحب اللہ کے حضور پیش ہوگئے۔
سیکریٹری جنرل جماعت اسلامی امیر العظیم طویل عرصے سے علیل اور کینسر کے مرض سے نبرد آزما تھے۔امیرالعظیم کی نماز جنازہ کا اعلان بعد میں کیا جائے گا۔امیرالعظیم جماعت اسلامی کے سیکریٹری جنرل کے علاوہ زمانۂ طالب علمی میں اسلامی جمعیت طلبہ پاکستان کے ناظم اعلیٰ بھی رہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
لاہور میں 1958 میں پیدا ہونے والے امیرالعظیم نے پنجاب یونیورسٹی سے ایم بی اے کی ڈگری حاصل کی اور اسلامی جمعیت طلبہ کے ناظم اعلی رہے۔جماعت اسلامی پاکستان کے سابق امیر سراج الحق نے انہیں 2019 اور 2024 میں موجودہ امیر جماعت اسلامی حافظ نعیم الرحمان نے مرکزی مجلس شوریٰ کے مشورے سے انہیں مرکزی سیکریٹری جنرل مقرر کیا۔
مزید :
بھارت سے جنگ اور افغانستان میں کارروائی خارج ازامکان نہیں، وزیردفاع